JEREMIAH 7:20 - Hakcipta - Biatah Bidayuh

²⁰ Ngapŭi Aku, adi TUHAN Raja, re bada bisā baji Ku nyatŭk Ramin TUHAN ati. Aku re bada-i nyatŭk manusia ngga dāng dāng, samŭn tŭngŭn tŭngŭn kayuh ngga pimuruh. Baji Ku re mun apui adi dŭh daya tungang mura.

JEREMIAH 7:20 ပူးပေါင်းရင်းမြစ်များ

2 RAJA 22:17

Ngara mbŭh tirawan Aku ka mbŭh jugan sadis ka tapa bŭkŭn, ka mbŭh kinuas Aku ngga sopŭrŭg kayuh adi ngara mbŭh ndai. Jerusalem mbŭh kinuas Aku, ka baji Ku dŭh re ko.

ISAIAH 10:17

Tapa, adi jawa Israel, re jadi apui. Tapa kudus Israel re jadi jireb apui, adi darŭm ndi andu badang sopŭrŭg kayuh, samŭn tŭngŭn reja ngga uduh pedang.

ISAIAH 42:25

Jadi Ayŭh baji ka ngukum ata ka bada ata sangsara bada perang. Mun apui baji-I badang Israel, pak ata bŭn puan kayuh adi mbŭh jadi; ata dŭh birajar ani ani so dieh.

ISAIAH 66:24

“Darŭm ngara mari, ngara re kiris tadang tadang ngara adi ko rawan matah Aku. Ŭrŭd adi man ngara re dŭh bisa kabŭs, ka apui adi badang ngara re dŭh bisa pura. Di batŭh sopŭrŭg bangsa manusia, kayuh adi mun anŭ inŭh kayuh adi tikŭnŭd daya kiris.”

JEREMIAH 11:16

Aku ko ndi sidah kadŭn ngara dawŭn tŭngŭn kayuh kanā, puno ngga buwa adi kana; pak madin, buang Aku ngŭr sak kijat Aku re badang dawŭn-i ka mata daan daan-i.

JEREMIAH 12:4

Ndŭg sinde tarun tana ami badŭh, ka kupai di barang tarun tana barŭm rayu? Dāng ngga manuk kabŭs sabab pingandai ginaka daya ami, daya adi nang, ‘Tapa dŭh kiris pingandai ta.’ ”

JEREMIAH 14:16

Daya adi dingah pinganang ngara re dog siŭ mun anŭ gŭh. Tadang ngara re dog taran di aran aran di Jerusalem, ka mating daya adi re tukang kubur ngara. Kayuh anŭ re jadi di sopŭrŭg ngara, sawŭn ngara, anak anak dari ngara, ngga anak anak dayung ngara. Aku re bada ngara dapu tanggong udip ginaka ngara.”

JEREMIAH 17:27

Pak ngara dŭh siŭn dŭh nundok di Aku ka sita andu Sabbath bada jadi andu adi kudus. Ngara dŭh siŭn kabis tadŭ tadŭ kayuh mŭrŭt ruah tiban tiban-bās Jerusalem di andu anŭ, amai kambŭi ngara ndai simŭnŭ, Aku re badang tiban tiban Jerusalem. Apui re man istana di Jerusalem, ka mating daya re tungang mura-i.”

JEREMIAH 17:4

Angān an dŭh an pasan tana adi Aku mbŭh nggen di angān, ka Aku re bada angān bituan di pinganyu ngan di tarun tana adi angān dŭh puan, sabab baji Ku mbŭh mun apui, ka-i bijagu adu adu.”

JEREMIAH 18:23

Pak, TUHAN, Kaam puan sopŭrŭg pekat ngara, an siŭ aku. Dŭhnyah apun arap ngara bait apun dosa ngara. Tandah ngara arah ka ngukum ngara darŭm Kaam baji.”

JEREMIAH 42:18

“TUHAN, adi Tapa Israel, nang, ‘Nimun baji bangok Ku mbŭh nyatŭk daya Jerusalem, simŭnŭ inŭh bangok Ku re nyatŭk angān kambŭi angān di ka Egypt. Angān re tikŭnŭd daya kiris; daya re ngamun angān ka pakai dŭn ngan ndu pangu. Angān re dŭh tia kiris tarun yŭn ati dinge.’ ”

JEREMIAH 44:6

Jadi baji bangok Ku nyatŭk kupo kupo di Judah ka di aran aran di Jerusalem, ka Aku sigot sopŭrŭg-i. Sopŭrŭg anŭ mbŭh jadi tugung rakang tibawang adi tikŭnŭd daya kiris, ndŭg andu ati.

JEREMIAH 6:11

Baji Mai di ngara bijagu gŭh darŭm aku, TUHAN, ka aku dŭh tungang nyijŭn-i tia.” Komŭnŭ TUHAN nang di aku, “Ren baji Ku di tunduh bara anak-sŭ di aran raya ka di tunduh anak anak-anya. Banŭh banŭh ngga sawŭn sawŭn ngara re dog taban ngga bu, ndŭg ka adi minyamba re dŭh gŭh dog kidŭm.

JEREMIAH 6:12

Ramin ramin ngara re dog nggen di daya bŭkŭn, ka simŭnŭ gŭh teya ngara ngga sawŭn ngara. Aku re ngukum daya di tarun tana ati.

JEREMIAH 8:13

“Aku raan nguruk daya Ku, mun tukang teya nguruk buwa pingatŭm; pak ngara keya ka tŭngŭn anggor adi mating buwa-i, keya ka tŭngŭn ara adi mating buwa-i; ndŭg ka dawŭn dawŭn-i gŭh mbŭh rayu. Anŭ meh sabab Aku mbŭh bada daya sapa tambit tarun tana anŭ.”

PUĀS 4:11

TUHAN mbŭh raru baji; Ayŭh sigot kupo Zion ndŭg ka rŭpŭg.

EZEKIEL 22:22

Ngara re dog piriris di Jerusalem mun pirak dog piriris di buwang apui, ka ngara meh re puan nang adŭp ngara mbŭh kinyam sarang baji TUHAN.”

EZEKIEL 7:12

Tika-i mbŭh aŭn mandŭg. Andu-i mbŭh sindŭk adi ngga bibiris ngga bijua re dŭh tia biyŭn rati, sabab ukum Tapa re nyatŭk barang naan daya.

EZEKIEL 7:14

Trompet jawŭn, ka barang naan mbŭh sidia. Pak mating daya matak di biperang, amai baji Tapa re nyatŭk barang naan daya

DANIEL 9:11

Sopŭrŭg daya Israel miranggar ukum ukum-adat Mai ka abah dingah kayuh adi Kaam nang. Kieh bidosa rawan Kaam, ka Kaam meh mbŭh kudog kieh ngga pangu adi dog nuris darŭm Ukum-adat Moses, adi urun Mai.

LEVITICUS 26:28

nganŭ ngga baji Ku Aku re rawan angān ka nambah ukum ngan dinge ju rupet rabis mandam so adi mbŭh.

NAHUM 1:6

Kan Ayŭh baji, asi tan? Asi dapŭd rupas so bisā baji-I? Ayŭh piruah baji-I keya ka apui adi bijagu; batuh ruruh kan situra ngga Ayŭh.

ZEPHANIAH 1:2

TUHAN nang, “Aku re pirusak sopŭrŭg kayuh di ong,

ZEPHANIAH 1:3

sopŭrŭg manusia ngga dāng dāng, manuk ka iken. Aku re pirabu daya adi ginaka. Aku re pirabur sopŭrŭg bangsa manusia, ka mating daya re udip. Aku, adi TUHAN, mbŭh minyu.

ZECHARIAH 7:12

ka bada atin ngara riang mun batuh. Sabab ngara abah dingah ajar adi Aku pait so baba bara nabi ndun jah, Aku mbŭh raru baji.

MALACHI 4:1

TUHAN Bisa-pŭrŭg nang, “Andu re mandŭg adi ngga sopŭrŭg daya adi sambuh ngga adi arap re dog badang keya ka siriyang dog badang. Di andu anŭ ngara re abo dog badang, ndŭg ka mating ani ani dŭm so ngara.

MATTHEW 3:12

Ayŭh biyŭn tapan di tangan-I ngga napan ka nyidŭrŭ gandom so aping. Ayŭh re nguruk gandom adi bisig ka darŭm panggau, pak aping Ayŭh re badang di apui adi dŭh bisa pura.”

PINANDŬNG 14:10

re nok wain Tapa, wain baji-I, adi-I ko bandar ren darŭm makuk baji-I! Sopŭrŭg adi bada Ayŭh baji re dog pijera darŭm apui ngga mirirang di sirung jawin malaikat kudus ngga Anak Biri.