JEREMIAH 9:12 - Hakcipta - Biatah Bidayuh

¹² Aku siken “TUHAN, mani tarun tana jadi matung ka badŭh mun tarun tana-pajam, ndŭg ka daya mating panu mutas-i? Asi adi sukup bijak re mirati kayuh adi mun anŭ? Di asi Kaam mbŭh kidaan rati-i isa ayŭh bisa kidaan di daya bŭkŭn?”

JEREMIAH 9:12 ပူးပေါင်းရင်းမြစ်များ

MAZMUR 107:34

Ayŭh bada tana gamu jadi tarun tana-pajam adi pide sabab udip ginaka ngara adi rŭŭ dieh.

MAZMUR 107:43

Isa-i ngara adi bijak bipikir di kayuh anŭ; isa-i ngara bipikir di pinyirindu TUHAN adi dŭh bisa birubah.

ISAIAH 42:23

Raan kah angān dingah? So madin raan kah angān dingah ngga nakit?

JEREMIAH 23:10

Tarun tana rais mbŭh puno bada daya adi dŭh tŭtŭd di TUHAN; ngara udip ginaka ka pakai kuasa ngara ngga aran adi sarah. Sabab pangu TUHAN tana ngurid ka tarun tana kupai badŭh.

JEREMIAH 23:16

TUHAN Bisa-pŭrŭg nang di daya di Jerusalem, “Dŭhnyah dingah pinganang bara nabi anŭ; ngara anŭ nggen di angān pingarap adi dŭh sawŭ. Ngara kidaan di angān kayuh adi adŭp ngara nimbur, ka dŭh pinganang so Aku.

JEREMIAH 23:22

Kambŭi ngara puan rusia pikir-kira Ku, ngara dapŭd piagah pinganang Ku di daya Ku ka dapŭd bada ngara pasan aran pimudip ngara adi arap ka ginaka.

JEREMIAH 23:28

Nabi adi ko nyipŭmŭh patut nang anŭ kaŭs-i pŭmŭh adŭ, pak nabi adi mbŭh dingah pinganang Ku patut piagah pinganang Ku anŭ ngga atin tŭtŭd. Ani kana siriyang kambŭi danding ngga gandom?

JEREMIAH 9:20

Aku nang, “Dingah pinganang TUHAN, angān adi bara dayung, ka mbit bat di pinganang-I. Ngajar bara anak dayung ngan munki muās, ka bara dingan ngan munki nang ragu nyikubur.

EZEKIEL 14:23

ka kuu meh re puan nang agi sabab adi kana yŭn sopŭrŭg kayuh adi Aku ndai.” TUHAN Raja mbŭh minyu.

HOSEA 14:9

Isa-i ngara adi bijak mirati kayuh adi dog nuris digiti, ka isa-i ngara na-i darŭm atin ngara. Aran TUHAN inŭh batur, ka daya tŭnggŭn udip pakai-i, pak daya bidosa sikak ka rabu sabab ngara nyibireu-i.

HOSEA 4:10

Angān re man utung ngan so sadis sadis anŭ, pak re babŭ sibŭrŭk. Angān re nyambah tapa pimuah, pak re babŭ dŭh biyŭn anak, sabab angān mbŭh nyipunok Aku ka di nyambah tapa bŭkŭn.”

JOEL 1:11

Susah, angān adi biteya; sien, angān adi jaga teya anggor, sabab gandom, jari, sawŭ, sopŭrŭg pimuruh mbŭh dog pirusak.

ZEPHANIAH 3:6

TUHAN nang, “Aku mbŭh kinanyap bagŭ bangsa; Aku mbŭh pirabur kupo kupo ngara ka bada sindung ngga tawā-i rubuh. Kupo kupo mbŭh dog tagan; aran aran mbŭh mating daya dieh; mating daya rŭŭ diginŭ tia.

MATTHEW 24:15

“Angān re kiris ‘Pinyembar adi Raru Sipŭ’ adi ko nabi Daniel nyabŭt, mijog di Yŭn Kudus.” (Ayŭh adi basa patut mirati ani rati kayuh ati!)

DITRONOMI 32:29

Ngara dŭh tungang rada ani sabab ngara dog ngarah; ngara dŭh tungang mirati ani mbŭh jadi.

PINANDŬNG 1:3

Sanang inŭh sianŭ adi basa surat ati, ka sanang inŭh ngara adi dingah pinganang-binabi ati ka tunda kayuh adi dog nuris darŭm surat ati! Amai tipuh-i re rikas mandŭg adi ngga sopŭrŭg kayuh ati re tambus.