JEREMIAH 50:9 - Hakcipta - Biatah Bidayuh

⁹ Aku re kies ndi tibaran bangsa bangsa adi bake di utara ka bada ngara nyerang Babylonia. Ngara re birisang rawan rais anŭ ka ngarah-i. Ngara anŭ pingasū adi sukup pandai, nimbak reja-panah adi bŭn aset.

JEREMIAH 50:9 ပူးပေါင်းရင်းမြစ်များ

2 SAMUEL 1:22

Bawŭh panah Jonathan ko raru bisā-i, pedang Saul ko dŭh biyŭn pinyirasi, japa daya adi bake, siŭ pinganyu.

RAGU 3:8

Sopŭrŭg ngara pandai birawan pakai pedang; ngara mbŭh jadi bake buang sukup pandai so ari biperang. Barang naan ngara biyŭn pedang, bijaga ka sidia yŭn serang singarŭm.

ISAIAH 21:2

Aku mbŭh kiris keya ka darŭm pŭmŭh kayuh adi raru bisā, pasar tipu ka pasar pinyirusag. Bara tibaran soldadu Elam, nyerang! Bara tibaran Media, nyikapung kupo kupo anŭ! Tapa re bada mungan udip sangsara adi dog ndai Babylon.

ISAIAH 41:25

“Aku mbŭh mien ndi naan daya so timor; Aku re taban ayŭh ngga nyerang so tura ka utara. Ayŭh re bidigang di bara pimritah mun bidigang di tawang, mun tukang priok bidigang di tana-riyat.

JEREMIAH 15:14

Aku re bada ngara bituan di bara pinganyu ngara di tarun tana adi dŭh ngara puan, sabab baji Ku mbŭh keya ka apui adi bijagu adu adu.”

JEREMIAH 25:14

Aku re maras daya Babylonia yŭn kayuh adi ngara mbŭh ndai, ka bagŭ bangsa ngga raja raja adi bās re bada ngara jadi urun.’ ”

JEREMIAH 50:14

“Bara adi sukup pandai nimbak reja-panah, birisang meh yŭn re rawan Babylon ka kirurung-i. Nimbak sopŭrŭg reja-panah ngan ka Babylon, sabab-i mbŭh bidosa rawan Aku, adi TUHAN.

JEREMIAH 50:21

TUHAN nang, “Nyerang daya Merathaim ka daya Pekod. Siŭ ka pirabur ngara. Ndai sopŭrŭg kayuh adi Aku pesan di angān. Aku, adi TUHAN, mbŭh minyu.

JEREMIAH 50:26

Nyerang-i so barang parad ka kuka tarun tarun adi yŭn gandom dog nyikŭn! Nugung kayuh sirapas bada mun tugung gandom! Pirabur kupo! Dŭhnyah kidŭm ani ani!

JEREMIAH 50:29

“Kidaan di bara soldadu adi tukang nimbak reja-panah bada nyerang Babylon. Tijuan barang naan daya adi pandai pakai bawŭh ngga reja-panah. Nyikapung kupo anŭ ka dŭhnyah bada tadŭ daya ruah. Maras di tunduh-i sopŭrŭg kayuh adi muko-i ndai, ka ndai di tunduh-i nimun-i mbŭh ndai di tunduh daya bŭkŭn, sabab-i mbŭh ndai simŭnŭ ngga atin gambung rawan Aku, adi Kudus yŭn Israel.

JEREMIAH 50:3

“Ndi bangsa so utara mbŭh mandŭg di nyerang Babylonia ka re bada-i jadi tarun tana-pajam. Daya ngga dāng dāng re bikaduh bu, ka mating daya re rŭŭ diginŭ.”

JEREMIAH 51:11

TUHAN mbŭh kies atin raja raja di Media, sabab Ayŭh raan pirabur Babylonia. Simŭnŭ inŭh Ayŭh maras dendam yŭn pinyirusag Ramin-I. Bara pingubak soldadu adi nyerang pesan, “Ngasa reja-panah ngan! Sidia pinangin ngan!