JEREMIAH 9:16 - Hakcipta - Biatah Bidayuh

¹⁶ Aku re bada ngara papar sasah di dupan bangsa bangsa adi dŭh ngara bait tayung-babuk ngara puan, ka Aku re pait bara tibaran soldadu bada nyerang ngara ndŭg ka Aku mbŭh batur batur pirabur ngara.”

JEREMIAH 9:16 ပူးပေါင်းရင်းမြစ်များ

NEHEMIAH 1:8

Ingat meh madin kayuh adi Kaam mbŭh kidaan di Moses: ‘Kambŭi angān adi daya Israel dŭh tŭtŭd di Aku, Aku re bada angān papar sasah di dupan daya bangsa bŭkŭn.

MAZMUR 106:27

ka bada sesang ngara papar sasah di dupan daya adi dŭh puan Tapa, ka bada ngara kabŭs di rais tami.

EKLISIASTIS 12:5

Kuu re taru tarun yŭn adi bigatung, ka kuu re panu ngga nakit. Ubok mu re buda; kuu re nyana panu, ka pinyiraan mu re mating. Ata re di ka tarun yŭn rŭŭ ta adi sikasŭn, ka nganŭ re agi sien di aran raya.

JEREMIAH 13:24

TUHAN re bada kuu papar sasah mun siriyang adi dog poh sabak so tarun tana-pajam.

JEREMIAH 24:10

Aku re bada agi perang, udip sikirau, ka andam di yŭn ngara ndŭg ka ngara mating tia dŭm di tarun tana adi Aku mbŭh nggen di ngara ka di tayung-babuk ngara.”

JEREMIAH 25:27

Komŭnŭ TUHAN nang di aku, “Kidaan di sopŭrŭg daya anŭ nang Aku, adi TUHAN Bisa-pŭrŭg, adi Tapa Israel, pesan ngara bada nok ndŭg ka ngara mbŭh mabuk ka nguta, ndŭg ka ngara rabu ka dŭh dapŭd makat, sabab perang adi Aku pait ka ngara.

JEREMIAH 29:17

TUHAN Bisa-pŭrŭg nang, ‘Aku taban perang, udip sikirau, ka andam ka ngara, ka bada ngara mun buwa ara adi mbŭh raru madam ka dŭh dapŭd dog man.

JEREMIAH 44:27

Aku manŭn puan angān dŭh re mujur, pak re dog pirabur. Sopŭrŭg ngan re kabŭs, darŭm perang bait sabab andam, ndŭg ka angān mbŭh mating dŭm.

JEREMIAH 7:29

“Ngurid meh, angān daya Jerusalem; kapŭg ubok ngan ka taran-i. Nang ragu nyikubur di tibung sandah, sabab Aku, adi TUHAN, mbŭh baji, ka mbŭh tirawan daya Ku.

JEREMIAH 8:19

Dingah! Di ndi tarun tana rais aku dingah daya ku nyirais nang, “Mbŭh mating kah TUHAN di Zion? Mbŭh mating kah raja Zion diginŭ?” TUHAN, adi raja ngara, nam, “Mani angān kinuas Aku ngga pingandai ngan adi nyambah tibudo ka mutu ubak ngan ka tapa tapa saruh adi dŭh biguna?”

EZEKIEL 11:17

“Jadi kidaan di ngara kayuh adi Aku, adi TUHAN Raja, nang. Aku re nguruk taban ngara ngga ruah so rais rais adi yŭn Aku bada ngara papar sasah, ka re nggen tarun tana Israel pari ka ngara.

EZEKIEL 12:15

“Kan Aku bada ngara papar sasah di ruang bangsa bangsa bŭkŭn ka di rais rais tami, ngara re puan nang Aku ati TUHAN.

EZEKIEL 14:17

Bait kah Aku bada perang timbur di rais anŭ ka pait sinyata adi bisā ngga pirarap manusia ka dāng,

EZEKIEL 20:23

Jadi Aku ndai janji adi bŭkŭn, di tarun tana-pajam. Aku bipayu Aku re bada ngara papar sasah di ndi ong ong.

EZEKIEL 27:2

“Manusia, nang ragu nyikubur yŭn Tyre,

EZEKIEL 5:12

Ndi utung-so-taruh daya mu re kabŭs mandam ngga kabŭs sikirau darŭm kupo; ndi utung-so-taruh dinge re dog siŭ ngga pedang di sapa kupo; ka Aku re bada papar sasah ndi utung-so-taruh adi bŭkŭn ka barang yŭn, ka tadak ngara ngga pedang.

EZEKIEL 5:2

Badang ndi utung-so-taruh ubok anŭ darŭm kupo anŭ kan pinyikapung anŭ mbŭh ripuan. Tambit ndi utung-so-taruh dinge ka nŭtŭb-i ngga pedang mu buang kuu panu maning kupo anŭ. Nabur ndi utung-so-taruh adi bŭkŭn di au-tarun, ka Aku re tadak-i ngga pedang Ku.

LEVITICUS 26:33

Aku re taban perang ka angān ka bada angān papar sasah ka tarun tarun tana rais daya tami. Tarun tana ngan re dog tagan ka kupo kupo ngan re asur.

AMOS 5:16

Sabab anŭ meh TUHAN Raja adi Bisa-pŭrŭg nang, “Re agi sien adi bana ngga sien sabab susah di aran aran kupo. Ndŭg ka tukang tukang teya re dog bagan bada sua muās daya kabŭs ngga ngara adi dog ngupah bada muās.

MICAH 2:4

Kan andu anŭ mbŭh mandŭg, daya re pakai dundan ngan ndu suto pinyirusag, ka ngara re nang ragu susah ati pasar kayuh adi angān mbŭh kinyam: Ata mbŭh rabur! TUHAN mbŭh tambit tarun tana ta ka nggen-i di daya adi mbŭh ngarah ata.”

ZECHARIAH 7:14

Mun sabak ribut Aku poh ngara bada rŭŭ di tarun tana rais tami. Tarun tana adi kana ati dog tingge jadi tana matung, ka mating daya rŭŭ dieh.”

DITRONOMI 28:25

“TUHAN re bada pinganyu ngan manang rawan angān. Angān re nyerang pinganyu ngan so ndi parad pak angān re bu mangān ngara so barang parad, ka sopŭrŭg bangsa di ndi ong ong re kimŭtŭr taru kan ngara kiris kayuh adi jadi di angān.

DITRONOMI 28:36

“TUHAN re taban angān ngga raja ngan ngga bu ka tarun tana tami, adi taŭn gi-bŭn angān ngga tayung-babuk ngan yŭn rŭŭ dawŭ-i; diginŭ angān re bituan di tapa tapa adi dog ndai so kayuh ngga batuh.

DITRONOMI 28:64

“TUHAN re bada angān papar sasah di ruang sopŭrŭg bangsa di ndi ong ong, ka diginŭ angān re bituan di tapa tapa adi dog ndai so kayuh ngga batuh, tapa tapa adi angān ngga tayung-babuk ngan bŭn nyambah dawŭ-i.

DITRONOMI 32:26

Sibatur-i Aku bisa pirarap ngara, isa mating daya re ingat rada ngara.

DITRONOMI 4:27

TUHAN re bada angān papar sasah di dupan bangsa bangsa bŭkŭn, ka raru nisŭ adŭ bara ngan re udip.

JAMES 1:1

So James, adi urun Tapa ngga Tuhan Jesus Kristus: Tabi ka sopŭrŭg daya adi Tapa mbŭh mien adi papar sasah di ndi ong ong.