JEREMIAH 7:31 - Hakcipta - Biatah Bidayuh

³¹ Darŭm Rubān Hinnom ngara mbŭh pijog ndi mija-sambah dŭn Topheth. Di tunduh mija-sambah anŭ ngara badang anak anak dari ngga anak anak dayung ngara, ndu sadis. Aku mating pesan ngara bada ndai simŭnŭ. Bŭn kayuh mun anŭ timbur darŭm pikir Ku.

JEREMIAH 7:31 ပူးပေါင်းရင်းမြစ်များ

2 RAJA 17:17

Ngara nyadis anak anak dari ngga anak anak dayung adŭp ngara ndu sadis badang ka tapa adat karŭm. Ngara bisiken ngga daya adi pandai minyu ngga simangi daya adi mbŭh kabŭs samŭn ngara adi pandai kidaan nasip. Ngara mbŭh bigŭtŭ ndai kayuh adi sarah di sirung jawin TUHAN, ka mbŭh kinuas Ayŭh.

2 RAJA 23:10

Raja Josiah nyembar gŭh Topheth, tarun yŭn bisambah adat karŭm di Rubān Hinnom, isa daya dŭh dapŭd nyadis anak dari bait anak dayung ngara ndu sadis badang ka tapa Molech.

2 RAJA 23:20

Ayŭh siŭ sopŭrŭg imam adat karŭm di tunduh mija-sambah adi yŭn ngara nyiraja, ka ayŭh badang turang manusia di barang mija-sambah. Komŭnŭ ayŭh pari ka Jerusalem.

2 KRONIKEL 28:3

badang kimanyan di Rubān Hinnom, ka badang anak anak adŭp-i ndu sadis yŭn tibudo, nanya adat sipŭ daya adi TUHAN muko pibu so tarun tana anŭ di tipuh daya Israel masang mŭrŭt-i.

2 KRONIKEL 33:6

Ayŭh nyadis anak anak dari adŭp-i di Rubān Hinnom ndu sadis badang. Ayŭh nanung ka ndai biruri karŭm ka bisiken ngga daya adi pandai kidaan nasip ka ngara adi pandai minyu ngga simangi daya adi mbŭh kabŭs. Ayŭh mbŭh bana bidosa rawan TUHAN ka mbŭh kinuas Ayŭh.

ISAIAH 30:33

Ndun jah agi ndi tarun yŭn muko dog sidia yŭn badang raja-empaya Assyria. Tarun yŭn anŭ tŭrŭp ka bayah ka puno ngga tugung uwang ungon. TUHAN re ngasŭng ka piruah jireb apui ngga badang tugung uwang ungon anŭ.

ISAIAH 57:5

Angān nyambah tapa tapa pimuah buang angān muas pinyiraan pŭrŭng ngan di ribo tŭngŭn tŭngŭn pirapu' ngan. Angān jugan anak anak ngan ndu sadis di tāng pibatuh sindŭk dau sungi.

JEREMIAH 19:2

ngga ruah so Tiban Potsherd di ka Rubān Hinnom. Diginŭ aku dŭh siŭn dŭh piagah pinganang adi-I bada aku taban.

JEREMIAH 2:23

Simuki kuu re nang adŭp mu mating nyembar adŭp mu, nang adŭp mu bŭn nyambah Baal? Tingga pingandai mu di rubān; kuu mbŭh bidosa diginŭ. Kuu mbŭh keya ka dayung onta adi mbŭh mingaras, bikaduh kamati kamanŭ,

JEREMIAH 32:34

Ngara tanŭ ka mbŭh na tibudo tibudo ngara adi sipŭ anŭ di Ramin Ku adi ngaŭn dog pijog yŭn nyambah Aku; ngara mbŭh nyembar-i.

JEREMIAH 32:35

Ngara mbŭh pijog mija mija-sambah yŭn Baal di Rubān Hinnom, yŭn nyadis anak anak dari ngga anak anak dayung ngara ka tapa Molech. Aku mating pesan ngara bada ndai simŭnŭ, ka bŭn-i di pikir Ku nang ngara re ndai kayuh adi mun anŭ ngga bada daya Judah bidosa.”

EZEKIEL 16:20

“Komŭnŭ kuu tambit anak anak dari ngga anak anak dayung adi kuu mbŭh biranak yŭn Ku ka jugan ngara ndu sadis ka tibudo. Gibayuh kah-i sadang kuu dŭh tŭtŭd di Aku?

EZEKIEL 20:26

Aku tandah ngara nyembar adŭp ngara ngga sadis ngara, ka Aku tandah ngara nyadis anak pinuai adŭp ngara. Anŭ inŭh ngga ngukum ngara ka kiren di ngara nang Aku ati TUHAN.

EZEKIEL 20:31

Ndŭg andu ati, angān jugan pinganggen anŭ, ka nyembar adŭp ngan ngga tibudo anŭ darŭm angān badang anak anak ngan ndu sadis ka tibudo. Komŭnŭ angān adi daya Israel babŭ mandŭg an siken pinyiraan Ku! Siragi Aku ati, adi TUHAN Raja, Tapa adi udip, Aku dŭh re nyibandar angān siken kayuh so Aku.

LEVITICUS 18:21

Dŭhnyah nggen tadŭ tadŭ anak ngan ndu sadis ka tapa Molech, sabab anŭ re nggen mangŭh di adŭn Tapa adi TUHAN.

MICAH 6:7

Re munos kah asŭng TUHAN kambŭi aku taban ka yŭn-I siribu biri bait inyo kanā adi dŭh pandai abo? Bisa kah aku jugan anak pinuai ku ndu pinyibayar dosa ku?

DITRONOMI 12:31

Dŭhnyah nyambah TUHAN adi Tapa ngan mun gaya ngara nyambah tapa ngara; amai darŭm ngara nyambah tapa ngara, ngara ndai sopŭrŭg kayuh adi sipŭ adi TUHAN tiru. Ngara nyadis gŭh anak anak ngara di apui di tunduh mija-sambah ngara.

DITRONOMI 17:3

anŭ inŭh nyambah ka bituan di tapa bŭkŭn, batŭh andu, buran, ka bitang, adi sitiked so pesan-I.

DITRONOMI 18:10

Dŭhnyah nyadis anak adŭp ngan di apui di tunduh mija-sambah ngan; ka dŭhnyah tandah bangsa adŭp ngan ndai pingandai nanung, puan kah sabah di pinyipuan jang bait pinganang dukun,

JOSHUA 15:8

ka maad mutas Rubān Hinnom tura ka parad siratan sandah adi yŭn kupo daya Jebus adi dŭn Jerusalem mbŭh mijog. Baat anŭ pijuu ndŭg tibung sandah anŭ di tura ka barat Rubān Hinnom, di tŭbŭn Rubān Rephaim adi parad ka utara.