JEREMIAH 6:24 - Hakcipta - Biatah Bidayuh

²⁴ “Kieh mbŭh dingah agah anŭ,” daya di Jerusalem nang, “ka kieh mbŭh kimŭtŭr taru; kieh mbŭh susah buang naman adŭp ami mun dayung naman sarang andam re biranak.

JEREMIAH 6:24 ပူးပေါင်းရင်းမြစ်များ

MAZMUR 48:6

Ngara mbŭh raru taru buang susah, mun dayung aŭn re ruwan anak-i,

ISAIAH 21:3

Kayuh anŭ adi aku kiris ka dingah keya ka darŭm pŭmŭh mbŭh bada aku taru buang kandam aku, andam adi brimun ngga sarang andam re biranak.

ISAIAH 28:19

Barang isan ayŭh re nyarab angān, ka sandu ngga singarŭm angān re nyijŭn-i. Angān re kimŭtŭr taru kan angān dingah agah so Tapa.

JEREMIAH 13:21

Ani re mu nang kan daya adi kuu nyirundeng jerā mu nyerang kuu ka mritah kuu? Kuu re naman adŭp mu mun dayung naman sarang andam re biranak.

JEREMIAH 22:23

Angān rŭŭ darŭm damai amai dog kirurung uros uros sedar Lebanon; pak tadah gŭh angān kan andam nyatŭk angān, andam nyam sarang andam dayung re biranak.

JEREMIAH 30:6

Suba pikir? Bisa kah dari biranak? Mani meh garang Aku kiris barang naan dari pusat buang tama tain-i mun dayung adi re biranak?

JEREMIAH 4:31

Aku dingah sirŭŭn daya sien, sak dayung naman sarang andam re biranak, sirais sak dayung ruwan anak pinuai-i. Anŭ inŭh sien Jerusalem tarik apŭg asŭng-i, pakat tangan-i buang nang, “Mŭmbŭh inŭh aku! Ngara mandŭg re siŭ aku!”

JEREMIAH 48:41

ka kupo kupo ngga kuta kuta re dog sirabut. Di andu anŭ bara soldadu Moab re tikaran mun dayung naman sarang andam re biranak.

JEREMIAH 49:24

Daya Damascus dŭh dapŭd ndai ani ani ka mbŭh babak bu amai taru. Ngara mandam buang sangsara mun dayung adi aŭn ruwan anak-i.

JEREMIAH 50:43

Raja Babylonia dingah agah, ka mbŭh ramah amai taru. Ayŭh mbŭh darŭm susah, bada andam mun dayung naman adŭp-i re biranak.

EZEKIEL 7:17

Tangan barang naan daya re ramah, ka karŭb ngara re kimŭtŭr.

DANIEL 5:9

Darŭm susah jawin Raja Belshazzar bitambah pusat, ka bara pingibās-i mbŭh dŭh puan ani re ngara ndai.

HABAKKUK 3:16

Aku dingah sopŭrŭg-i, ka atin ku simadup; bibis ku kimŭtŭr amai taru. Pŭrŭng ganan ku ramah, ka kaja ku sikak darŭm aku panu. Aku re kajŭn andu anŭ mandŭg adi ngga Tapa ngukum ngara adi nyerang ata.

1 THESSALONICA 5:3

Kan daya nang, “Ati tika damai, ka mating ani ani pito,” nganŭ gŭh pinyusah re gŭgŭh timbur ka nyatŭk ngara! Pinyusah anŭ re nyirŭgŭh mandŭg keya ka dayung adi bite nyirŭgŭh naman sarang re biranak, ka mating daya re tungang pirupas adŭp-i so pinyusah anŭ.