JEREMIAH 51:34 - Hakcipta - Biatah Bidayuh

³⁴ Raja Babylonia ko natad Jerusalem ka man-i. Ayŭh kangan kupo mun kangan tipayan; mun raja dāng ayŭh tŭrŭn-i. Ayŭh tambit kayuh adi-I raan ka taran adi bŭkŭn.

JEREMIAH 51:34 ပူးပေါင်းရင်းမြစ်များ

JOB 20:15

Daya ginaka nguta pinyikaya adi ngara naku; Tapa tambit-i, samŭn anŭ adi darŭm tain ngara.

MAZMUR 74:13

Ngga pinyibake bās Mai Kaam mbŭh mire nyinuwŭh rawŭt ka mape ubak dāng dāng-bās di rawŭt;

PITAS 1:12

Ngara udip buang bua sanang kan ata dapŭd ngara, pak ngara re kabŭs ripas ata nyiraja ngara!

ISAIAH 34:11

Manuk bo ngga manuk kak re rŭŭ di tarun tana anŭ. TUHAN re bada-i pari mun tana au-tarun nimun anŭ adi sibayuh-i dog napa.

ISAIAH 42:22

Pak madin daya-I mbŭh dog pirinda; ngara dog kurung darŭm gerok ka dog sukan darŭm jer. Ngara dog mirupak ka dog pirinda, ka mating daya nyiramat ngara.

JEREMIAH 50:17

TUHAN nang, “Daya Israel mbŭh keya ka biri, adi dog tadak singah ka mbŭh basak basik. Sibungas-i, ngara dog nyerang raja-empaya Assyria, ka komŭnŭ Raja Nebuchadnezzar so Babylonia mapa turang ngara.

JEREMIAH 50:7

Ngara dog nyerang tadŭ tadŭ daya adi kiris ngara. Pinganyu ngara nang, ‘Ngara bidosa rawan TUHAN, ngapŭi kayuh adi ata ndai inŭh dŭh sarah. Tayung-babuk ngara sabah di TUHAN, ka adŭp ngara patut bijijŭ tŭtŭd di Ayŭh.’

JEREMIAH 51:44

Aku re ngukum Bel, adi tapa Babylonia, ka bada ayŭh nggen pari kayuh adi-i ko naku. Bangsa bangsa re dŭh tia nyambah ayŭh. “Sindung Babylon mbŭh rubuh.

JEREMIAH 51:49

Babylonia inŭh adi bada daya di ndi ong ong kabŭs, ka madin Babylonia re rabu sabab-i bada raru bagŭ daya Israel kabŭs. Aku, adi TUHAN, mbŭh minyu.”

PUĀS 1:1

Munki masam maput-i Jerusalem, adi ko dawŭ-i puno ngga daya! Ko dawŭ-i dog stabi ndi ong ong, pak madin mbŭh mun dayung uban; kupo kupo adi ko bibragah madin mbŭh mun urun.

PUĀS 2:16

Sopŭrŭg pinganyu mu napat kuu ka nyitŭrŭng kuu ngga tiru. Ngara nyikube buang nyirimbe, “Ata mbŭh pirabur-i! Ati inŭh andu adi ata kajŭn!”

EZEKIEL 36:3

“Minyu-binabi, ka komŭnŭ, nggen puan kayuh adi Aku, adi TUHAN Raja, nang. Kan bangsa bangsa adi sindŭk sirabut ka pirinda darŭd darŭd Israel, sopŭrŭg ngara ngamun Israel.

HOSEA 8:8

Israel mbŭh jadi keya ka bangsa bŭkŭn ka mbŭh dŭh biguna mun priok adi pape.

AMOS 8:4

Dingah, angān adi bidigang di daya adi dŭh biyŭn kayuh ka suba an pirabur daya adi sirata darŭm rais.

NAHUM 2:2

(TUHAN re pari bragah Israel, bada mun adi dawŭ-i sibayuh pinganyu pirinda-i.)

MATTHEW 23:13

“Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān nagah daya kinyam Pinyipritah Tapa. Dŭh-i angān abah kinyam Pinyipritah Tapa adŭ, pak angān nagah daya adi gruwŭn an kinyam-i. [