34 Pak sianŭ adi re nyiramat ngara inŭh bake; adŭn-I inŭh TUHAN Bisa-pŭrŭg. Adŭp-i re ngarun ngara ka re taban damai ka ong, pak Ayŭh re taban pinyusah ka daya Babylonia.”
Ngapŭi kidaan di daya Israel nang Aku kidaan di ngara, ‘Aku ati TUHAN; Aku re pirupas angān so dog piurun daya Egypt. Aku re pakai tangan Ku adi bikuasa ngga ngukum ngara; komŭnŭ Aku nyiramat angān.
Tapa kudus Israel, adi TUHAN adi nyiramat angān, nang, “Ngga nyiramat angān, Aku re pait ndi bara tibaran soldadu rawan Babylon; Aku re mape tiban-bās kupo, ka sirais bara daya-i re marui jadi sien.
TUHAN, adi mritah ka grindung Israel, TUHAN Bisa-pŭrŭg, nang: “Aku inŭh adi sibungas, adi sikasŭn, adi sadi adŭp Ku Tapa; mating tapa adi bŭkŭn adŭ-i Aku.
TUHAN nam, “Anŭ inŭh kayuh adi re jadi. Daya-takap soldadu re dog taban ngga bu, ka kayuh sirapas daya ganas re dog tambit. Aku re rawan tadŭ tadŭ daya adi rawan angān, ka Aku re nyiramat anak anak ngan.
TUHAN adi Tapa ngan ngibān angān ka nang, “Aku taban saker anŭ ngga bu adi Aku nggen di angān darŭm baji Ku. Angān re dŭhsah tia nok wain adi bada angān tibabeu.
Tapa Jacob dŭh mun tibudo tibudo anŭ; Ayŭh inŭh adi ndai sopŭrŭg kayuh, ka Ayŭh mbŭh mien Israel bada jadi daya adi adŭp-I dapu. TUHAN Bisa-pŭrŭg inŭh adŭn-I.
TUHAN nggen jawa di batŭh andu bada nyekar sandu, di buran ka bitang bada nyekar singarŭm. Ayŭh kiruyok rawŭt ka bada girumbang-i magā; adŭn-I inŭh TUHAN Bisa-pŭrŭg.
Kaam mbŭh kiren pinyirindu Mai adi dŭh bisa birubah di biribu ribu daya, pak Kaam gŭh ngukum daya amai dosa pimas ngara. Kaam inŭh Tapa adi bās ka bikuasa; Kaam inŭh TUHAN Bisa-pŭrŭg.
Ngapŭi meh TUHAN nang di daya Jerusalem, “Aku re ngarun angān ka re maras di tunduh pinganyu ngan kayuh adi ngara mbŭh ndai di tunduh ngan. Aku re nyibadŭh atak piin Babylonia ka bada sungi sungi-i badŭh.
TUHAN nyirais nggen ukum di bara soldadu-I. Tibaran soldadu adi tunda pinganang-I inŭh bagŭ buang bake. Munki masam sipŭ-i andu TUHAN! Mating daya re tan.
Nyiriat ka nyidaing, meh angān daya Jerusalem, mun dayung biranak, amai madin angān dŭh siŭn dŭh bu tingge kupo ka rŭŭ di sapa tarun tana rais. Angān dŭh siŭn dŭh di ka Babylon, pak diginŭ TUHAN re nyiramat angān so pinganyu ngan.
Ata mbŭh bidosa rawan TUHAN, jadi madin ata dŭh siŭn dŭh nyijŭn baji-I dawŭ-i. Pak sikasŭn-i Ayŭh re nyibandar ata ka re pimanu pinyitŭnggŭn rawan sarah adi dog ndai di ata. Ayŭh re taban ata ka jawa, ka ata re kinyam pinyiramat TUHAN.
Sabab anŭ meh, darŭm ndi andu ayŭh re dog nyatŭk susah-bās mun andam, pinyusah, ka apag. Ayŭh re dog badang ngga apui, sabab Tuhan Tapa, adi nggen bisara di ayŭh, inŭh bikuasa.”