JEREMIAH 9:18 - Hakcipta - Biatah Bidayuh

¹⁸ Daya nang, “Bada ngara rikas nang ragu nyikubur yŭn ami, ndŭg ka batŭh ami puno ngga randang batŭh, ka pundu batŭh ami bisa amai sien.”

JEREMIAH 9:18 ပူးပေါင်းရင်းမြစ်များ

MAZMUR 119:136

Randang batŭh ku aman mun piin sungi, sabab daya dŭh tunda ukum-adat Mai.

ISAIAH 22:4

Madin tandah aku muās sopŭrŭg daya ku adi mbŭh kabŭs. Dŭhnyah suba nyaduh aku.

JEREMIAH 13:17

Kambŭi angān abah dingah, Aku re sien darŭm bisukan sabab uap-sambuh ngan; Aku re nyisakuk sien, ka randang batŭh ku re pripasog ruah sabab daya TUHAN mbŭh dog taban ngga bu jadi daya-takap.

JEREMIAH 14:17

TUHAN pesan aku bada kidaan di daya pasar pinyusah ku. Aku patut nang: “Isa-i randang batŭh ku pripasog ruah sandu ngga singarŭm, isa-i aku dŭh ko muās, amai daya ku mbŭh biragan ka mbŭh bana sangsara.

JEREMIAH 3:24

Pak nyambah Baal, tapa adi taban mangŭh, mating nyiramat dāng kudip ami, anak anak dari ami ngga anak anak dayung ami; anŭ inŭh sopŭrŭg adi tayung-babuk ami mbŭh dapŭd so turang udas ngara so jaman jah.

JEREMIAH 3:25

Kieh patut guring darŭm mangŭh ka bada mangŭh ami nutu kieh. Kieh ngga tayung-babuk ami mbŭh ari bidosa rawan TUHAN adi Tapa ami; kieh bŭn tunda pinyipesan-I.”

JEREMIAH 4:20

Pinyirusag ndi dog tunda pinyirusag andi; ndi tarun tarun tana rais mbŭh rabur. Gŭgŭh bari bari ami mbŭh dog pirusak; dudu tabir-i mbŭh tiratak.

JEREMIAH 6:26

TUHAN nang di daya-I, “Kasŭk banang guni ka gurai adŭp ngan di apŭk. Bandar bandar muās mun angān muās anak tambŭ dari ngan, sabab sianŭ adi mandŭg di pirabur angān re gŭgŭh nyerang.

JEREMIAH 7:29

“Ngurid meh, angān daya Jerusalem; kapŭg ubok ngan ka taran-i. Nang ragu nyikubur di tibung sandah, sabab Aku, adi TUHAN, mbŭh baji, ka mbŭh tirawan daya Ku.

JEREMIAH 9:1

Kasi ka ubak ku keya ka prigi adi puno ngga piin, ka batŭh ku keya ka sumbur adi mirasit piin-i, isa aku bisa sien sandu ngga singarŭm yŭn daya ku adi mbŭh dog siŭ.

JEREMIAH 9:10

Aku nang, “Aku ngurid darŭd ka muās tarun tana kupai, sabab ngara mbŭh badŭh pisŭk, ka mating daya panu mutas-i. Jawŭn dāng kudip mbŭh mating tia dog dingah; manuk ngga dāng tarun mbŭh bu ka mating tia.”

JEREMIAH 9:20

Aku nang, “Dingah pinganang TUHAN, angān adi bara dayung, ka mbit bat di pinganang-I. Ngajar bara anak dayung ngan munki muās, ka bara dingan ngan munki nang ragu nyikubur.

PUĀS 1:2

Ndi ngarŭm ngarŭm ayŭh sien; randang batŭh misa paŭp-i. Ndi naan so bara jerā-i mating gŭh an nyaduh ayŭh. Bara pambit-i mbŭh tagan ayŭh ka sopŭrŭg mbŭh rawan ayŭh madin.

PUĀS 2:11

Batŭh ku bŭ amai dŭh ko ko sien; asŭng ku mbŭh nyibuwar. Aku mbŭh rarah amai susah kiris pinyirabur daya ku. Bara anak-anya ngga anak-sŭ mijŭp di aran kupo.

PUĀS 2:13

O Jerusalem, kupo adi dog rindu, ani bisa ku nang? Aku dŭh dapŭd nyaduh kuu. Gi-bŭn daya sangsara mun kuu. Pinyirusag mu raru bayah mun rawŭt; mating pingarap mu tia.

PUĀS 2:18

O Jerusalem, bada sindung mu nyirais bagan TUHAN! Bada randang batŭh mu aman mun sungi sandu ngga singarŭm; pirarah adŭp mu ngga puās ka susah.

PUĀS 3:48

Randang batŭh ku aman mun sungi, kiris pinyirusag daya ku.

AMOS 5:16

Sabab anŭ meh TUHAN Raja adi Bisa-pŭrŭg nang, “Re agi sien adi bana ngga sien sabab susah di aran aran kupo. Ndŭg ka tukang tukang teya re dog bagan bada sua muās daya kabŭs ngga ngara adi dog ngupah bada muās.

LUKE 19:41

Ayŭh mbŭh sindŭk Jerusalem, ka kan Ayŭh kiris-i, Ayŭh muās-i