JEREMIAH 9:11 - Hakcipta - Biatah Bidayuh

¹¹ TUHAN nang, “Aku re bada Jerusalem jadi tugung rakang tibawang, tarun yŭn kasong tarun rŭŭ; kupo kupo Judah re jadi tarun tana-pajam, tarun adi dŭh daya yŭn rŭŭ.”

JEREMIAH 9:11 ပူးပေါင်းရင်းမြစ်များ

NEHEMIAH 4:2

Di jawin bara adi ayō ayŭh ngga bara soldadu daya Samaria ayŭh nang, “Ani anŭ adi bara daya Jahudi adi budo anŭ ndai? Ngara an pari pijog kupo anŭ kah? Ngara pikir ngara tungang ngamas kraja ngara darŭm ndi andu amai mbŭh jugan sadis kah? Dapŭd kah ngara pakai tugung batuh adi mbŭh sau anŭ ngga piramin?”

MAZMUR 107:43

Isa-i ngara adi bijak bipikir di kayuh anŭ; isa-i ngara bipikir di pinyirindu TUHAN adi dŭh bisa birubah.

MAZMUR 44:19

Pak Kaam tagan kieh adi rumuh di dupan dāng tarun; Kaam tagan kieh di darŭm karŭm patŭ'.

MAZMUR 79:1

O Tapa, daya adi dŭh puan Kaam mbŭh nyerang tarun tana Mai. Ngara mbŭh nyembar Ramin Mai adi kudus ka mbŭh nyirubuh Jerusalem.

ISAIAH 13:22

Re agi angū sirŭŭn masam masam kasong tarun di tawā ngga di istana. Andu Babylon mbŭh sindŭk! Tipuh-i mbŭh re ripuan.”

ISAIAH 25:2

Kaam mbŭh nyirubuh kupo kupo ka pirabur kuta kuta. Istana adi pinganyu ami pijog mbŭh manyap adu adu.

ISAIAH 34:13

Tŭngŭn reja ngga uduh pedang re timbu di sopŭrŭg istana ngga kupo adi dog nyindung, ka kasong tarun ngga bo re rŭŭ diginŭ.

ISAIAH 44:26

Pak kan urun Ku ninjau, kan Aku pait pinyisung bada pinandŭng atur kraja Ku, Aku bada atur kraja ngga pininjau anŭ jadi bitŭtŭk. Aku kidaan di Jerusalem nang daya re pari rŭŭ diginŭ, ka kupo kupo Judah re pari dog pijog. Kupo kupo anŭ re makat so tugung rakang tibawang.

JEREMIAH 1:15

sabab Aku bagan sopŭrŭg bangsa di utara bada mandŭg. Raja raja ngara re pijog takta takta ngara di tiban-bās Jerusalem ka maning sindung-i, ka maning kupo kupo Judah adi bŭkŭn.

JEREMIAH 10:22

Dingah! Agah mbŭh mandŭg! Agi ndi bangsa di utara adi taban pito bās; tibaran bara soldadu-i re pirabur kupo kupo Judah bada jadi tarun tana-pajam, tarun adi yŭn kasong kasong tarun udip.”

JEREMIAH 16:10

“Kan kuu kidaan di ngara sopŭrŭg kayuh ati, ngara re siken di kuu mani Aku mbŭh natu an ngukum ngara ngga karas. Ngara re siken ani sarah ngara ka ani dosa adi mbŭh ngara ndai rawan TUHAN adi Tapa ngara.

JEREMIAH 25:11

Ndi tarun tana rais ati re jadi tibawang ka re jadi kayuh adi sipŭ ka adi gŭgŭh daya kiris, ka bangsa bangsa adi maning-i re bituan di raja Babylonia sitŭkŭd ju puru sawa.

JEREMIAH 25:18

Jerusalem ngga sopŭrŭg kupo kupo Judah, samah ngga raja raja ka bara pinguru ngara, dog bada nok so dieh, isa ngara jadi keya ka tarun tana-pajam, kayuh adi sipŭ ka adi gŭgŭh daya kiris, ka isa daya pakai dŭn ngara ndu pangu, nimun adi mbŭh ngara ndai ndŭg andu ati.

JEREMIAH 26:18

“Di andu Hezekiah jadi raja Judah, nabi Micah so Moresheth kidaan di sopŭrŭg daya nang TUHAN Bisa-pŭrŭg mbŭh nang, ‘Zion re dog majak mun ŭmŭh, Jerusalem re jadi tugung rakang tibawang, ka sandah Ramin TUHAN re jadi tuān.’

JEREMIAH 26:9

Mani kuu nang ngga adŭn TUHAN nang Ramin TUHAN ati re jadi mun Shiloh ka kupo ati re dog pirabur ka mating daya re rŭŭ dieh?” Komŭnŭ daya bagŭ tikuruk maning aku.

JEREMIAH 34:22

Aku re pesan, ka ngara re pari ka kupo ati. Ngara re nyerang-i, sirabut-i, ka badang-i. Aku re bada kupo kupo Judah mun tarun tana-pajam di yŭn daya mating rŭŭ dieh. Aku, adi TUHAN, mbŭh minyu.”

JEREMIAH 4:27

(TUHAN mbŭh nang ndi ong ong re jadi tarun tana-pajam, pak Ayŭh dŭh re kubo pirabur-i.)

JEREMIAH 44:2

TUHAN Bisa-pŭrŭg, adi Tapa Israel, nang, “Adŭp ngan mbŭh kiris pinyirusag adi Aku mbŭh bada nyatŭk Jerusalem ngga sopŭrŭg kupo adi bŭkŭn di Judah. Ndŭg madin, sopŭrŭg-i babŭ nyibawang, ka mating daya rŭŭ dieh

JEREMIAH 49:33

Hazar re adu adu jadi tarun tana-pajam, tarun adi kaŭs-i yŭn kasong tarun bisukan. Mating daya re rŭŭ diginŭ tia. Aku, adi TUHAN, mbŭh minyu.”

JEREMIAH 50:3

“Ndi bangsa so utara mbŭh mandŭg di nyerang Babylonia ka re bada-i jadi tarun tana-pajam. Daya ngga dāng dāng re bikaduh bu, ka mating daya re rŭŭ diginŭ.”

JEREMIAH 51:37

Rais anŭ re jadi tugung rakang tibawang di yŭn dāng tarun rŭŭ. Rais anŭ re jadi kayuh adi tikŭnŭd daya kiris; mating daya re rŭŭ diginŭ, ka sopŭrŭg adi kiris-i re taru.

JEREMIAH 8:22

Mating kah uri di Gilead? Mating kah doktor diginŭ? Mani meh, garang, daya ku dŭh dog pibua?

PUĀS 1:4

Madin mating daya tia mandŭg ka Ramin TUHAN di nyambah di andu gawai. Bara dayung mara adi ko biragu diginŭ mbŭh sangsara, ka imam imam mbŭh nyidaing adŭ. Tiban tiban-bās kupo mbŭh mating daya dieh, ka kupo Zion mbŭh sangsara.

PUĀS 2:2

TUHAN pirabur sopŭrŭg kupo di Judah ngga dŭh kira masi. Ayŭh nyirubuh kuta kuta adi ngibān rais. Ayŭh pimangŭh pritah ngga bara pinguasa-i.

PUĀS 3:47

Kieh mbŭh dog nyatŭk pinyirusag ka asur; kieh udip rapā yŭn kayuh adi bisā ngga kayuh adi dog taru.

LEVITICUS 26:32

Aku re kubo pirusak tana ngan ndŭg ka bara pinganyu adi ngisi-i re gŭgŭh kiris pinyirusak-i.

MICAH 1:6

Jadi TUHAN nang, “Aku re bada Samaria jadi tugung rakang tibawang di sapa rais, tarun yŭn daya ndai teya anggor. Aku re taran rakang tibawang anŭ ka darŭm rubān, ka re bada pinagap rasan-i tatŭng dog kiris.

MICAH 3:12

Ngapŭi meh, sabab angān, Zion re dog majak mun tana, Jerusalem re jadi tugung rakang tibawang, ka sandah Ramin TUHAN re jadi tuān.

MICAH 6:16

Kayuh ati re jadi sabab angān tunda suto danding adi arap so Raja Omri ngga anak-i, Raja Ahab. Angān pijuu atur adi ngara mbŭh pimanu, ka anŭ sabab Aku re pirabur angān, ka sopŭrŭg daya re ngamun angān. Daya di barang yŭn re tiru di angān.”

DITRONOMI 29:23

Tana ŭmŭh ngan re matung, dog nutu mirirang ka garo; mating kayuh bisa dog purun, ndŭg ka uduh abah gŭh timbu dieh. Tarun tana ngan re keya ka kupo Sodom, kupo Gomorrah, kupo Admah ngga kupo Zeboiim, adi TUHAN ko pirabur kan-I mbŭh raru baji.

PINANDŬNG 18:2

Ayŭh nyirais nang ngga sirŭŭn bana: “Ayŭh mbŭh rabu! Babylon adi bās mbŭh rabu! Ayŭh madin mbŭh jadi yŭn pinyirŭŭ umot ngga roh kais. Barang masam manuk adi kais ngga adi tiru daya dieh rŭŭ darŭm ayŭh.