JEREMIAH 6:7 - Hakcipta - Biatah Bidayuh

⁷ Nimun prigi nyikŭn piin tibŭn, simŭnŭ gŭh Jerusalem bada kraja pingandai arap-i tibŭn. Aku dingah pinyiganas ngga pinyirusag darŭm kupo; andam ngga tawan adŭ adi aku kiris.

JEREMIAH 6:7 ပူးပေါင်းရင်းမြစ်များ

PITAS 4:23

Nakit kingat munki kuu bipikir; pimudip mu tunda suan pikir-kira mu.

ISAIAH 1:6

So ubak ndŭg kaja ngan mating tapo adi pidanah. Angān mbŭh puno bada karag, bakang, ka tawan. Tawan ngan gibayuh dog ngu ka dog marut, puan kah dog nguri ngga inyo.

ISAIAH 57:20

Pak daya arap mbŭh keya ka rawŭt adi bŭn adŭ tanang amai girumbang, taban sapok ngga bude adi kais.

JEREMIAH 20:8

Kan aku minyu, aku an minyu bana ka nyirais, “Pinyiganas! Pinyirabur!” TUHAN, aku ari dog tawŭh ka dog ngamun sabab aku piagah pinganang Mai.

JEREMIAH 30:12

TUHAN nang di daya-I “Tawan ngan dŭh tikuri; angān biragan ka dŭh dapŭd bua.

JEREMIAH 30:13

Mating daya kingat angān, mating uri yŭn pirakis ngan, mating pingarap yŭn ngan re bua.

JEREMIAH 30:15

Dŭh tia ngadu pasar tawan ngan; angān dŭh dapŭd dog pibua. Aku ngukum angān simŭnŭ sabab dosa ngan raru bagŭ ka udip ginaka ngan mbŭh raru sipŭ.

JEREMIAH 32:31

Daya darŭm kupo mbŭh bada Aku baji ka bangok so andu adi ngga kupo ati dog pijog. Aku ndai pikir Ku an pirubuh-i

JEREMIAH 8:22

Mating kah uri di Gilead? Mating kah doktor diginŭ? Mani meh, garang, daya ku dŭh dog pibua?

EZEKIEL 21:29

Kayuh adi angān kiris keya ka darŭm pŭmŭh inŭh kayuh adi dŭh sawŭ. Angān ginaka buang arap, ka andu ngan mbŭh sindŭk, andu sikasŭn ukum ngan. Pedang anŭ re japa tungo ngan.

EZEKIEL 24:7

Darŭm kupo anŭ agi daya dog siŭ, pak deya-i dŭh babas di tana di yŭn-i bisa dog sukan dapu; deya anŭ babas di tunduh batuh.

EZEKIEL 45:9

TUHAN Raja nang, “Angān mbŭh tui bidosa, angān pimritah Israel! Pirŭŭ pinyiganas ngga kraja ngan adi kinanyuh daya. Ndai kayuh adi batur ka tŭnggŭn. Angān dŭh siŭn tia pibu daya Ku so tarun tana ngara. Aku, adi TUHAN Raja, mbŭh kidaan di angān.

EZEKIEL 7:11

Pinyiganas bada udip ginaka rabis bagŭ. Sopŭrŭg pinyikaya, sangŭn-i, bragah-i re miyap.

EZEKIEL 7:23

“Ndi rais rais mbŭh bipito — di tarun tana mbŭh agi dudu pinyiŭ ka kupo kupo mbŭh puno ngga pinyiganas.

ZEPHANIAH 3:1

Mbŭh payah inŭh Jerusalem, adi raru arap, kupo adi an birawan ka adi kinanyuh daya adŭp-i.