JEREMIAH 7:24 - Hakcipta - Biatah Bidayuh

²⁴ Pak ngara dŭh dingah pinganang ka dŭh mbit piduri. Tanŭ ka ngara ndai barang ka mun kayuh nanyam ka pinyiraan atin baking ngga atin arap ngara, ka jadi rabis arap so adi mbŭh.

JEREMIAH 7:24 ပူးပေါင်းရင်းမြစ်များ

NEHEMIAH 9:29

Kaam bakan ngara bada tunda ajar Mai, pak ngga atin sambuh ngara tirawan ukum ukum-adat Mai, sunggu aran nuju udip inŭh so ka sita Ukum-adat Mai. Tangek buang baking, ngara abah dingah pinganang.

MAZMUR 81:13

Mbŭh raru kana-i kambŭi daya Ku raan dingah pinganang Ku; mbŭh raru kana-i kambŭi daya Ku raan ndai pinyiraan Ku!

JEREMIAH 13:10

Bara daya adi arap anŭ abah nundok di Aku. Ngara baking ka babŭ ginaka, ka mbŭh nyambah ka bituan di tapa tapa bŭkŭn. Ngapŭi meh, ngara re jadi mun sinjang rajut anŭ adi mbŭh dŭh tia biguna.

JEREMIAH 13:11

Nimun sinjang rajut dog nyisŭt di kupong, simŭnŭ gŭh Aku raan sopŭrŭg daya Israel ngga daya Judah bidigŭng tagap di Aku. Aku ndai simŭnŭ isa ngara bisa jadi daya Ku ka taban puji ka stabi ka adŭn Ku; pak ngara dŭh nundok di Aku.”

JEREMIAH 15:6

Angān mbŭh tirawan Aku; angān mbŭh nyipunok Aku. Ngapŭi Aku pakat tangan Ku ka pirandŭk angān sabab Aku mbŭh reju nyijŭn baji Ku.

JEREMIAH 16:12

Ka angān mbŭh ndai kayuh adi rabis arap so adi mbŭh tayung-babuk ngan ndai. Sopŭrŭg ngan baking buang arap, ka angān abah dingah pinganang Ku.

JEREMIAH 17:23

Tayung-babuk ngara abah dingah Aku bait mbit piduri. Ngara baking ka abah dingah Aku bait birajar so Aku.

JEREMIAH 17:9

“Asi dapŭd mirati atin manusia? Mating kayuh bŭkŭn re rabis bidikok mun atin manusia; atin anŭ mbŭh sera andam-i.

JEREMIAH 18:10

pak ko anŭ bangsa anŭ dŭh dingah pinganang Ku buang ndai arap, Aku dŭh re ndai kayuh adi Aku nang adŭp Ku re ndai.

JEREMIAH 18:12

Ngara re nam, ‘Re ngga mani? Kieh re babŭ baking ka arap mun adi mbŭh.’ ”

JEREMIAH 2:27

Sopŭrŭg ngan re dog pimangŭh; angān adi nang tŭngŭn kayuh inŭh sama ngan ka batuh inŭh sindŭ ngan. Kayuh ati re jadi sabab angān bu tagan Aku darŭm angān patut marik pimudip ngan pari ka Aku. Pak kan angān dog pinyusah, angān bagan Aku bada mandŭg di nyiramat angān.

JEREMIAH 22:21

TUHAN minyu ngga angān di tipuh angān mujur ka kaya, pak angān abah dingah. Simŭnŭ inŭh angān sitŭkŭd udip ngan; angān abah nundok di TUHAN.

JEREMIAH 23:17

Di daya adi abah dingah pinganang Ku, ngara ari nang ngara re siramat. Ka ngara kidaan di barang naan daya adi baking nang pinyirusag dŭh re dog ngara.”

JEREMIAH 3:13

Ngaku adŭ adŭp mu mbŭh sarah ka mbŭh nyakar TUHAN, adi Tapa mu. Ngaku nang di ribo barang tŭngŭn kayuh barŭm kuu mbŭh nggen pinyirindu mu di tapa tapa bŭkŭn ka kuu agi dŭh tunda pesan Ku. Aku, adi TUHAN, mbŭh minyu.

JEREMIAH 3:17

Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.

JEREMIAH 32:23

Pak kan ngara mŭrŭt tarun tana ati ka dapu-i, ngara dŭh tunda pesan Mai bait udip nanyam ka ajar Mai; ngara dŭh ndai kayuh adi Kaam bada ngara ndai. Ngapŭi meh Kaam bada masam masam pinyirusag ati nyatŭk ngara.

JEREMIAH 32:33

Ngara nyipunok Aku; ka sunggu Aku babŭ ngajar ngara, ngara abah dingah ka birajar.

JEREMIAH 35:15

Aku babŭ ari pait ka angān bara urun Ku adi bara nabi, ka ngara mbŭh kidaan di angān bada pasan aran pimudip ngan adi arap anŭ ka ndai kayuh adi batur. Ngara bakan angān bada dŭh nyambah tibudo bait bituan di tapa tapa bŭkŭn, isa angān dapŭd tui rŭŭ di tarun tana adi Aku mbŭh nggen di tayung-babuk ngan. Pak angān dŭh raan dingah Aku bait mbit piduri di pinganang Ku.

JEREMIAH 6:16

TUHAN nang di daya-I, “Mijog di sakap sakap aran ka tingga. Siken diki aran amba adi jah ka diki aran adi siabo kana. Kadŭg-i, ka kuu re udip darŭm damai.” Pak ngara nang, “Dŭh, abah kieh!”

JEREMIAH 7:26

Pak daya dŭh an dingah bait piduri kayuh adi ngara nang. Tanŭ ka angān jadi rabis baking ka an birawan mun tayung-babuk ngan.

JEREMIAH 8:5

Mani meh garang, daya Ku, angān bu tagan Aku ka dŭh pari ka Aku? Angān rakat di tibudo ngan ka abah pari ka Aku.

JEREMIAH 9:14

Ngara baking buang mbŭh nyambah tibudo Baal nimun adi dog ngajar tayung-babuk ngara.

EZEKIEL 20:13

Pak di tarun tana-pajam anŭ ngara rawan Aku. Ngara miranggar ukum-adat Ku ka tirawan pesan Ku, adi nggen udip di tadŭ daya adi tunda-i. Ngara bandar bandar nyembar andu Sabbath. Aku mbŭh sidia an bada ngara kinyam bisā baji Ku diginŭ di tarun tana-pajam ka pirabur ngara.

EZEKIEL 20:16

Aku ndai janji anŭ sabab ngara tirawan pesan Ku, miranggar ukum-adat Ku, ka nyembar andu Sabbath. Ngara raan dŭ nyambah tibudo ngara.

EZEKIEL 20:21

“Pak turap anŭ gŭh rawan Aku. Ngara miranggar ukum-adat ka dŭh sita pesan Ku, adi nggen udip di tadŭ daya adi tunda-i. Ngara nyembar andu Sabbath. Aku mbŭh sidia an bada ngara kinyam bisā baji Ku diginŭ di tarun tana-pajam ka siŭ sopŭrŭg ngara.

EZEKIEL 20:8

Pak ngara rawan Aku ka abah dingah pinganang. Ngara dŭh taran tibudo tibudo ngara adi sipŭ anŭ bait ko nyambah tapa tapa daya Egypt. Aku mbŭh sidia an bada ngara kinyam bisā baji Ku diginŭ di Egypt.

DANIEL 9:6

Kieh dŭh dingah pinganang bara urun Mai adi bara nabi, adi minyu ngga adŭn Mai di bara raja ami, bara pimritah ami, tayung-babuk ami, ka sopŭrŭg daya bangsa ami.

HOSEA 10:6

Tibudo anŭ re dog taban bu ka Assyria ndu takŭd ka raja bās empaya. Daya Israel re dog ngamun ka dog pimangŭh sabab pinyitayan adi ngara tunda.

HOSEA 4:16

Daya Israel baking mun kuda pinakan kaldi. Munki meh Aku re paan ngara mun biri di tarun tana kupai adi bayah?

MICAH 6:16

Kayuh ati re jadi sabab angān tunda suto danding adi arap so Raja Omri ngga anak-i, Raja Ahab. Angān pijuu atur adi ngara mbŭh pimanu, ka anŭ sabab Aku re pirabur angān, ka sopŭrŭg daya re ngamun angān. Daya di barang yŭn re tiru di angān.”

ZECHARIAH 7:11

“Pak daya Ku tangek ka abah dingah pinganang. Ngara mapot kajit isa ngara dŭh dingah

DITRONOMI 29:19

Nakit ingat, dŭh siŭn agi andu ati digiti daya adi dingah gaya atur anŭ, pak sabah nang adŭp-i dŭh re mani mani kambŭi ngga atin baking-i tunda aran adŭp-i sadi. Kraja adi mun anŭ re pirusak sopŭrŭg ngan, adi kana ngga adi arap.