JEREMIAH 8:10 - Hakcipta - Biatah Bidayuh

¹⁰ Ngapŭi Aku re nggen ŭmŭh ngara ka daya bŭkŭn, ka sawŭn ngara ka dari bŭkŭn. Barang naan daya, adi bās ngga adi sŭ, suba an dapŭd duit ngga aran adi dŭh batur. Nabi ngga imam gŭh nipu daya.

JEREMIAH 8:10 ပူးပေါင်းရင်းမြစ်များ

JOB 31:10

bada meh sawŭn adŭp ku tanŭk pinguman yŭn dari bŭkŭn ka bŭŭs di ambok dari bŭkŭn.

ISAIAH 28:7

Bara nabi ngga bara imam mbŭh raru mabuk ndŭg ka mbŭh tibabeu. Ngara nok raru bagŭ wain ngga arak ka sikak sikakong amai pikir-i mbŭh manyap. Bara nabi mbŭh raru mabuk ka dŭh tungang mirati kayuh adi keya ka darŭm pŭmŭh adi Tapa nggen, ka bara imam mbŭh raru mabuk ka dŭh tungang ngatur har adi dog taban ka yŭn ngara.

ISAIAH 57:17

Aku baji di ngara sabab dosa ngga udip tama ngara, ngapŭi Aku ngukum ngara ka tagan ngara. Pak ngara baking ka ngandŭ tunda aran adŭp ngara.

JEREMIAH 14:14

Pak TUHAN nam, “Bara nabi pakai adŭn Ku ngga kadong daya; Aku mating pait ngara, mating gŭh Aku pesan bait minyu ngga ngara. Ngara minyu pasar kayuh adi ngara kiris keya ka darŭm pŭmŭh, pak anŭ dŭh so Aku. Kayuh adi ngara ninjau inŭh kayuh adi dŭh biguna, kayuh adi adŭp ngara nimbur.

JEREMIAH 14:18

Kan aku ruah ka sapa tarun, aku kiris tadang tadang daya adi kabŭs biperang; kan aku mŭrŭt kupo kupo, aku kiris daya sindŭk re kabŭs amai sikirau. Bara nabi ngga bara imam babŭ ndai kraja ngara, pak ngara dŭh mirati kayuh adi ngara ndai.”

JEREMIAH 17:11

Daya adi dapŭd duit so aran adi dŭh batur inŭh keya ka manuk mupus turoh adi dŭh adŭp-i ruwan. Kan umbur-i mbŭh piaŭn pinyikaya-i re miyap ka pinŭbŭn-i ayŭh anŭ daya budo.

JEREMIAH 22:17

Pak kuu kaŭs kuu jiroh utung yŭn adŭp mu; kuu siŭ daya adi dŭh sarah ka ngga ganas kinanyuh rayat mu. TUHAN mbŭh minyu.

JEREMIAH 32:32

sabab sopŭrŭg arap adi dog ndai daya Judah ngga daya Jerusalem, ngga raja raja ka pinguru pinguru ngara, imam imam ka nabi nabi ngara.

JEREMIAH 38:22

Aku kiris keya ka darŭm pŭmŭh sopŭrŭg dayung adi babŭ di istana raja Judah dog taban ka bara pingubak soldadu raja Babylonia. Dingah kayuh adi ngara nang darŭm ngara panu: ‘Raja anŭ dog nipu bara jerā adŭp-i, ngara mbŭh nguasa ayŭh. Ka madin amai kaja-i mbŭh timŭtŭm di tawang, bara jerā-i mbŭh tagan ayŭh.’ ”

JEREMIAH 42:1

Komŭnŭ sopŭrŭg pinguru tibaran bara soldadu anŭ, samŭn Johanan anak Kareah ka Azariah anak Heshaiah, mandŭg ngga bara daya adi bās ngga adi sŭ pangkat-i

JEREMIAH 5:31

Sopŭrŭg kayuh adi bara nabi nang inŭh pinganang kadong; bara imam mritah so ka pesan bara nabi anŭ, ka daya Ku mating matah. Pak ani re ngara ndai kan sopŭrŭg-i mungan?”

PUĀS 4:13

Pak-i sawŭ jadi simŭnŭ, sabab nabi nabi-i bidosa ka imam imam-i sarah amai mbŭh siŭ daya adi dŭh sarah.

EZEKIEL 33:31

Jadi daya Ku tikuruk an dingah kayuh adi kuu nang, pak ngara dŭh ndai kayuh adi kuu bada ngara ndai. Pinganang adi kana ruah so baba ngara, pak ngara babŭ udip tama.

AMOS 5:11

Angān mbŭh kinanyuh daya sirata ka sirapas gandom ngara. Ngapŭi angān dŭh re tia rŭŭ di ramin batuh grua adi angān pijog. Angān dŭh re tia nok wain so teya anggor damŭn adi angān purun.

MICAH 2:4

Kan andu anŭ mbŭh mandŭg, daya re pakai dundan ngan ndu suto pinyirusag, ka ngara re nang ragu susah ati pasar kayuh adi angān mbŭh kinyam: Ata mbŭh rabur! TUHAN mbŭh tambit tarun tana ta ka nggen-i di daya adi mbŭh ngarah ata.”

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

MICAH 3:5

Daya Ku dog kadong nabi nabi adi bijanji an nggen damai di daya adi nggen duit di ngara, pak nang perang re mandŭg ka daya adi dŭh ndai simŭnŭ. Di bara nabi anŭ TUHAN nang,

HABAKKUK 1:6

Aku re bada daya Babylonia bikuasa, ngara adi mangah ka girungos. Ngara baris di ndi ong ong nyerang rais rais bŭkŭn.

ZEPHANIAH 1:13

Pinyikaya ngara re dog sirapas ka ramin ramin ngara re dog pirabur. Ngara re dŭh rŭŭ di ramin adi ngara pijog bait nok wain so teya anggor adi ngara ndai.”

TITUS 1:11

Patut inŭh baba ngara dog mapot, sabab ngara mbŭh nyusah bagŭ rawang ngga kayuh adi dŭh ngara patut ngajar. Pingandai ngara anŭ batur-i ngga pinŭtŭn an jiroh duit, pingandai adi nggen mangŭh.

TITUS 1:7

Amai nyamba eklisia digŭng kraja Tapa, ayŭh patut dŭh biyŭn sarah. Ayŭh dŭh patut daya adi miruap gambung puan kah gŭtŭh, pimabuk puan kah gira piayo daya, puan kah daya adi gira duit.