JEREMIAH 51:5 - Hakcipta - Biatah Bidayuh

⁵ Aku, adi TUHAN Tapa Bisa-pŭrŭg, bŭn tagan Israel ngga Judah, sunggu ngara mbŭh bidosa rawan Aku, adi Tapa Kudus Israel.

JEREMIAH 51:5 ပူးပေါင်းရင်းမြစ်များ

1 RAJA 6:13

Aku re rŭŭ di ruang daya Ku Israel darŭm Ramin adi kuu pijog ati, ka Aku dŭh re tagan ngara.”

2 RAJA 21:16

Manasseh siŭ bagŭ daya adi dŭh sarah ndŭg ka aran aran di Jerusalem mbŭh puno ngga deya; ayŭh ndai simŭnŭ buang-i taban daya Judah nyambah tibudo, ngga bada ngara bidosa rawan TUHAN.

EZRA 9:9

Kieh ko jadi urun, pak Kaam dŭh tingge kieh darŭm pimudip urun. Kaam bada raja-empaya Persia kana ngga kieh ka nyibandar kieh pijuu pimudip ami ka pari pijog Ramin Mai, adi mbŭh rubuh, ka dapŭd pinyigrindung digiti di Judah ngga di Jerusalem.

MAZMUR 94:14

TUHAN dŭh re tagan daya-I; Ayŭh dŭh re tingge ngara adi Ayŭh dapu.

ISAIAH 44:21

TUHAN nang, “Israel, ingat ati; ingat adŭp ngan inŭh urun Ku. Aku napa angān bada jadi urun Ku, ka Aku dŭh re kambŭt angān.

ISAIAH 51:15

“Aku ati TUHAN adi Tapa ngan; Aku adi kiruyok rawŭt ka bada girumbang-i magā. Adŭn Ku inŭh TUHAN Bisa-pŭrŭg!

ISAIAH 62:12

Angān re dog kadŭn “Daya adi Kudus”, “Daya adi Tapa mbŭh nyiramat”. Jerusalem re dog kadŭn “Kupo adi Tapa Rindu”, “Kupo adi Tapa dŭh tagan”.

JEREMIAH 14:19

TUHAN, Kaam mbŭh batur batur tirawan Judah kah? Kaam tiru di daya Zion kah? Mani Kaam bandar bandar kijera kieh ndŭg ka kieh dŭh dapŭd dog pibua? Kieh jiroh damai, pak mating dapŭd ami; kieh harap adŭp ami dog pibua, pak adi agi kaŭs-i pinyitaru.

JEREMIAH 14:9

Mani Kaam mun daya adi gŭgŭh, mun soldadu adi dŭh biyŭn kuasa ngga turung? Sawŭ, TUHAN, Kaam agi ngga kieh! Kieh inŭh daya Mai; dŭhnyah tagan kieh.’ ”

JEREMIAH 16:18

Aku re bada ngara tanggong dosa ngga udip ginaka ngara duwŭh rupet, sabab ngara mbŭh nyembar tarun tana Ku ngga tibudo adi dŭh udip, mun tadang, ka mbŭh ngisi-i ngga tapa tapa kadong.”

JEREMIAH 19:4

Aku re ndai simŭnŭ sabab daya mbŭh tagan Aku ka mbŭh nyembar tarun ati ngga kraja ngara adi jugan sadis ka tapa tapa bŭkŭn; tapa tapa adi dŭh ngara bait tayung-babuk ngara, bait raja raja Judah puan. Ngara mbŭh ngisi tarun ati ngga deya daya adi dŭh sarah,

JEREMIAH 23:15

“Ngapŭi meh, ati inŭh kayuh adi Aku, adi TUHAN Bisa-pŭrŭg, nang pasar bara nabi di Jerusalem: Aku re nggen di ngara pimuruh adi pa'it bada ngara man ka rasun ndu piin nok, sabab ngara mbŭh bada sopŭrŭg daya di ndi tarun tana rais dŭh tŭtŭd di Aku.”

JEREMIAH 31:37

Kambŭi rangit dapŭd dog ngŭkŭd ka pimŭnŭs ong dog puan, nganŭ adŭ meh Ayŭh re tirawan daya Israel sabab sopŭrŭg pingandai ngara. TUHAN, mbŭh minyu.

JEREMIAH 46:28

Aku re mandŭg ka angān ka nyiramat angān. Aku re pirabur sopŭrŭg bangsa adi yŭn Ku mbŭh bada angān papar sasah, pak Aku dŭh re pirabur angān. Aku dŭh re tandah angān dŭh dog ukum; pak kan Aku ngukum angān, Aku ngukum angān ngga pinyitŭnggŭn. Aku, adi TUHAN, mbŭh minyu.”

JEREMIAH 50:20

Di tika anŭ, dosa re mating tia dog dapŭd di Israel, ka mating tia udip ginaka di Judah, sabab Aku re apun ngara adi Aku mbŭh nyiramat. Aku, adi TUHAN, mbŭh minyu.”

JEREMIAH 51:19

Tapa Jacob dŭh mun ngara; Ayŭh inŭh sianŭ adi ndai sopŭrŭg kayuh, ka Ayŭh mbŭh mien Israel bada jadi daya yŭn adŭp-I. TUHAN Bisa-pŭrŭg inŭh adŭn-I.

EZEKIEL 8:17

TUHAN nang di aku, “Manusia, kiris mu kah anŭ? Bara daya Judah ati dŭh puas asŭng ndai anŭ adi kuu kiris tejah samŭn pingandai ganas di ndi tarun tana rais. Tanŭ kah ngara dŭh siŭn dŭh mandŭg ka ndai-i digiti darŭm Ramin Ku ka bada Aku rabis baji. Tingga munki masam ngara pimangŭh Aku ngga pingandai adi raru sipŭ anŭ!

EZEKIEL 9:9

Tapa nam, “Daya Israel ngga Judah mbŭh ndai dosa adi raru bās. Ngara inŭh pinyiŭ ka mbŭh ngisi Jerusalem ngga pingandai adi sarah. Ngara nang Aku, adi TUHAN, mbŭh tagan rais ngara ka nang Aku dŭh kiris ngara.

HOSEA 1:10

Daya Israel re mun sumat di rawŭt, rabis so tungang dog mirang bait dog ngŭkŭd. Madin Tapa nang di ngara, “Angān dŭh daya Ku,” pak andu-i re mandŭg adi ngga Ayŭh re nang di ngara, “Angān inŭh bara anak Tapa adi udip!”

HOSEA 2:1

Ka bagan meh dingan ngan adi samah daya Israel “Daya Tapa” ka “Anak-nyirot-TUHAN”.

HOSEA 2:3

Kambŭi dŭh, Aku re pirukos piraka-i isa ayŭh sitabet mun di andu ayŭh dog biranak. Aku re bada ayŭh mun tana adi badŭh ka matung, ka ayŭh re kabŭs badŭh asŭng.

HOSEA 4:1

TUHAN nyarah daya adi rŭŭ di tarun tana ati. Dingah Israel, kayuh adi-I nang, “Mating pinyitŭtŭd bait kah pinyirindu di tarun tana ati, ka daya dŭh ngaku Aku ati Tapa.

HOSEA 4:2

Ngara ndai janji ka miranggar-i; ngara kadong, siŭ daya, naku, ka bikandak. Sarah adi barang ka mun-i bitambah, ka birijut adŭ daya dog siŭ.

MICAH 7:18

Mating tapa bŭkŭn mun Kaam, O TUHAN. Kaam apun dosa daya Mai adi babŭ udip. Kaam dŭh adu adu baji, pak Kaam raan dŭ kiren pinyirindu Mai adi dŭh bisa birubah.

MICAH 7:20

Kaam re kiren pinyitŭtŭd ngga pinyirindu Mai adi dŭh bisa birubah di daya Mai, bara sesang Abraham ngga Jacob, nimun adi muko Mai janji di tayung-babuk ami jah.

ZECHARIAH 12:6

“Di tika anŭ Aku re bada manak Judah mun apui di tuān bait mun apui di ŭmŭh gandom adi mbŭh masak. Ngara re pirabur sopŭrŭg bangsa adi maning ngara. Daya Jerusalem re siramat darŭm kupo.

ZECHARIAH 12:8

Di tika anŭ TUHAN re grindung ngara adi rŭŭ di Jerusalem, ka ngara adi siabo ramah di dupan ngara re jadi bake mun David gŭh. Sesang sesang David re nguru ngara mun adi dog nguru malaikat TUHAN, ka mun adi dog nguru adŭp Tapa.

ZECHARIAH 2:12

Daya Judah re pari jadi rata bās TUHAN di tarun tana kudus-I, ka Jerusalem re jadi kupo adi-I siabo rindu.

1 SAMUEL 12:22

TUHAN mbŭh bipayu, ka Ayŭh dŭh re tagan angān, amai Ayŭh mbŭh natu re bada angān jadi daya-I.