JEREMIAH 7:26 - Hakcipta - Biatah Bidayuh

²⁶ Pak daya dŭh an dingah bait piduri kayuh adi ngara nang. Tanŭ ka angān jadi rabis baking ka an birawan mun tayung-babuk ngan.

JEREMIAH 7:26 ပူးပေါင်းရင်းမြစ်များ

1 RAJA 14:22

Daya Judah mbŭh bidosa rawan TUHAN, ka mbŭh bada TUHAN baji di ngara amai pingandai ngara adi rabis arap so sopŭrŭg pingandai adi tayung-babuk ngara muko ndai.

1 RAJA 14:9

Kuu mbŭh ndai dosa adi mbŭh bās dŭ so tung ngara adi mritah diŭ so kuu. Kuu mbŭh tirawan Aku ka mbŭh bada Aku baji darŭm kuu ndai tibudo ka gayŭn so basi bada daya nyambah.

2 RAJA 17:14

Pak ngara dŭh dingah pinganang; ngara baking mun tayung-babuk ngara, adi dŭh sabah di TUHAN adi Tapa ngara.

2 RAJA 17:15

Ngara abah tunda ajar-I, ngara dŭh sita simanya adi Ayŭh muko ndai ngga tayung-babuk ngara, ka ngara dŭh piduri pinyibakan-I. Ngara nyambah tibudo adi au-tarun ka mbŭh jadi au-tarun adŭp ngara. Ngara tunda adat bangsa bangsa adi maning ngara, nyibireu pesan TUHAN adi nagah ngara ndai simŭnŭ.

2 KRONIKEL 30:8

Dŭhnyah karas tangek mun ngara, pak nundok di TUHAN. Mandŭg ka Ramin TUHAN di Jerusalem, adi TUHAN Tapa ngan mbŭh bada adu adu kudus, ka nyambah Ayŭh isa Ayŭh dŭh tia baji di angān.

2 KRONIKEL 33:10

Sunggu TUHAN bakan Manasseh ngga bara daya-i, ngara abah dingah pinyibakan anŭ.

2 KRONIKEL 33:23

Pak dŭh mun sama-i, ayŭh dŭh pirapat adŭp-i ka TUHAN; ayŭh mbŭh rabis bidosa so sama-i.

NEHEMIAH 9:29

Kaam bakan ngara bada tunda ajar Mai, pak ngga atin sambuh ngara tirawan ukum ukum-adat Mai, sunggu aran nuju udip inŭh so ka sita Ukum-adat Mai. Tangek buang baking, ngara abah dingah pinganang.

PITAS 29:1

Kambŭi kuu bitambah baking tiap kari kuu dog nyara, agi andu kuu re binasa ka re dŭh dapŭd makat.

ISAIAH 48:4

Aku puan angān taŭn baking, bagŭg mun basi ka riyat mun timaga.

ISAIAH 5:4

Agi kah kayuh adi aku kambŭt ndai yŭn teya anggor ku? Ka mani meh teya anggor ku buān buwa adi masŭm ka dŭh buwa anggor adi kana adi aku kajŭn?

JEREMIAH 11:8

Pak ngara abah dingah bait tunda pinganang Ku. Ngara tanŭ ka baking buang arap mun adi mbŭh. Aku mbŭh pesan ngara bada sita simanya anŭ, pak ngara abah. Jadi Aku pait ka ngara sopŭrŭg ukum adi dog nyabŭt darŭm simanya anŭ.”

JEREMIAH 16:12

Ka angān mbŭh ndai kayuh adi rabis arap so adi mbŭh tayung-babuk ngan ndai. Sopŭrŭg ngan baking buang arap, ka angān abah dingah pinganang Ku.

JEREMIAH 17:23

Tayung-babuk ngara abah dingah Aku bait mbit piduri. Ngara baking ka abah dingah Aku bait birajar so Aku.

JEREMIAH 19:15

nang TUHAN Bisa-pŭrŭg, adi Tapa Israel, mbŭh nang, “Aku re taban ka kupo ati ka di barang kupo adi sindŭk-i sopŭrŭg ukum adi Aku muko nang, sabab angān baking ka abah dingah pinganang Ku.”

JEREMIAH 22:21

TUHAN minyu ngga angān di tipuh angān mujur ka kaya, pak angān abah dingah. Simŭnŭ inŭh angān sitŭkŭd udip ngan; angān abah nundok di TUHAN.

JEREMIAH 25:3

“Sitŭkŭd duwŭh puru-taruh sawa, so sawa adi simŭng taruh Josiah anak Amon jadi raja Judah ndŭg andu ati, TUHAN mbŭh minyu ngga aku, ka aku bŭn dŭh kidaan di angān kayuh adi-I nang. Pak angān dŭh mbit piduri.

JEREMIAH 25:7

Pak adŭp TUHAN nang, angān inŭh adi abah tunda pinganang-I. Angān tanŭ ka mbŭh kinuas Ayŭh ngga pingandai ngan adi nyambah tibudo ka mbŭh bada ukum-I nyatŭk adŭp ngan.

JEREMIAH 26:5

ka mbit piduri di pinganang bara urun Ku, adi bara nabi, adi Aku marar pait ka angān. Angān bŭn tunda kayuh adi ngara nang.

JEREMIAH 29:19

Kayuh anŭ re jadi di ngara sabab ngara dŭh tunda pinganang adi Aku ari pait ka ngara so baba bara urun Ku adi bara nabi. Ngara abah dingah pinganang.

JEREMIAH 3:13

Ngaku adŭ adŭp mu mbŭh sarah ka mbŭh nyakar TUHAN, adi Tapa mu. Ngaku nang di ribo barang tŭngŭn kayuh barŭm kuu mbŭh nggen pinyirindu mu di tapa tapa bŭkŭn ka kuu agi dŭh tunda pesan Ku. Aku, adi TUHAN, mbŭh minyu.

JEREMIAH 32:23

Pak kan ngara mŭrŭt tarun tana ati ka dapu-i, ngara dŭh tunda pesan Mai bait udip nanyam ka ajar Mai; ngara dŭh ndai kayuh adi Kaam bada ngara ndai. Ngapŭi meh Kaam bada masam masam pinyirusag ati nyatŭk ngara.

JEREMIAH 34:14

barang ju sawa, pirupas tadŭ tadŭ urun ngara adi daya Jahudi adi mbŭh bituan di ngara nŭm sawa. Pak tayung-babuk ngan dŭh an dingah Aku ka dŭh mbit piduri di pinganang Ku.

JEREMIAH 35:15

Aku babŭ ari pait ka angān bara urun Ku adi bara nabi, ka ngara mbŭh kidaan di angān bada pasan aran pimudip ngan adi arap anŭ ka ndai kayuh adi batur. Ngara bakan angān bada dŭh nyambah tibudo bait bituan di tapa tapa bŭkŭn, isa angān dapŭd tui rŭŭ di tarun tana adi Aku mbŭh nggen di tayung-babuk ngan. Pak angān dŭh raan dingah Aku bait mbit piduri di pinganang Ku.

JEREMIAH 35:17

Jadi madin, Aku, adi TUHAN Bisa-pŭrŭg, adi Tapa Israel, re taban ka angān adi daya Judah ngga daya Jerusalem sopŭrŭg pinyirusag adi Aku mbŭh nang re nyatŭk angān kambŭi angān dŭh an dingah pinganang Ku. Aku re ndai anŭ sabab angān abah dingah kan Aku minyu ngga angān, ka angān abah nam kan Aku bagan angān.”

JEREMIAH 44:16

“Kieh dŭh an dingah kayuh adi kuu nang ngga adŭn TUHAN.

JEREMIAH 5:3

Tatu TUHAN jiroh atin tŭtŭd. Ayŭh ngukum angān, pak angān dŭh mbit piduri; Ayŭh pān angān, pak angān abah birajar. Angān baking ka dŭh raan ko bidosa.

JEREMIAH 6:10

Aku nam, “Asi re an dingah aku kambŭi aku minyu ka bakan ngara? Ngara baking ka abah dingah pinganang Mai; ngara tawŭh kayuh adi Kaam bada aku nang.

JEREMIAH 6:17

Komŭnŭ TUHAN tijuan daya adi tukang jaga bada nyiringa jawŭn trompet adi nggen tandā. Pak ngara nang, “Kieh dŭh re nyiringa.”

JEREMIAH 7:24

Pak ngara dŭh dingah pinganang ka dŭh mbit piduri. Tanŭ ka ngara ndai barang ka mun kayuh nanyam ka pinyiraan atin baking ngga atin arap ngara, ka jadi rabis arap so adi mbŭh.

JEREMIAH 9:13

TUHAN nam, “Kayuh mbŭh jadi simŭnŭ amai daya Ku mbŭh tagan ajar adi Aku mbŭh nggen di ngara. Ngara dŭh dingah pinganang Ku bait ndai kayuh adi Aku bada ngara ndai.

EZEKIEL 12:2

“Manusia,” Ayŭh nang, “kuu udip di ruang daya adi an birawan. Ngara biyŭn batŭh, pak ngara dŭh kiris tarun; ngara biyŭn kajit, pak ngara dŭh dingah ani ani, sabab ngara daya adi suka birawan.

EZEKIEL 12:3

“Madin, manusia, bipisŭn meh mun daya nupang, ka matak diŭ so andu karŭm. Bada barang naan daya kiris kuu bu tingge kupo panu di ka tarun bŭkŭn. Kadŭ ngara adi an birawan anŭ re kiris kuu.

EZEKIEL 20:30

Ngapŭi kidaan di bara daya Israel kayuh adi Aku, TUHAN Raja, nang: mani angān sah ndai dosa adi tayung-babuk ngan ndai ka di tadak tibudo tibudo ngara?

DANIEL 9:6

Kieh dŭh dingah pinganang bara urun Mai adi bara nabi, adi minyu ngga adŭn Mai di bara raja ami, bara pimritah ami, tayung-babuk ami, ka sopŭrŭg daya bangsa ami.

HOSEA 11:7

Ngara garis an bu so Aku. Ngara re bagan mite turung amai dog pijera darŭm pimudip ngara, pak mating daya re pirupas ngara.

ZECHARIAH 7:11

“Pak daya Ku tangek ka abah dingah pinganang. Ngara mapot kajit isa ngara dŭh dingah

MALACHI 3:7

Angān, mun tayung-babuk ngan adi diŭ so angān, mbŭh nyipunok ukum ukum-adat Ku ka mbŭh dŭh sita-i. Pari ka Aku, ka Aku gŭh re pari ka angān. Pak angān siken, ‘Ani dŭh siŭn dŭh ami ndai ngga ami pari ka Kaam?’

MATTHEW 21:38

Pak kan bara pinyewa teya kiris anak-i anŭ, ngara nang dupan adŭp-i, ‘Siati inŭh anak daya adi dapu teya anggor. Ja, ata siŭ ayŭh, ka tambit rata-i!’

MATTHEW 23:32

Pijuu meh garang, ka ngamas kayuh adi tayung-babuk ngan ko piguru ndai.

PINGANDAI 7:51

“Angān daya adi paŭh baking! Nimun ngara adi dŭh biguna di Tapa, angān dŭh an kuka atin ngan di pinganang Tapa! Angān mbŭh mun tayung-babuk ngan, ari rawan Roh Kudus!

ROME 2:5

Pak atin ngan karas buang baking, ngapŭi angān mbŭh ndai ukum ngan rabis bat-i di Andu baji Tapa ngga ukum-i adi tŭnggŭn dog pinandŭng.

DITRONOMI 8:20

Kambŭi angān dŭh tunda pinganang TUHAN, angān manŭn re dog pirabur keya ka dudu bangsa anŭ adi Ayŭh re pirabur darŭm angān masang.