JEREMIAH 8:13 - Hakcipta - Biatah Bidayuh

¹³ “Aku raan nguruk daya Ku, mun tukang teya nguruk buwa pingatŭm; pak ngara keya ka tŭngŭn anggor adi mating buwa-i, keya ka tŭngŭn ara adi mating buwa-i; ndŭg ka dawŭn dawŭn-i gŭh mbŭh rayu. Anŭ meh sabab Aku mbŭh bada daya sapa tambit tarun tana anŭ.”

JEREMIAH 8:13 ပူးပေါင်းရင်းမြစ်များ

ISAIAH 5:10

Tŭngŭn tŭngŭn anggor adi udip di simŭng hektar tana re piruah kaŭs-i mai lita wain. Siratus mai puru lita bine re piruah kaŭs-i simŭng mai lita gandom.”

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

JEREMIAH 14:15

Aku, adi TUHAN, kidaan di kuu kayuh adi re Ku ndai di tunduh bara nabi anŭ adi Aku bŭn pait pak adi mbŭh minyu ngga adŭn Ku nang perang ngga udip sikirau dŭh re nyatŭk tarun tana ati. Aku re siŭ ngara pakai perang ngga udip sikirau.

JEREMIAH 17:8

Ngara mbŭh keya ka tŭngŭn tŭngŭn kayuh adi timbu sindŭk anak sungi ka uat-i prijireu ndŭg piin. dŭh-i taru tipuh paras, sabab dawŭn-i adu adu barŭm; dŭh-i bipito kan andu dŭh ujen; ka-i marar buān.

JEREMIAH 5:17

Ngara re kubo buwa pimuruh ngga pinguman ngan; ngara re siŭ anak anak dari ngga anak anak dayung ngan. Ngara re siŭ biri biri ngga sapi sapi ngan ka pirusak tŭngŭn anggor ngga tŭngŭn ara ngan. Kupo kupo adi bikuta adi yŭn ngan rŭŭ re dog pirabur tibaran bara soldadu ngara.

JEREMIAH 7:20

Ngapŭi Aku, adi TUHAN Raja, re bada bisā baji Ku nyatŭk Ramin TUHAN ati. Aku re bada-i nyatŭk manusia ngga dāng dāng, samŭn tŭngŭn tŭngŭn kayuh ngga pimuruh. Baji Ku re mun apui adi dŭh daya tungang mura.

EZEKIEL 22:31

Jadi Aku re ren baji Ku di ngara, ka mun apui Aku re pirabur ngara amai kayuh adi ngara mbŭh ndai.” TUHAN Raja mbŭh minyu.

HOSEA 2:12

Aku re pirusak tŭngŭn tŭngŭn anggor ngga tŭngŭn tŭngŭn ara-i, adi-i nang dog nggen bara ambai-i ngga bayar ayŭh. Aku re marik teya anggor ngga risŭn ara-i bada jadi tarun tana-pajam; ka dāng dāng tarun re pirusak-i.

JOEL 1:7

Ngara mbŭh pirusak tŭngŭn anggor ta ka ngunyai tŭngŭn tŭngŭn ara. Ngara mbŭh nyiratak kurit tŭngŭn-i, ndŭg ka daan daan-i buda.

LEVITICUS 26:20

Angān re bandar bandar nyiraja pak sopŭrŭg-i re jadi au-tarun, sabab tana ngan dŭh re piruah buwa bawa pimuruh ka tŭngŭn tŭngŭn kayuh dŭh re buān.

HABAKKUK 3:17

Sunggu tŭngŭn ara dŭh biyŭn buwa ka tŭngŭn anggor dŭh buān, sunggu tŭngŭn kanā dŭh biyŭn buwa ka ŭmŭh dŭh piruah gandom, sunggu biri abo kabŭs ka kandang sapi engan,

HAGGAI 1:11

Aku mbŭh taban raga di ndi tarun tana ati ndŭg ka sandah sandah, ŭmŭh gandom, teya anggor, risŭn kanā, ngga barang masam buwa pimuruh adi tana piruah mbŭh jadi pisŭk. Manusia, dāng dāng, ngga masam masam pimuruh mbŭh sangsara bada tipuh raga.”

HAGGAI 2:17

Aku pait sabak adi paras ngga ujen batuh bada pirusak sopŭrŭg kayuh adi angān purun, pak babŭ gŭh angān dŭh an marik pimudip ngan pari ka Aku.

MALACHI 3:11

Aku dŭh re bada kadis pirusak pimuruh ngan, ka tŭngŭn anggor ngan re sarad ngga buwa anggor.

MATTHEW 21:19

Ayŭh kiris ndi tŭngŭn ara di bŭngŭn aran ka di tudu-i, pak mating buwa dieh adŭ-i dudu dawŭn. Jadi Ayŭh nang di tŭngŭn ara anŭ, “Kuu dŭh re tia buān!” Di jam anŭ gŭh tŭngŭn ara anŭ rayu.

JAMES 1:11

Batŭh andu nusak ka ngga sura-i adi bisā pirayu bunga anŭ; rarak-i rabu, ka ramus-i asab. Simŭnŭ gŭh daya kaya re dog pirusak darŭm ngara ndai kraja ngara.