JEREMIAH 6:15 - Hakcipta - Biatah Bidayuh

¹⁵ Mangŭh kah ngara ripas ngara ko ndai kayuh adi sipŭ anŭ? Dŭh, ngara taŭn dŭh mangŭh; raŭn ngara dŭh gŭh pandai marui bireh. Ngapŭi ngara re rabu mun ngara adi bŭkŭn adi mbŭh rabu. Kan Aku ngukum ngara, anŭ re pimungan ngara. Aku, adi TUHAN, mbŭh minyu.”

JEREMIAH 6:15 ပူးပေါင်းရင်းမြစ်များ

TIBIRIK 19:34

Ngga andu jawa, anak pinuai anŭ nang di sude-i, “Aku muko nyibŭŭs ngga ayŭh singumi. Ja ata bada ayŭh mabuk dinge ngarŭm ati, ka kuu nyibŭŭs ngga ayŭh, isa so-duwŭh ta dapŭd anak so ayŭh.”

PINYIRUAH 32:34

Panu madin, di nguru bara daya anŭ ka tarun adi muko Aku kidaan di kuu. Ingat malaikat Ku re agi nguru angān, pak tipuh re mandŭg kan Aku re ngukum ngara amai dosa ngara.”

PITAS 29:1

Kambŭi kuu bitambah baking tiap kari kuu dog nyara, agi andu kuu re binasa ka re dŭh dapŭd makat.

ISAIAH 10:4

Angān re dog siŭ darŭm perang, puan kah dog batak jadi daya-takap. Pak sunggu mŭnŭ, baji TUHAN dŭh re ko; Ayŭh babŭ pakat tangan-I re ngukum.

ISAIAH 3:9

Pinganang ngara re dog adŭp ngara. Ngara ndai dosa ngga dŭh bisukan mun daya Sodom. Ngara mbŭh taban pinyirusag bada nyatŭk adŭp ngara.

JEREMIAH 14:15

Aku, adi TUHAN, kidaan di kuu kayuh adi re Ku ndai di tunduh bara nabi anŭ adi Aku bŭn pait pak adi mbŭh minyu ngga adŭn Ku nang perang ngga udip sikirau dŭh re nyatŭk tarun tana ati. Aku re siŭ ngara pakai perang ngga udip sikirau.

JEREMIAH 18:23

Pak, TUHAN, Kaam puan sopŭrŭg pekat ngara, an siŭ aku. Dŭhnyah apun arap ngara bait apun dosa ngara. Tandah ngara arah ka ngukum ngara darŭm Kaam baji.”

JEREMIAH 23:12

Aran adi ngara kadŭg re jarŭh ka karŭm; Aku re bada ngara sikak sikakong ka rabu. Aku re taban pinyirusag bada nyatŭk ngara; tika ukum ngara mbŭh sindŭk. Aku, adi TUHAN, mbŭh minyu.

JEREMIAH 3:3

Anŭ meh sabab andu dŭh ujen, ka ujen di tipuh bunga dŭh mandŭg. Kuu tanŭ ka mbŭh mun dayung sundar; dŭh biyŭn mangŭh.

JEREMIAH 44:10

Pak ndŭg andu ati angān gi-mating pirapat adŭp ngan. Angān gi-mating stabi di Aku bait udip nanyam ka sopŭrŭg ukum-adat adi Aku mbŭh nggen di angān ka di tayung-babuk ngan.

JEREMIAH 5:29

“Pak Aku, adi TUHAN, re ngukum ngara amai kayuh kayuh anŭ; Aku re maras dendam di tunduh bangsa ati.

JEREMIAH 5:9

Re dŭh kah Aku ngukum ngara amai sopŭrŭg anŭ ka maras dendam di bangsa adi mun anŭ?

JEREMIAH 8:12

Daya Ku, mangŭh kah angān ripas angān ndai kayuh adi sipŭ anŭ? Dŭh, angān manŭn dŭh mangŭh; raŭn ngan dŭh gŭh pandai marui bireh! Ngapŭi angān re rabu mun ngara adi bŭkŭn mbŭh rabu; kan Aku ngukum angān, anŭ re pimungan ngan. Aku, adi TUHAN, mbŭh minyu.

JEREMIAH 8:9

Bara daya ngan adi bijak mbŭh dog pimangŭh; ngara mbŭh riruk buang dŭh dapŭd nang ani ani. Ngara tirawan pinganang Ku; ani meh pinyibijak ngara madin?

EZEKIEL 13:14

Aku re nyirubuh sindung adi ngara chat, ka re mapar-i ndŭg ka batuh batuh pinagap rasan-i tatŭng. Sindung anŭ re rubuh ka siŭ sopŭrŭg ngan. Komŭnŭ barang naan daya re puan nang Aku ati TUHAN.

EZEKIEL 2:4

Ngara baking ka dŭh stabi di Aku, ngapŭi Aku pait kuu bada kidaan di ngara kayuh adi Aku, adi TUHAN Raja, nang di ngara.

EZEKIEL 24:7

Darŭm kupo anŭ agi daya dog siŭ, pak deya-i dŭh babas di tana di yŭn-i bisa dog sukan dapu; deya anŭ babas di tunduh batuh.

HOSEA 4:5

Sandu singarŭm angān ndai sarah, ka bara nabi mun angān gŭh. Aku re pirabur Israel, sindŭ ngan.

HOSEA 9:7

Tika ngga ngukum mbŭh mandŭg, tika adi ngga daya trima baras yŭn kayuh adi mbŭh ngara ndai. Kan-i mbŭh jadi simŭnŭ, daya Israel re puan! “Nabi ati,” angān nang, “inŭh budo. Daya ati adi dog pait Tapa inŭh gira.” Angān ruai tiru di aku sabab dosa ngan mbŭh raru bagŭ.

MICAH 3:6

“Bara nabi, pinŭbŭn pimudip ngan mbŭh sindŭk; di angān andu re jadi karŭm. Sabab angān kinanyap daya Ku, angān re dŭh tia kiris kayuh keya ka darŭm pŭmŭh, ka angān re dŭh dapŭd ninjau tadŭ tadŭ kayuh.”

MICAH 7:4

Ngara adi siabo kana ngga adi siabo tŭnggŭn babŭ gŭh dŭh biguna mun uduh. Andu mbŭh mandŭg adi ngga Tapa re ngukum daya, sak adi muko-I bakan so baba bara nabi-I adi keya ka tukang nyibatŭh. Ngara madin mbŭh kandang-kandŭ riruk.

ZEPHANIAH 2:1

Ngubah adŭp ngan, angān bangsa adi dŭh mangŭh,

ZEPHANIAH 3:5

Pak TUHAN babŭ darŭm kupo anŭ; Ayŭh ndai kayuh adi batur ka bŭn-i kayuh adi sarah. Barang isan Ayŭh natu adŭp-I pimanu pinyitŭnggŭn yŭn daya-I. Pak daya adi dŭh tŭnggŭn diginŭ ngandŭ ndai sarah ka dŭh biyŭn mangŭh.

ZECHARIAH 13:4

Kan tika anŭ mbŭh mandŭg, mating nabi re ngangŭn kayuh adi-i kiris keya ka darŭm pŭmŭh, bait ndai adŭp-i bada mun nabi, puan kah nēn piraka nabi adi piburuh ngga-i nipu daya.

MATTHEW 15:14

“Dŭhnyah piduri ngara! Ngara anŭ pinguru adi karak yŭn bara adi karak; kan ndi naan daya karak kayak ndi naan daya karak, soduwŭh-i re rabu darŭm parit.”

PHILIPPI 3:19

Pinŭbŭn pimudip daya adi mun anŭ taŭn-i di neraka, sabab tapa ngara inŭh pŭrŭng adŭp ngara. Ngara mingangŭn di kayuh adi ngara patut mangŭh ngarun, buang bipikir di kayuh ong adŭ.