JEREMIAH 50:44 - Hakcipta - Biatah Bidayuh

⁴⁴ “Mun singah ruah so tuān adi tabar di arong Yang Jordan di ka tarun tana kupai, Aku, adi TUHAN, re mandŭg ka bada daya Babylonia nyirŭgŭh bikaduh bu so kupo ngara. Komŭnŭ pinguru adi Aku mien re mritah bangsa anŭ. Asi dapŭd dog danding ngga Aku? Asi dapŭd natang Aku? Pimritah adi munki dapŭd nyakar Aku?

JEREMIAH 50:44 ပူးပေါင်းရင်းမြစ်များ

ISAIAH 46:11

Aku bagan ndi naan daya bada mandŭg so timor; ayŭh re nyambar mun beuh ka pijadi kayuh adi Aku muko ngatur. Aku mbŭh minyu, ka-i dŭh re dŭh dog ndai.

ISAIAH 46:9

Ingat kayuh adi mbŭh jadi ndun jah; ngaku meh Aku sadi adŭ adi Tapa ka mating adi bŭkŭn mun Aku.

ISAIAH 43:10

“Daya Israel, angān inŭh saksi Ku; Aku mien angān bada jadi urun Ku, isa angān puan Aku ka sabah di Aku ka mirati Aku sadi adŭ adi Tapa. Ripas so Aku mating tapa adi bŭkŭn; mbŭh mating ka taŭn re mating.

ISAIAH 41:25

“Aku mbŭh mien ndi naan daya so timor; Aku re taban ayŭh ngga nyerang so tura ka utara. Ayŭh re bidigang di bara pimritah mun bidigang di tawang, mun tukang priok bidigang di tana-riyat.

ISAIAH 40:25

Asi dapŭd ata danding ngga Tapa kudus? Agi kah adi mun Ayŭh?

MAZMUR 89:6

Mating adi bŭkŭn di rangit re brimun ngga Kaam, TUHAN; mating malaikat di shorga re tungang dog danding ngga Kaam.

PINYIRUAH 15:11

“TUHAN, asi adi dupan bara tapa re mun Kaam? Asi re mun Kaam, bibragah buang kudus? Asi re bisa ndai pingandai-nginga ka pingandai bās mun jamai?

JEREMIAH 25:38

TUHAN mbŭh tagan daya-I mun singah tagan rubang-i. Pinyisipŭ perang ngga baji TUHAN mbŭh bada rais ati marui jadi tarun tana-pajam.

ISAIAH 40:18

Asi dapŭd ata danding ngga Tapa? Dapŭd kah angān kidaan munki Ayŭh?

MAZMUR 89:8

TUHAN Tapa Bisa-pŭrŭg, mating adi bŭkŭn adi bikuasa mun Kaam; darŭm sopŭrŭg kayuh Kaam inŭh tŭtŭd, O TUHAN.

PINYIKIANG 16:5

Komŭnŭ ayŭh nang di Korah ngga di bara pinunda-i, “Isan isan andu sipagi TUHAN re kiren di ata asi tung Jangi; Ayŭh re bada sianŭ adi-I dapu, anŭ inŭh, sianŭ adi-I mbŭh mien, mandŭg ka yŭn adŭp-I sindŭk mija-sambah.

JEREMIAH 12:5

TUHAN nang, “Jeremiah, kambŭi kuu kawŭk birumba ngga manusia, simuki kuu re birumba ngga kuda? Kambŭi kuu dŭh tan di sapa tarun tana rais, munki meh kuu darŭm tuān adi ngapid Yang Jordan?

JEREMIAH 30:21

Pimritah ngara re mandŭg so bangsa adŭp ngara, raja ngara so daya adŭp ngara. Ayŭh re tudu Aku kan Aku bagan ayŭh, amai asi re birani mandŭg dŭh dog bagan? Ngara re jadi daya Ku, ka Aku re jadi Tapa ngara. Aku, adi TUHAN, mbŭh minyu.”

JEREMIAH 50:15

Ngāb buang angān maning kupo anŭ! Madin Babylon mbŭh nyerah adŭp-i. Sindung sindung-i mbŭh dog miratos ka mbŭh rubuh. Aku maras dendam di daya Babylonia. Jadi maras dendam meh angān di ngara, ka ndai di tunduh ngara nimun adi mbŭh ngara ndai di tunduh daya bŭkŭn.

ZECHARIAH 11:3

Pimritah nyirais amai susah; bragah ngara mbŭh miyap! Dingah ngŭr singah; tuān adi arŭn ngara mbŭh dog pirabur!

ISAIAH 48:14

“Tikuruk ka dingah, sopŭrŭg ngan! Mating so tapa tapa anŭ dapŭd ninjau nang daya adi Aku mbŭh mien re nyerang Babylon; ayŭh re ndai kayuh adi Aku raan ayŭh ndai.