JEREMIAH 8:19 - Hakcipta - Biatah Bidayuh

¹⁹ Dingah! Di ndi tarun tana rais aku dingah daya ku nyirais nang, “Mbŭh mating kah TUHAN di Zion? Mbŭh mating kah raja Zion diginŭ?” TUHAN, adi raja ngara, nam, “Mani angān kinuas Aku ngga pingandai ngan adi nyambah tibudo ka mutu ubak ngan ka tapa tapa saruh adi dŭh biguna?”

JEREMIAH 8:19 ပူးပေါင်းရင်းမြစ်များ

MAZMUR 135:21

Muji meh TUHAN di Zion, di Jerusalem, di ramin-I. Muji meh TUHAN!

MAZMUR 137:1

Di pang sungi sungi di Babylon ata guru; diginŭ ata muās kan ata ingat Zion.

MAZMUR 146:10

TUHAN inŭh raja ndŭg situi tui. Tapa mu, O Zion, re mritah adu adu. Muji meh TUHAN!

MAZMUR 149:2

Gaŭn, Israel, sabab Pinapa ngan; pawŭn, daya Zion, sabab raja ngan!

MAZMUR 31:6

Kaam tiru di ngara adi nyambah tibudo, pak aku sabah di Kaam.

ISAIAH 1:4

Mbŭh payah inŭh angān, bangsa adi bidosa, angān daya adi mbŭh rusak ka arap! Dosa ngan mbŭh pirabu angān! Angān mbŭh tirawan TUHAN, adi Tapa kudus Israel, ka mbŭh nyipunok Ayŭh.

ISAIAH 12:6

Bada barang naan adi rŭŭ di Zion nyirais ka nyanyi! Tapa kudus Israel inŭh bās, ka Ayŭh rŭŭ di ruang daya-I.”

ISAIAH 13:5

Ngara mandŭg so rais rais adi jo di bŭngŭn ong. Darŭm baji-I TUHAN re pirabur ndi ong ong.

ISAIAH 33:22

Sopŭrŭg pingakas di kapar anŭ dŭh biguna; rayar-i dŭh dapŭd dog murai! Ata re sirapas sopŭrŭg pinyikaya bara tibaran soldadu pinganyu, ka kiang-i re raru bagŭ ndŭg ka daya bajang re sua dapŭd utung. Adŭp TUHAN re jadi raja ta; Ayŭh re mritah ata ka grindung ata.

ISAIAH 39:3

Komŭnŭ nabi Isaiah di ka yŭn Raja Hezekiah ka siken, “So ki ngara ka ani nang ngara di kuu?” Hezekiah nam, “Ngara mandŭg so rais adi jo, so Babylonia.”

ISAIAH 52:1

Jerusalem, pari bake ka bās dinge! Kupo adi kudus, kibarui adŭp mu ngga piraka mu adi sangŭn! Daya tami adi ko pirusag kupo kudus mu re dŭh tia mŭrŭt kuu dinge.

JEREMIAH 10:15

Tibudo tibudo anŭ dŭh biguna ka patut dog ngamun; sopŭrŭg-i re dog pirabur kan TUHAN mandŭg di pitumbang-i.

JEREMIAH 14:19

TUHAN, Kaam mbŭh batur batur tirawan Judah kah? Kaam tiru di daya Zion kah? Mani Kaam bandar bandar kijera kieh ndŭg ka kieh dŭh dapŭd dog pibua? Kieh jiroh damai, pak mating dapŭd ami; kieh harap adŭp ami dog pibua, pak adi agi kaŭs-i pinyitaru.

JEREMIAH 14:9

Mani Kaam mun daya adi gŭgŭh, mun soldadu adi dŭh biyŭn kuasa ngga turung? Sawŭ, TUHAN, Kaam agi ngga kieh! Kieh inŭh daya Mai; dŭhnyah tagan kieh.’ ”

JEREMIAH 2:5

TUHAN nang: “Ani anŭ adi yŭn tayung-babuk ngan nyarah Aku? Ani bada ngara bu tagan Aku? Ngara nyambah tibudo adi dŭh biguna ndŭg ka adŭp ngara jadi dŭh biguna.

JEREMIAH 27:10

Ngara nipu angān ndŭg ka angān dog taban jo so rais adŭp ngan. Aku re pibu angān, ka angān re dog pirabur.

JEREMIAH 31:6

Sawŭ, tika-i re mandŭg kan daya adi tukang jaga re bagan di sandah sandah Ephraim, ‘Ja di maad ka Zion, ka TUHAN Tapa ta.’ ”

JEREMIAH 32:30

So sibungas dundan ngara jah, daya Israel ngga daya Judah mbŭh bada asŭng Ku dŭh munos ka mbŭh kinuas Aku ngga pingandai ngara.

JEREMIAH 7:19

Pak sibatur-i, dŭh-i Aku adi ngara kandam. Ngara kandam adŭp ngara ndŭg ka adŭp ngara mangŭh.

JEREMIAH 8:20

Daya Israel nyirais, “Tipuh paras mbŭh rupas, tipuh ngatŭm mbŭh ripuan, pak kieh bayuh dog nyiramat.”

JEREMIAH 9:16

Aku re bada ngara papar sasah di dupan bangsa bangsa adi dŭh ngara bait tayung-babuk ngara puan, ka Aku re pait bara tibaran soldadu bada nyerang ngara ndŭg ka Aku mbŭh batur batur pirabur ngara.”

EZEKIEL 48:35

Prungun kŭd sindung di sopŭrŭg parad inŭh 9 kilomita. So madin kupo anŭ an dog kadŭn, “TUHAN agi digiti!”

JOEL 2:32

Pak sopŭrŭg daya adi mite turung so TUHAN re siramat. Nimun adi ko TUHAN nang, ‘Kada di Jerusalem re pirupas adŭp ngara; ngara adi Aku mien re siramat.’ ”

OBADIAH 1:17

“Pak di Sandah Zion agi adi re siramat, ka-i re jadi tarun adi kudus. Daya Judah re dapu tana adi mbŭh hak adŭp ngara.

MICAH 4:9

Mani kuu sien raru bana? Mani kuu sangsara mun dayung naman adŭp-i re biranak? Kuu mun anŭ sabab kuu dŭh biyŭn raja, ka bara mu adi tukang pitayan mbŭh kabŭs kah?

ZEPHANIAH 3:15

TUHAN mbŭh ko ngukum kuu; Ayŭh mbŭh pibu sopŭrŭg pinganyu mu. TUHAN, adi raja Israel, agi ngga kuu; kuu dŭhsah tia taru madin.

ZECHARIAH 2:9

“Adŭp TUHAN re rawan angān, ka angān re dog pirinda daya adi ko jadi urun ngan.” Kan kayuh anŭ jadi simŭnŭ, sopŭrŭg daya re puan nang TUHAN Bisa-pŭrŭg inŭh adi pait aku.

PINGANDAI 14:15

“Mani angān ndai kayuh ati? Kieh ati daya manusia mun angān! Kieh digiti kidaan Agah Kana, isa angān pasan kayuh ati adi dŭh biguna ka pari ka Tapa adi udip, adi napa rangit, ong, rawŭt, ka sopŭrŭg kayuh adi di darŭm-i.

DITRONOMI 31:17

Kan kayuh adi mun anŭ jadi Aku re baji di ngara; ka Aku re tagan ngara, ka ngara re rarap. Bagŭ mun pinyirusag re dog ngara, ka ngara re rada nang sopŭrŭg kayuh anŭ nyatŭk ngara sabab Aku, adi Tapa ngara, mbŭh dŭh tia ngga ngara.

PINANDŬNG 2:1

“Nuris surat ati nuju malaikat eklisia di Ephesus: “Ati inŭh agah so sianŭ adi digŭng ju bitang di tangan tauh-I ka adi panu di uruk ju rika-mas prita.