JEREMIAH 7:13 - Hakcipta - Biatah Bidayuh

¹³ Angān mbŭh ndai sopŭrŭg dosa anŭ, ka sunggu Aku pari pari minyu ngga angān, angān abah dingah. Angān abah nam kan Aku bagan angān.

JEREMIAH 7:13 ပူးပေါင်းရင်းမြစ်များ

PITAS 1:24

Mbŭh tian-ti aku bagan angān, ngaja angān, pak angān abah dingah. Angān dŭh piduri aku.

ISAIAH 50:2

“Mani daya Ku abah kambat Aku kan Aku mandŭg tudu ngara an nyiramat ngara? Mani ngara abah nam kan Aku bagan? Aku ati ramah kah, ka dŭh dapŭd nyiramat ngara? Aku bisa nyibadŭh rawŭt ngga ndi bang piminyu ka marik sungi sungi bada jadi tarun tana-sumat, isa iken iken adi darŭm-i kabŭs dŭh biyŭn piin.

ISAIAH 65:12

Angān re kabŭs dog siŭ ngga pedang, sabab angān dŭh nam kan Aku bagan bait dingah kan Aku minyu. Angān mbŭh raan dŭ nyibireu Aku ka ndai arap.

ISAIAH 66:4

Jadi Aku re bada pinyirusag nyatŭk ngara, kayuh adi ngara taru, sabab mating daya nam kan Aku bagan bait dingah kan Aku minyu. Ngara raan dŭ nyibireu Aku ka ndai arap.”

JEREMIAH 11:7

Di andu Aku taban tayung-babuk ngara ngga ruah so Egypt, Aku mbŭh pari pari bakan ngara bada nundok di Aku. Ndŭg andu ati Aku babŭ bakan daya Ku di kayuh anŭ.

JEREMIAH 11:8

Pak ngara abah dingah bait tunda pinganang Ku. Ngara tanŭ ka baking buang arap mun adi mbŭh. Aku mbŭh pesan ngara bada sita simanya anŭ, pak ngara abah. Jadi Aku pait ka ngara sopŭrŭg ukum adi dog nyabŭt darŭm simanya anŭ.”

JEREMIAH 13:10

Bara daya adi arap anŭ abah nundok di Aku. Ngara baking ka babŭ ginaka, ka mbŭh nyambah ka bituan di tapa tapa bŭkŭn. Ngapŭi meh, ngara re jadi mun sinjang rajut anŭ adi mbŭh dŭh tia biguna.

JEREMIAH 13:11

Nimun sinjang rajut dog nyisŭt di kupong, simŭnŭ gŭh Aku raan sopŭrŭg daya Israel ngga daya Judah bidigŭng tagap di Aku. Aku ndai simŭnŭ isa ngara bisa jadi daya Ku ka taban puji ka stabi ka adŭn Ku; pak ngara dŭh nundok di Aku.”

JEREMIAH 25:3

“Sitŭkŭd duwŭh puru-taruh sawa, so sawa adi simŭng taruh Josiah anak Amon jadi raja Judah ndŭg andu ati, TUHAN mbŭh minyu ngga aku, ka aku bŭn dŭh kidaan di angān kayuh adi-I nang. Pak angān dŭh mbit piduri.

JEREMIAH 26:5

ka mbit piduri di pinganang bara urun Ku, adi bara nabi, adi Aku marar pait ka angān. Angān bŭn tunda kayuh adi ngara nang.

JEREMIAH 29:19

Kayuh anŭ re jadi di ngara sabab ngara dŭh tunda pinganang adi Aku ari pait ka ngara so baba bara urun Ku adi bara nabi. Ngara abah dingah pinganang.

JEREMIAH 32:33

Ngara nyipunok Aku; ka sunggu Aku babŭ ngajar ngara, ngara abah dingah ka birajar.

JEREMIAH 35:14

Bara sesang Jonadab tunda pinganang-i ka dŭh nok wain, ka ndŭg andu ati mating ngara nok wain. Aku minyu gŭh ngga angān, pak angān bŭn tunda pinganang Ku.

JEREMIAH 35:15

Aku babŭ ari pait ka angān bara urun Ku adi bara nabi, ka ngara mbŭh kidaan di angān bada pasan aran pimudip ngan adi arap anŭ ka ndai kayuh adi batur. Ngara bakan angān bada dŭh nyambah tibudo bait bituan di tapa tapa bŭkŭn, isa angān dapŭd tui rŭŭ di tarun tana adi Aku mbŭh nggen di tayung-babuk ngan. Pak angān dŭh raan dingah Aku bait mbit piduri di pinganang Ku.

JEREMIAH 35:17

Jadi madin, Aku, adi TUHAN Bisa-pŭrŭg, adi Tapa Israel, re taban ka angān adi daya Judah ngga daya Jerusalem sopŭrŭg pinyirusag adi Aku mbŭh nang re nyatŭk angān kambŭi angān dŭh an dingah pinganang Ku. Aku re ndai anŭ sabab angān abah dingah kan Aku minyu ngga angān, ka angān abah nam kan Aku bagan angān.”

JEREMIAH 44:23

Pinyirusag ati adi madin inŭh sabab angān jugan sadis ka tapa tapa bŭkŭn ka bidosa rawan TUHAN darŭm angān nyibireu sopŭrŭg pesan-I.”

JEREMIAH 44:4

Aku adu adu pait urun Ku adi bara nabi, adi kidaan di angān bada dŭh ndai kayuh adi sipŭ anŭ adi Aku tiru.

JEREMIAH 5:21

Dingah, angān daya adi budo buang bawa, adi biyŭn batŭh pak dŭh kiris, adi biyŭn kajit pak dŭh dingah.

JEREMIAH 6:10

Aku nam, “Asi re an dingah aku kambŭi aku minyu ka bakan ngara? Ngara baking ka abah dingah pinganang Mai; ngara tawŭh kayuh adi Kaam bada aku nang.

JEREMIAH 7:25

So andu adi ngga tayung-babuk ngan ruah so Egypt ndŭg andu ati, Aku ari pait urun urun Ku, adi bara nabi, ka angān.

HOSEA 11:2

Pak makin Aku bagan ayŭh, makin ka ayŭh bu so Aku. Daya Ku nyadis ka Baal; ngara badang kimanyan ka tibudo.

HOSEA 11:7

Ngara garis an bu so Aku. Ngara re bagan mite turung amai dog pijera darŭm pimudip ngara, pak mating daya re pirupas ngara.

HOSEA 9:17

Tapa adi yŭn ku bituan re tirawan daya-I, sabab ngara dŭh dingah pinganang-I. Ngara re jadi daya adi bigandon di ruang bangsa bangsa.

ZECHARIAH 7:13

Sabab ngara abah dingah kan Aku minyu, Aku dŭh nam kan ngara bidua.

MATTHEW 23:37

“Jerusalem, Jerusalem! Kuu siŭ bara nabi ka manjan ngga batŭh bara pinyisung adi Tapa pait ka kuu! Pikudu kari Aku raan dakŭp sopŭrŭg daya mu, nimun sindŭ siok nguruk anak anak-i di ribo urad-i, pak daya daya mu abah!