JEREMIAH 51:62 - Hakcipta - Biatah Bidayuh

⁶² Komŭnŭ bidua, ‘TUHAN, Kaam mbŭh nang Kaam an pirabur tarun ati, isa mating kayuh udip dog dapŭd dieh, bait-i manusia puan kah dāng, ka-i re jadi mun tarun tana-pajam adu adu.’

JEREMIAH 51:62 ပူးပေါင်းရင်းမြစ်များ

JEREMIAH 25:12

Ripas anŭ Aku re ngukum Babylonia ngga raja-i amai dosa ngara. Aku re pirabur rais anŭ ka bada-i jadi tibawang adu adu.

JEREMIAH 25:9

‘Aku re bagan sopŭrŭg daya di utara samŭn urun Ku, Raja Nebuchadnezzar so Babylonia. Aku re bada ngara rawan Judah ngga sopŭrŭg adi rŭŭ dieh samŭn bangsa bangsa adi rŭŭ maning-i. Aku re pirabur bangsa ati samŭn ngara adi maning-i ka tandah-i adu adu jadi tibawang. Anŭ re kayuh adi sipŭ ka adi gŭgŭh daya kiris. Aku, adi TUHAN, mbŭh minyu.

JEREMIAH 33:12

TUHAN Bisa-pŭrŭg nang, “Di tarun tana ati adi mun tarun tana-pajam ka di yŭn mating daya bait dāng rŭŭ dieh, re pari agi tarun tana kupai di yŭn pingingat-biri taban kaban biri-i.

JEREMIAH 50:12

pak kupo bās adŭp ngan anŭ re dog pirinda ka dog ngamun. Babylonia re jadi bangsa adi siabo dŭh biguna; ka-i re jadi tarun tana-pajam adi dŭh biyŭn piin.

JEREMIAH 50:13

Sabab baji Ku mating daya re rŭŭ di Babylon; Babylon re dog tingge nyibawang, ka sopŭrŭg adi murah-i re gŭgŭh ka inga inga.

JEREMIAH 50:3

“Ndi bangsa so utara mbŭh mandŭg di nyerang Babylonia ka re bada-i jadi tarun tana-pajam. Daya ngga dāng dāng re bikaduh bu, ka mating daya re rŭŭ diginŭ.”

JEREMIAH 51:29

Ong bigagar ka bigŭgŭs sabab TUHAN mbŭh taban atur-i ngga bada Babylonia jadi tarun tana-pajam, di yŭn daya mating rŭŭ.

JEREMIAH 51:37

Rais anŭ re jadi tugung rakang tibawang di yŭn dāng tarun rŭŭ. Rais anŭ re jadi kayuh adi tikŭnŭd daya kiris; mating daya re rŭŭ diginŭ, ka sopŭrŭg adi kiris-i re taru.

JEREMIAH 51:43

Kupo kupo mbŭh jadi kayuh adi tikŭnŭd daya kiris ka mbŭh keya ka tarun tana-pajam adi dŭh biyŭn piin, di yŭn daya mating rŭŭ bait bigandon dieh.

JEREMIAH 51:61

Aku kidaan di Seraiah, “Kan kuu mbŭh ndŭg Babylonia, dŭhnyah dŭh basa sopŭrŭg kayuh adi mbŭh dog nuris darŭm surat ati.

EZEKIEL 35:9

Aku re bada kuu adu adu matung, ka mating daya re rŭŭ di kupo mu dinge. Nŭ kuu re puan nang Aku ati TUHAN.