JEREMIAH 9:24 - Hakcipta - Biatah Bidayuh

²⁴ Kambŭi daya raan mingangŭn, ayŭh patut mingangŭn adŭp-i puan ka mirati Aku, sabab pinyirindu Ku dŭh bisa birubah, ka Aku ndai anŭ adi tŭnggŭn ka adi batur. Anŭ inŭh kayuh adi pimunos asŭng Ku. Aku, adi TUHAN, mbŭh minyu.”

JEREMIAH 9:24 ပူးပေါင်းရင်းမြစ်များ

MAZMUR 20:7

Kada so ngara sabah di krita kuda perang ngara, ka adi bŭkŭn di kuda ngara, pak ata sabah di kuasa TUHAN adi Tapa ta.

MAZMUR 34:2

Aku re muji Ayŭh yŭn kayuh adi mbŭh-I ndai; isa-i sopŭrŭg adi dog kinanyuh dingah ka gaŭn!

MAZMUR 34:3

Piagah ngga aku bās TUHAN; ja ata samah muji adŭn-I.

MAZMUR 44:8

Kieh re ari muji Kaam ka nggen trima kaseh di Kaam adu adu.

MAZMUR 44:9

Pak madin Kaam mbŭh tirawan kieh ka tandah kieh dog ngarah; Kaam mbŭh dŭh tia ruah baris ngga bara soldadu ami.

MAZMUR 51:1

Masi di aku, O Tapa, sabab pinyirindu Mai adi dŭh bisa birubah. Sabab masi bās Mai taran dosa ku!

MAZMUR 91:14

Tapa nang, “Aku re nyiramat ngara adi rindu Aku ka grindung ngara adi ngaku Aku TUHAN.

MAZMUR 99:4

Raja adi bikuasa, Kaam rindu kayuh adi batur; Kaam mbŭh piguru pinyitŭnggŭn di Israel; Kaam mbŭh taban pinŭnggŭn ngga atin jujur.

ISAIAH 20:5

Ngara adi ko na pinyabah ngara di Ethiopia ka mbŭh mingangŭn pasar Egypt re riruk ka asa.

ISAIAH 41:16

Angān re napan sopŭrŭg-i. ka sabak re taban-i ngga bu, ka-i re mingare bada sabak ribut. Komŭnŭ angān re gaŭn amai Aku ati Tapa ngan; angān re muji Aku, Tapa kudus Israel.

ISAIAH 45:25

Aku, adi TUHAN, re nyiramat sopŭrŭg sesang Jacob, ka ngara re muji Aku.

ISAIAH 61:8

TUHAN nang, “Aku rindu pinyitŭnggŭn ka Aku tiru di pingandai adi kinanyuh daya ngga tadŭ pingandai adi sarah. Ngga tŭtŭd Aku re ngupah daya Ku ka ndai simanya adi tan adu adu ngga ngara.

JEREMIAH 22:16

Ayŭh ngatur har daya sirata ngga pinyitŭnggŭn, ka sopŭrŭg kayuh tirase di ayŭh. Anŭ inŭh rati-i puan TUHAN.

JEREMIAH 4:2

kuu bisa bipayu pakai adŭn Ku. Komŭnŭ sopŭrŭg bangsa re mite Aku nyiberkat ngara, ka ngara re muji Aku.”

MICAH 6:8

Dŭh, TUHAN mbŭh kidaan di ata kayuh adi kana. Kayuh adi-I mite ata ndai inŭh ati: ndai kayuh adi batur, kiren pinyirindu adi dŭh bisa birubah, ka pirapat adŭp buang udip ndi ngga Tapa.

MICAH 7:18

Mating tapa bŭkŭn mun Kaam, O TUHAN. Kaam apun dosa daya Mai adi babŭ udip. Kaam dŭh adu adu baji, pak Kaam raan dŭ kiren pinyirindu Mai adi dŭh bisa birubah.

MATTHEW 11:27

“Sama Ku mbŭh nggen di Aku sopŭrŭg kayuh. Mating daya puan Anak adŭ-i Sama, ka mating daya puan Sama adŭ-i Anak samŭn ngara adi Anak ko mien yŭn-I pinandŭng Sama.

LUKE 10:22

“Sama Ku mbŭh nggen di Aku sopŭrŭg kayuh. Mating daya puan asi Anak adŭ-i Sama, ka mating daya puan asi Sama adŭ-i Anak samŭn ngara adi yŭn Anak ko kidaan pasar Ayŭh.”

JOHN 17:3

Ka udip adi sawŭ adi tan adu adu rati-i puan Kaam sadi adŭ adi Tapa, ka puan Jesus Kristus adi Kaam mbŭh bada mandŭg.

ROME 5:11

Pak dŭh-i anŭ adŭ; ata gaŭn sabab kayuh adi Tapa mbŭh ndai so Tuhan ta Jesus Kristus, adi madin mbŭh ndai ata da jadi dingan Tapa.

1 CORINTH 1:31

Ngapŭi, sak adi nang Surat-kudus, “Asi asi adi raan mingangŭn dŭh siŭn dŭh an mingangŭn pasar kayuh adi Tuhan mbŭh ndai.”

2 CORINTH 10:17

Pak sak adi nang Surat-kudus, “Asi asi adi raan mingangŭn dŭh siŭn dŭh mingangŭn pasar kayuh adi Tuhan ko ndai.”

2 CORINTH 4:6

Tapa adi nang, “Jawa re nyekar darŭm karŭm!” inŭh babŭ Tapa anŭ adi bada jawa-I nyekar darŭm atin ami, isa ata bisa puan bragah Tapa adi nyekar di Jawin Kristus.

GALATIA 6:14

Ka aku ati, kaŭs aku an mingangŭn pasar rigang Tuhan ta Jesus Kristus; amai ngga pinyikabŭs Kristus di atuh rigang, ong ati mbŭh dŭh biyŭn rati di aku, ka aku gŭh mbŭh keya ka kabŭs di kayuh ong.

PHILIPPI 3:3

Dŭh-i ngara pak ata, adi mbŭh kambat sunat adi sawŭ, amai ngga pinurung Roh-I ata nyambah Tapa ka gaŭn darŭm ata udip ndi ngga Kristus Jesus. Ata dŭh bisangan di adat pŭrŭng.

1 JOHN 5:20

Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.

1 SAMUEL 15:22

Samuel nang, “Aki ndi TUHAN raan: nurut pinganang TUHAN kah pinganggen ngga sadis? Kana dŭ nurut pinganang-I so nŭŭh jugan biri adi gamu ka Ayŭh.