Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMIAH 7:9 - Hakcipta - Biatah Bidayuh

9 Angān naku, siŭ daya, tanggah, nggen taksi kadong, jugan sadis ka Baal, ka nyambah tapa tapa adi angān bŭn puan.

အခန်းကိုကြည့်ပါ။ ကော်ပီ




JEREMIAH 7:9
46 ပူးပေါင်းရင်းမြစ်များ  

Elijah di ka yŭn bara daya ka nang, “Ndŭg sinde angān gibabŭ ndai pikir ngan? Kambŭi TUHAN inŭh Tapa, nyambah Ayŭh; pak kambŭi Baal inŭh Tapa, nyambah Baal!” Bara daya dŭh nang ani ani.


“Dŭhnyah nyambah tapa bŭkŭn, adŭ-i Aku.


Dŭh biguna inŭh angān taban sadis. Aku tiru di dagŭn kimanyan adi angān badang. Aku dŭh tan kiris Gawai Anak Buran ngan, andu Sabbath ngan, ka tikuruk adat ngan; sopŭrŭg-i mbŭh rusak bada dosa ngan.


Ngara nyambah Aku barang andu, nang adŭp ngara graŭh an puan aran Ku ka tunda ukum ukum-adat Ku. Ngara nang adŭp-i raan Aku nggen di ngara ukum-adat adi patut ka nang adŭp-i suka nyambah Aku.”


Aku re ngukum daya Ku sabab ngara mbŭh bidosa; ngara mbŭh tagan Aku, mbŭh jugan sadis sadis ka tapa bŭkŭn, ka mbŭh ndai tibudo ka nyambah-i.


Daya Judah biyŭn bagŭ tapa, kiang dudu kupo adi ngara biyŭn, ka bara adi darŭm Jerusalem mbŭh pijog bagŭ mija-sambah yŭn jugan sadis ka tapa Baal adi sipŭ anŭ: mija-sambah anŭ kiang dudu aran di darŭm kupo.


“Aku, adi TUHAN Bisa-pŭrŭg, adi purun Israel ngga Judah; pak madin Aku bada pinyirusag nyatŭk ngara. Adŭp ngara adi bada kayuh anŭ nyatŭk ngara, so pingandai ngara adi sarah. Ngara bada Aku baji ngga pingandai ngara adi jugan sadis ka Baal.”


Bara daya adi arap anŭ abah nundok di Aku. Ngara baking ka babŭ ginaka, ka mbŭh nyambah ka bituan di tapa tapa bŭkŭn. Ngapŭi meh, ngara re jadi mun sinjang rajut anŭ adi mbŭh dŭh tia biguna.


Pak daya Ku kambŭt Aku; ngara badang kimanyan ka tibudo. Ngara mbŭh sikak sikakong di aran adi ngara mien, ngara dŭh tia kadŭg aran adi amba; ngara panu di aran adi bayuh dog pirata.


Aku re ndai simŭnŭ sabab daya mbŭh tagan Aku ka mbŭh nyembar tarun ati ngga kraja ngara adi jugan sadis ka tapa tapa bŭkŭn; tapa tapa adi dŭh ngara bait tayung-babuk ngara, bait raja raja Judah puan. Ngara mbŭh ngisi tarun ati ngga deya daya adi dŭh sarah,


ka badang-i. Ngara re badang-i ndŭg ka rŭpŭg, samŭn ramin ramin adi yŭn daya mbŭh bada Aku baji, anŭ inŭh badang kimanyan yŭn Baal di tibung ramin ka ren wain sadis yŭn tapa tapa bŭkŭn.


sabab daya-i mbŭh ndai arap ngga kinuas Aku. Ngara jugan sadis ka tapa tapa bŭkŭn ka bituan di tapa tapa adi adŭp ngara bait kuu bait tayung-babuk ngara bŭn nyambah.


Mani angān bada Aku baji ngga pingandai ngan adi nyambah tibudo ka nyadis ka tapa bŭkŭn digiti di Egypt, tarun yŭn ngan rŭŭ madin? Angān ndai simŭnŭ ngga pirabur adŭp ngan kah, isa barang bangsa di ong ngamun angān ka pakai dŭn ngan ndu pangu?


Mbŭh kambŭt ngan kah sopŭrŭg pingandai ginaka adi tayung-babuk ngan, raja raja Judah ngga sawŭn sawŭn ngara, ka angān ngga sawŭn sawŭn ngan, mbŭh ndai di kupo kupo Judah ka di aran aran di Jerusalem?


Aku re pirŭŭ daya Moab jugan sadis badang di tarun yŭn ngara bisambah, ka pirŭŭ ngara jugan sadis sadis adi bŭkŭn ka tapa tapa ngara. Aku, adi TUHAN, mbŭh minyu.


Sunggu angān nang adŭp ngan nyambah TUHAN, angān nang sakanŭ dŭh ngga atin sawŭ.


TUHAN siken “Re ngga mani Aku apun dosa daya Ku? Ngara tagan Aku ka mbŭh nyambah tapa tapa bŭkŭn adi dŭh sawŭ. Aku paan daya Ku ndŭg ka ngara bisoh, pak ngara tanggah ka saat jam ngga dayung sundar.


Dŭh tia kinanyuh daya saruh, anak tumang, ka dayung uban. Dŭh tia siŭ daya adi dŭh sarah di tarun tana ati. Dŭh tia nyambah tapa tapa bŭkŭn, amai anŭ re pirabur angān.


Tibarik, sama-i adi nipu ka adi mirupak, ka ari ndai arap di daya. Ngapŭi ayŭh kabŭs sabab dosa adi adŭp-i mbŭh ndai.


Ngapŭi kidaan di bara daya Israel kayuh adi Aku, TUHAN Raja, nang: mani angān sah ndai dosa adi tayung-babuk ngan ndai ka di tadak tibudo tibudo ngara?


Andu adi ngga ngara siŭ anak anak Ku ndu sadis ka tibudo, ngara mandŭg ka Ramin Ku ka nyembar-i!


“Aku ati inŭh Tapa adi udip — ati inŭh pinganang TUHAN Raja — sabab kuu nyembar Ramin Ku ngga barang masam pingandai arap ngga adi sipŭ, Aku re kapŭg kuu ngga dŭh kira masi.


Aku re ngukum ayŭh amai tika tika adi ngga-i kambŭt Aku kan-i badang kimanyan ka Baal ka pakai pimakai grua-i ngga di tadak bara ambai-i. TUHAN mbŭh minyu.


Bara imam mbŭh mun bara pirupak adi tuman daya. Ndŭg ka di aran nuju tarun kudus di Shechem ngara siŭ daya. Ka anŭ ngara ndai ngga singaja!


Ndai adŭ, ka jugan ruti ngan ndu pinganggen trima kaseh ka Tapa, ka minyu sambuh pasar rabis pinganggen adi angān mbŭh taban! Anŭ inŭh masam kayuh adi angān suka ndai.


Aku re pirabur tadŭ tadŭ daya adi maad ka tibung ramin ka nyambah batŭh andu, buran, ka bitang bitang. Aku gŭh re pirabur daya adi nyambah Aku ka bipayu an tŭtŭd di Aku, pak komŭnŭ bipayu ngga dŭn tapa Molech.


TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”


Ata puan Tapa batur kan Ayŭh nyarah daya adi ndai sarah adi mun anŭ.


Ngara bisadis ka tapa tapa adi dŭh sawŭ, tapa tapa bauh adi tayung-babuk ngara bŭn puan, tapa tapa adi Israel bŭn bituan dieh.


Pak ngara adi pinakut, adi nyipunok Jesus, adi sembar, adi pinyiŭ, adi udip darŭm pimudip adi dŭh tatu darŭm pingandai kais, adi ndai biruri karŭm, adi nyambah tibudo, samŭn sopŭrŭg adi pingadong; tarun yŭn ngara inŭh danu anŭ adi bijagu ngga apui ka mirirang, anŭ inŭh pinyikabŭs adi numbor duwŭh.”


Pak di sapa kupo inŭh ngara adi sembar ngga adi ndai biruri karŭm, ngara adi dŭh tatu pimudip-i darŭm pingandai kais ka ngara adi pinyiŭ, ngara adi nyambah tibudo ka ngara adi pingadong darŭm piminyu ka darŭm pingandai.


Komŭnŭ perang agi di tarun tana di tika Israel mien tapa tapa bauh. So bara dari adi pat puru ribu naan di Israel, agi kah daya digen jarok puan kah pinangin?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ