JEREMIAH 6:20 - Hakcipta - Biatah Bidayuh

²⁰ Re Ku ngga mani kimanyan adi ngara taban so Sheba, bait rapah rapah so tarun tana adi jo? Aku dŭh re trima pinganggen ngara bait re munos asŭng di sadis ngara.

JEREMIAH 6:20 ပူးပေါင်းရင်းမြစ်များ

2 SAMUEL 15:12

Ka sitadŭn Absalom jugan sadis, ayŭh pait daya ka kupo Gilo bada bagan Ahithophel, ndi naan daya adi tukang pitayan yŭn Raja David. Pekat rawan raja mbŭh jadi rabis bake, ka bara pinunda Absalom mbŭh bitambah bagŭ.

1 RAJA 10:10

Ayŭh nggen di Raja Solomon pinganggen adi taban-i: mas adi mbŭh rabis so 4,000 kilogram ngga dudu rapah samŭn batuh brega. Kiang rapah adi ayŭh nggen di Solomon mbŭh raru bagŭ so anŭ adi ko Solomon trima tian-ti.

MAZMUR 40:6

Kaam dŭh raan sadis ngga sadis ruwang kayuh; Kaam dŭh mite dāng adi mŭrŭng dog badang di tunduh mija-sambah puan kah sadis adi ngga taran dosa. Pak, Kaam mbŭh nggen di aku kajit ngga dingah Kaam,

MAZMUR 66:3

Nang di Tapa, “Munki masam saruh kayuh adi Kaam ndai! Kuasa Mai inŭh raru bās ndŭg ka pinganyu Mai mutu darŭm taru di sirung jawin Mai.

PINYIRUAH 30:23

“Tambit rapah rapah adi siabo kana: 6 kilogram ju myrrh, 3 kilogram kurit kayuh adi buuh ramak, 3 kilogram tabuh wangi,

PITAS 15:8

TUHAN munos asŭng kan daya adi kana bidua, pak tiru di sadis adi daya ginaka taban ka Ayŭh.

PITAS 21:27

TUHAN tiru di sadis adi daya ginaka jugan, rabis-i kambŭi ngara jugan-i ngga pinŭtŭn adi sarah.

ISAIAH 1:11

Ayŭh nang, “Kuu pikir Aku raan sopŭrŭg sadis anŭ adi kuu pari pari jugan ka Aku? Aku mbŭh abah tia trima biri adi kuu badang ndu sadis, ka simŭnŭ gŭh ngga ramak dāng mu adi siabo gamu. Aku mbŭh reju di deya dari sapi, biri, ka kambing.

ISAIAH 60:6

Bara pinunggang onta re mandŭg, so Midian ngga Ephah. Ngara re mandŭg so Sheba, taban mas ngga kimanyan. Daya re kidaan agah kana pasar kayuh adi TUHAN mbŭh ndai!

ISAIAH 66:3

“Daya ndai urah ngga suka asŭng ngara. Sopŭrŭg-i brimun di ngara, bait-i ngara siŭ dari sapi ndu sadis puan kah nyadis manusia; bait-i ngara nyadis anak biri puan kah mata tungo kasong; bait-i ngara jugan sadis ruwang kayuh puan kah deya ayo; bait-i ngara jugan kimanyan puan kah nyambah tibudo. Ngara suka bisambah ngga gaya adi sipŭ mun anŭ.

JEREMIAH 14:10

TUHAN minyu pasar bara daya anŭ, “Ngara suka bu so Aku, ka ngara dŭh re an nakit jaga urah-i. Ngapŭi Aku dŭh munos asŭng di ngara. Aku re ingat pingandai sarah ngara ka ngukum ngara sabab dosa ngara.”

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

EZEKIEL 20:39

TUHAN Raja nang, “Ka madin, sopŭrŭg ngan daya Israel, ndai adŭ nanyam pinyiraan adŭp ngan! Nyambah tibudo ngan! Pak Aku bakan angān nang ripas anŭ angān re dŭh siŭn dŭh nundok di Aku ka dŭh tia nyembar adŭn kudus Ku ngga kraja ngan adi dŭh stabi di Aku, anŭ inŭh jugan pinganggen ngan ka tibudo ngan.

EZEKIEL 27:22

Daya dagang so Sheba ngga Raamah nggen di kuu batuh batuh brega, mas, ka rapah adi siabo kana ngga bayar kayuh kayuh dagang mu.

HOSEA 8:13

Ngara jugan sadis ka Aku ka man dagin so sadis anŭ. Pak Aku, adi TUHAN, dŭh munos asŭng di ngara, ka madin Aku re ingat dosa ngara ka ngukum ngara amai dosa ngara; Aku re pait ngara pari ka Egypt!

HOSEA 9:4

Di tarun tarun tana daya tami anŭ ngara re dŭh tungang jugan wain ka TUHAN, bait taban sadis ngara ka Ayŭh. Pinguman ngara re nyembar barang naan adi man-i, mun pinguman adi dog man di tika nyikubur; anŭ batur-i ngga pibisoh adŭ, dŭh siŭn dog taban ka dog jugan di Ramin TUHAN.

MALACHI 1:10

TUHAN Bisa-pŭrŭg nang, “Kana dŭ inŭh ndi naan so angān tŭŭp adŭ tiban Ramin Ku isa angān dŭh ndai apui adi dŭh biguna di tunduh mija-sambah Ku. Aku dŭh munos asŭng di angān; Aku dŭh re trima sadis sadis adi angān taban ka Aku.