JEREMIAH 7:33 - Hakcipta - Biatah Bidayuh

³³ Tadang re jadi pinguman yŭn manuk ngga dāng tarun, ka re mating daya adi re tukang kasig-i.

JEREMIAH 7:33 ပူးပေါင်းရင်းမြစ်များ

ISAIAH 18:6

Tadang bara soldadu ngara re dog tingge yŭn manuk manuk ngga dāng tarun. Di tipuh paras manuk re man tadang ngara, ka di tipuh madud dog man dāng tarun.”

JEREMIAH 12:9

Daya adi Aku mien mbŭh keya ka manuk dog nyerang beuh so barang parad. Bagan dāng dāng tarun bada mandŭg sua man ngara!

JEREMIAH 14:16

Daya adi dingah pinganang ngara re dog siŭ mun anŭ gŭh. Tadang ngara re dog taran di aran aran di Jerusalem, ka mating daya adi re tukang kubur ngara. Kayuh anŭ re jadi di sopŭrŭg ngara, sawŭn ngara, anak anak dari ngara, ngga anak anak dayung ngara. Aku re bada ngara dapu tanggong udip ginaka ngara.”

JEREMIAH 15:3

Aku, adi TUHAN, mbŭh natu nang pat masam kayuh adi sipŭ re jadi di ngara: ngara re dog siŭ darŭm perang; tadang ngara re dog tarik kasong; manuk re man-i, ka dāng tarun re man tadŭh-i.

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 19:7

Di tarun ati Aku re pijimŭ sopŭrŭg pusar daya Judah ngga daya Jerusalem. Aku re bada bara pinganyu manang ngarah ngara ka siŭ ngara darŭm perang. Aku re tandah tadang tadang ngara dog man manuk ngga dāng dāng tarun.

JEREMIAH 22:19

Mun pinyikubur kaldi ayŭh dog tarik ngga bu ka dog taran di sapa tiban Jerusalem.”

JEREMIAH 25:33

Di andu anŭ tadang ngara adi TUHAN mbŭh siŭ re mingare di ong so tŭbŭn ndi ndŭg tŭbŭn andi. Mating daya re ngurid ngara, ka ngara re dŭh dog tambit ka dog kubur. Ngara re prigure di tunduh tana mun tugung tamŭh.

JEREMIAH 34:20

Aku re nggen ngara ka darŭm tangan pinganyu ngara, adi re siŭ ngara, ka tadang ngara re dog man manuk ngga dāng dāng tarun.

JEREMIAH 9:21

Pinyikabŭs mbŭh mŭrŭt so pinjan ta ka mŭrŭt istana ta; pinyikabŭs mbŭh siŭ anak-sŭ di aran raya ka bara dari adi mara di passar.

JEREMIAH 9:22

Tadang ngara mbŭh di barang yŭn, mun tugung tamŭh di tana, mun tŭngŭn gandom adi dog japa ka dog tingge daya adi ngatŭm, gandom adi dŭh dog sun. Anŭ inŭh kayuh adi TUHAN bada aku kidaan.”

EZEKIEL 29:5

Aku re taran kuu ngga sopŭrŭg iken anŭ ka tarun tana-pajam. Pŭrŭng mu re rabu di tana ka dog tingge dŭh dog kubur. Aku re nggen-i ndu pinguman di manuk ngga dāng dāng.

EZEKIEL 39:4

Gog ngga tibaran bara soldadu-i samŭn bara pambit-i re kabŭs di darŭd darŭd Israel, ka Aku re bada tadang ngara jadi pinguman yŭn sopŭrŭg manuk ngga dāng dāng tarun.

DITRONOMI 28:26

Kan angān kabŭs manuk manuk ngga dāng tarun re mandŭg di man tadang ngan; ka ndi naan mating gŭh daya re kasig ngara.

DITRONOMI 8:20

Kambŭi angān dŭh tunda pinganang TUHAN, angān manŭn re dog pirabur keya ka dudu bangsa anŭ adi Ayŭh re pirabur darŭm angān masang.