JEREMIAH 8:2 - Hakcipta - Biatah Bidayuh

² Turang turang anŭ re dŭh dog kubur, pak re mingare di tunduh tana mun tamŭh. Turang turang anŭ re mingare yŭn batŭh andu, buran, ka bitang bitang, adi dog rindu ka adi yŭn ngara anŭ bituan, ka adi yŭn ngara bisiken ka nyambah.

JEREMIAH 8:2 ပူးပေါင်းရင်းမြစ်များ

2 RAJA 17:16

Ngara miranggar sopŭrŭg ukum-adat TUHAN adi Tapa ngara, ka mbŭh ndai patong dari sapi basi an ngara nyambah; ngara gŭh ndai uros gayŭn tapa Asherah, nyambah bitang samŭn tapa Baal.

2 RAJA 21:3

Ayŭh pari pijog tarun yŭn bisambah adat karŭm adi sama-i Hezekiah muko nyirubuh; ayŭh pijog mija mija-sambah yŭn nyambah Baal ka ndai uros gayŭn tapa Asherah, nimun adi Ahab raja Israel mbŭh ndai. Manasseh nyambah gŭh bitang.

2 RAJA 21:5

Di duwŭh badag Ramin TUHAN ayŭh pijog mija mija-sambah yŭn nyambah bitang.

2 RAJA 23:5

Ayŭh taran so kraja sopŭrŭg imam adi raja raja Judah ko garar bada jugan sadis di tunduh mija mija-sambah adat karŭm di kupo kupo Judah ka di tarun tarun sindŭk Jerusalem — sopŭrŭg imam adi jugan sadis ka Baal, ka batŭh andu, buran, ong ong bŭkŭn di rangit, samŭn bitang bitang.

MAZMUR 53:5

Pak komŭnŭ ngara re taru, ka bŭn inŭh ngara taru mun anŭ, amai Tapa re bada mingare turang bara pinganyu daya-I. Tapa mbŭh tirawan ngara, ka simŭnŭ inŭh Israel re batur batur ngarah ngara.

MAZMUR 83:10

Kaam mbŭh ngarah ngara di Endor, ka tadang ngara madam di tunduh tana.

MAZMUR 83:11

Ndai di pinguru ngara anŭ adi Kaam mbŭh ndai di Oreb ngga Zeeb; ngarah sopŭrŭg pimritah ngara nimun Kaam mbŭh ngarah Zebah ngga Zalmunna,

EKLISIASTIS 6:3

Kadŭ daya bisa biyŭn siratus anak ka udip tui, pak munki mun tui ayŭh udip, kambŭi ayŭh dŭh sua dapu pinyigaŭn ka dŭh dog kubur ngga tirase, mbŭh kana dŭ inŭh nasip sipira adi dog biranak ripas-i mbŭh kabŭs.

JEREMIAH 14:16

Daya adi dingah pinganang ngara re dog siŭ mun anŭ gŭh. Tadang ngara re dog taran di aran aran di Jerusalem, ka mating daya adi re tukang kubur ngara. Kayuh anŭ re jadi di sopŭrŭg ngara, sawŭn ngara, anak anak dari ngara, ngga anak anak dayung ngara. Aku re bada ngara dapu tanggong udip ginaka ngara.”

JEREMIAH 16:11

Kidaan di ngara nang TUHAN mbŭh nang, ‘Tayung-babuk ngan bu so Aku ka nyambah ka bituan di tapa tapa bŭkŭn. Ngara tagan Aku ka abah tunda ajar Ku.

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 16:6

Adi kaya ngga adi sirata re kabŭs di tarun tana ati, pak mating daya adi re tukang kubur bait ngurid ngara. Mating daya adi re nidi adŭp-i bait nundo ubak-i ngga kiren adŭp-i susah.

JEREMIAH 19:13

Ramin ramin di Jerusalem, ramin ramin raja di Judah, ka sawŭ sopŭrŭg ramin adi tibung-i ko yŭn kimanyan dog badang yŭn bitang bitang ka adi yŭn wain ko dog ren ndu sadis ka tapa tapa bŭkŭn. Sopŭrŭg anŭ re kais mun Topheth.”

JEREMIAH 22:19

Mun pinyikubur kaldi ayŭh dog tarik ngga bu ka dog taran di sapa tiban Jerusalem.”

JEREMIAH 25:33

Di andu anŭ tadang ngara adi TUHAN mbŭh siŭ re mingare di ong so tŭbŭn ndi ndŭg tŭbŭn andi. Mating daya re ngurid ngara, ka ngara re dŭh dog tambit ka dog kubur. Ngara re prigure di tunduh tana mun tugung tamŭh.

JEREMIAH 31:40

Ndi tarun tarun rubān anŭ, di yŭn tadang daya dog kubur ka sapok dog taran, ka sopŭrŭg ŭmŭh di sambu sungi Kidron jeh ndŭg Tiban Kuda ndŭg timor, re dog nitah yŭn Ku. Kupo anŭ re dŭh tia dog pirusak bait dog pirabur.”

JEREMIAH 36:30

Ka madin, Aku, adi TUHAN, nang di kuu, Raja Jehoiakim, nang mating so bara sesang mu re mritah Pritah David. Tadang mu re dog taran ka sapa di yŭn-i re dog sura ka singarŭm-i re dog abun.

JEREMIAH 9:20

Aku nang, “Dingah pinganang TUHAN, angān adi bara dayung, ka mbit bat di pinganang-I. Ngajar bara anak dayung ngan munki muās, ka bara dingan ngan munki nang ragu nyikubur.

JEREMIAH 9:21

Pinyikabŭs mbŭh mŭrŭt so pinjan ta ka mŭrŭt istana ta; pinyikabŭs mbŭh siŭ anak-sŭ di aran raya ka bara dari adi mara di passar.

JEREMIAH 9:22

Tadang ngara mbŭh di barang yŭn, mun tugung tamŭh di tana, mun tŭngŭn gandom adi dog japa ka dog tingge daya adi ngatŭm, gandom adi dŭh dog sun. Anŭ inŭh kayuh adi TUHAN bada aku kidaan.”

EZEKIEL 29:5

Aku re taran kuu ngga sopŭrŭg iken anŭ ka tarun tana-pajam. Pŭrŭng mu re rabu di tana ka dog tingge dŭh dog kubur. Aku re nggen-i ndu pinguman di manuk ngga dāng dāng.

EZEKIEL 39:5

Ngara re kabŭs di sapa tarun adi tawas. Aku, adi TUHAN Raja, mbŭh minyu.

EZEKIEL 6:5

Aku re bada mingare tadang tadang daya Israel; Aku re bada mingare turang turang ngara maning mija mija-sambah.

EZEKIEL 8:16

Jadi Ayŭh taban aku ka badag Ramin TUHAN adi tura ka darŭm. Diginŭ sindŭk tiban mŭrŭt yŭn adi kudus, di asah mija-sambah ngga aran-tambus, agi duwŭh puru-rimŭh naan daya. Ngara nyipunok yŭn kudus anŭ ka sidikang nura ka timor, nyambah batŭh andu makat.

ZEPHANIAH 1:17

TUHAN nang, “Aku re taban pinyirusag anŭ bada nyatŭk manusia, ndŭg ka barang naan daya re panu kāp tarun mun daya karak. Ngara mbŭh bidosa rawan Aku, ka madin deya ngara re babas mun piin, ka tadang ngara re prigure di tunduh tana, madam.”

ZEPHANIAH 1:5

Aku re pirabur tadŭ tadŭ daya adi maad ka tibung ramin ka nyambah batŭh andu, buran, ka bitang bitang. Aku gŭh re pirabur daya adi nyambah Aku ka bipayu an tŭtŭd di Aku, pak komŭnŭ bipayu ngga dŭn tapa Molech.

PINGANDAI 7:42

Jadi Tapa nyipunok ngara ka tagan ngara da nyambah bitang bitang di rangit, nimun adi dog nang di surat nabi: ‘Daya Israel! Dŭh-i yŭn Ku angān simareh ka nyadis dāng sitadŭn pat puru sawa di tarun tana-pajam.

DITRONOMI 17:3

anŭ inŭh nyambah ka bituan di tapa bŭkŭn, batŭh andu, buran, ka bitang, adi sitiked so pesan-I.

DITRONOMI 4:19

Dŭhnyah dog pinyisuba an nyambah ka bituan di kayuh adi angān kiris di rangit — batŭh andu, buran ngga bitang bitang. TUHAN adi Tapa ngan mbŭh nggen kayuh kayuh anŭ ka sopŭrŭg daya bŭkŭn, bada ngara nyambah.