JEREMIAH 51:45 - Hakcipta - Biatah Bidayuh

⁴⁵ Daya Israel, bikaduh bu so nŭ! Bikaduh bu ka nyiramat adŭp ngan so bisā baji Ku.

JEREMIAH 51:45 ပူးပေါင်းရင်းမြစ်များ

ISAIAH 48:20

Ruah so Babylon, pirupas adŭp ngan! Piagah agah anŭ ngga sirais gaŭn; bada-i dog dingah di barang yŭn: “TUHAN mbŭh nyiramat urun-I Israel!”

JEREMIAH 50:28

(Bara daya adi bu mangān adŭp-i dog siŭ di Babylonia ka mandŭg ka Jerusalem, ka ngara kidaan munki TUHAN adi Tapa ta mbŭh maras kayuh adi daya Babylonia mbŭh ndai di Ramin TUHAN.)

JEREMIAH 50:8

“Daya Israel, bikaduh bu so Babylonia! Tingge rais anŭ! Jadi daya adi sibungas bu so nŭ!

JEREMIAH 51:50

TUHAN nang di daya-I di Babylonia: “Angān mbŭh rupas so dog siŭ! Madin bu meh! Dŭhnyah nyikite! Sunggu angān jo so yŭn adŭp ngan, ingat Aku, adi TUHAN ngan, ka ingat Jerusalem.

JEREMIAH 51:6

Bikaduh bu so Babylonia! Nyiramat adŭp ngan! Dŭhnyah bada adŭp ngan dog siŭ sabab dosa Babylonia. Aku madin maras dendam ka ngukum-i amai kayuh adi mbŭh-i ndai.

JEREMIAH 51:9

Daya tami adi rŭŭ diginŭ nang, ‘Kieh suba turung Babylonia, pak-i mbŭh rambat. Ja bu madin ka pari ka rais adŭp ta. Tapa mbŭh bandar bandar ngukum Babylonia ka mbŭh pirabur-i ndŭg ka rŭpŭg.’ ”

PINYIKIANG 16:26

Ayŭh nang di bara daya, “Bu jo so bari bari daya ati adi ginaka ka dŭhnyah tama tadŭ tadŭ kayuh adi ngara dapu. Angān sua dog pirabur ngga ngara rai-i sitagar dosa ngara.”

PINGANDAI 2:40

Ka ngga bagŭ bang bang piminyu adi bŭkŭn ayŭh ngajar, ngatat ngara, “Nyiramat adŭp ngan so ukum adi re nyatŭk turap adi ginaka ati!”

2 CORINTH 6:17

Tuhan ko gŭh nang, “Angān dŭh siŭn dŭh bu ka nyibarai adŭp ngan so ngara. Dŭhnyah bigaur ngga kayuh adi kais, ka Aku re trima angān.

PINANDŬNG 18:4

Komŭnŭ aku dingah dinge sirŭŭn so shorga, nang, “Ruah meh, bara daya Ku! Ruah so ayŭh! Angān dŭh siŭn sua ndai dosa adi-i ndai; dŭh angān patut sua dog ukum ngga ayŭh!