JEREMIAH 52:18 - Hakcipta - Biatah Bidayuh

¹⁸ Ngara taban ngga bu gŭh sanduk sanduk ka bŭrŭh ŭbŭ adi dog pakai di tika pibisig mija-sambah, pingakas adi ngga sita prita, makuk adi dog pakai ngga taŭ deya so sadis, ka makuk yŭn badang kimanyan, ka sopŭrŭg pimakai adi bŭkŭn adi dog ndai so timaga, adi dog pakai ngga bisambah di Ramin TUHAN.

JEREMIAH 52:18 ပူးပေါင်းရင်းမြစ်များ

1 RAJA 7:40

Huram agi gŭh ndai dudu priok, sanduk, ka makuk. Ayŭh kubo ndai kraja-i yŭn Raja Solomon yŭn Ramin TUHAN. Jadi ati inŭh kayuh adi muko-i ndai: Duwŭh tiang bās Duwŭh ubak tiang adi mun makuk di tibung tiang tiang bās Butik adi birasŭk rasŭk mun parik basi di ubak ubak soduwŭh tiang bās anŭ 400 buwa delima timaga, di duwŭh baris, siratus darŭm ndi baris, kirurung butik di barang ubak tiang tiang bās Simŭng krita timaga Simŭng tibande sambong Ndi tong Simŭng duwŭh dari sapi timaga adi yŭn sangan tong anŭ Dudu priok, sanduk, ka makuk Sopŭrŭg pingakas anŭ yŭn Ramin TUHAN, adi Huram ndai yŭn Raja Solomon, mbŭh timaga adi muko nakit dog pijarŭh.

1 RAJA 7:50

saker, pimura prita, makuk, pinggen adi yŭn na kimanyan, ka tipaku adi dog pakai ngga taban bam apui; ka tieng tiban Yŭn adi Siabo Kudus ka tiban parad ka sapa Ramin TUHAN. Sopŭrŭg pingakas anŭ dog ndai so mas.

1 KRONIKEL 28:17

Ayŭh ngajar gŭh kiang-ki tigŭrŭ mas an dog pakai ngga ndai sirapang, makuk, ka tipayan, ka kiang-ki pirak ngga mas ngga ndai pinggen,

2 KRONIKEL 4:11

Huram gŭh ndai priok, sanduk, ngga makuk. Ayŭh ngamas ndai sopŭrŭg kayuh ati adi-i mbŭh bijanji ngga Raja Solomon an ndai yŭn Ramin TUHAN: Duwŭh tiang bās. Duwŭh ubak adi mun makuk di tibung tiang tiang bās anŭ. Butik adi birasŭk rasŭk mun parik basi di ubak ubak soduwŭh tiang bās anŭ. 400 buwa delima timaga dog ngatur duwŭh baris kirurung butik di barang ubak tiang tiang bās. Simŭng krita timaga. Simŭng sambong. Tong. Simŭng duwŭh dari sapi adi yŭn sangan tong anŭ. Dudu priok, sanduk, ka sirapang. Huram ndai sopŭrŭg kayuh anŭ so timaga adi ko dog ngusu so pinyibada Raja Solomon, yŭn pakai di Ramin TUHAN.

2 KRONIKEL 4:22

pimura prita, makuk, pinggen yŭn kimanyan, ka tipaku ngga taban bam apui. Sopŭrŭg kayuh anŭ dog ndai so tigŭrŭ mas. Tura ka sapa tiban Ramin TUHAN ngga tiban tiban Yŭn adi Siabo Kudus dog nurap ngga mas.

PINYIRUAH 25:29

Ndai pinggen, saker, gabuk, ka makuk adi re dog pakai yŭn sadis wain. Sopŭrŭg pimakai anŭ an dog ndai so tigŭrŭ mas.

PINYIRUAH 25:38

Ndai dudu satip ka par par-i so tigŭrŭ mas.

PINYIRUAH 27:3

Ndai priok yŭn na apŭk adi pirinyo, ndai sanduk, makuk, sikait, ka tipaku apui. Sopŭrŭg pingakas ati an dog ndai so timaga.

PINYIRUAH 37:16

Ayŭh ndai so tigŭrŭ mas pinggen, saker, tipayan ka makuk yŭn sadis wain.

PINYIRUAH 37:23

Ayŭh ndai ju prita yŭn ndi rika prita anŭ, ka-i ndai gŭh dudu satip ngga par par so tigŭrŭ mas.

PINYIRUAH 38:3

Ayŭh ndai gŭh sopŭrŭg pingakas mija-sambah anŭ: priok, sanduk, makuk, sikait, ka tipaku tipaku apui. Sopŭrŭg pingakas pingakas anŭ dog ndai so timaga.

PINYIKIANG 4:14

Ngara siŭn na di tunduh-i sopŭrŭg pingakas adi dog pakai di tika simayang: tipaku apui, sikait, sanduk, ka sambong. Komŭnŭ ngara siŭn nutu-i ngga birurang adi duduh ka kasŭk pinawid dieh.

PINYIKIANG 4:7

Ngara siŭn mamad banang biru di tunduh mija anŭ yŭn na ruti adi dog jugan ka TUHAN, ka na dieh kada pinggen, makuk makuk kimanyan, makuk makuk adi ngga jugan pinganggen, ka sapang sapang yŭn sadis wain. Ruti an ari agi di tunduh mija anŭ.