JEREMIAH 9:20 - Hakcipta - Biatah Bidayuh

²⁰ Aku nang, “Dingah pinganang TUHAN, angān adi bara dayung, ka mbit bat di pinganang-I. Ngajar bara anak dayung ngan munki muās, ka bara dingan ngan munki nang ragu nyikubur.

JEREMIAH 9:20 ပူးပေါင်းရင်းမြစ်များ

JOB 22:22

Trima ajar adi-I nggen di kuu; nyikŭn pinganang-I darŭm atin mu.

ISAIAH 3:16

TUHAN nang, “Tingga munki masam sambuh dayung Jerusalem! Ngara migaŭng buang panu. Ngara ari main batŭh, ka ngutai sakong-i, ka garang kaja-i prikareng jawŭn.

ISAIAH 3:4

TUHAN re bada daya dog mritah anak anak dari adi gibayuh tuuh pikir-i.

JEREMIAH 14:16

Daya adi dingah pinganang ngara re dog siŭ mun anŭ gŭh. Tadang ngara re dog taran di aran aran di Jerusalem, ka mating daya adi re tukang kubur ngara. Kayuh anŭ re jadi di sopŭrŭg ngara, sawŭn ngara, anak anak dari ngara, ngga anak anak dayung ngara. Aku re bada ngara dapu tanggong udip ginaka ngara.”

JEREMIAH 23:16

TUHAN Bisa-pŭrŭg nang di daya di Jerusalem, “Dŭhnyah dingah pinganang bara nabi anŭ; ngara anŭ nggen di angān pingarap adi dŭh sawŭ. Ngara kidaan di angān kayuh adi adŭp ngara nimbur, ka dŭh pinganang so Aku.

JEREMIAH 23:28

Nabi adi ko nyipŭmŭh patut nang anŭ kaŭs-i pŭmŭh adŭ, pak nabi adi mbŭh dingah pinganang Ku patut piagah pinganang Ku anŭ ngga atin tŭtŭd. Ani kana siriyang kambŭi danding ngga gandom?

JEREMIAH 6:11

Baji Mai di ngara bijagu gŭh darŭm aku, TUHAN, ka aku dŭh tungang nyijŭn-i tia.” Komŭnŭ TUHAN nang di aku, “Ren baji Ku di tunduh bara anak-sŭ di aran raya ka di tunduh anak anak-anya. Banŭh banŭh ngga sawŭn sawŭn ngara re dog taban ngga bu, ndŭg ka adi minyamba re dŭh gŭh dog kidŭm.

JEREMIAH 7:29

“Ngurid meh, angān daya Jerusalem; kapŭg ubok ngan ka taran-i. Nang ragu nyikubur di tibung sandah, sabab Aku, adi TUHAN, mbŭh baji, ka mbŭh tirawan daya Ku.

JEREMIAH 8:2

Turang turang anŭ re dŭh dog kubur, pak re mingare di tunduh tana mun tamŭh. Turang turang anŭ re mingare yŭn batŭh andu, buran, ka bitang bitang, adi dog rindu ka adi yŭn ngara anŭ bituan, ka adi yŭn ngara bisiken ka nyambah.

JEREMIAH 9:12

Aku siken “TUHAN, mani tarun tana jadi matung ka badŭh mun tarun tana-pajam, ndŭg ka daya mating panu mutas-i? Asi adi sukup bijak re mirati kayuh adi mun anŭ? Di asi Kaam mbŭh kidaan rati-i isa ayŭh bisa kidaan di daya bŭkŭn?”

PUĀS 2:19

Ndi ngarŭm ngarŭm ka pari pari makat ka bagan TUHAN; kidaan ani darŭm atin mu ka mite Ayŭh masi di anak anak mu. Anak anak-sŭ mbŭh aŭn sikirau di barang sakap aran!

PUĀS 2:21

Adi mara ngga adi minyamba kabŭs di aran, dari ngga dayung adi mara, dog siŭ pinganyu ngga pedang. Kaam siŭ ngara ngga dŭh kira masi kan Kaam baji.