JEREMIAH 50:2 - Hakcipta - Biatah Bidayuh

² “Kidaan agah anŭ di bangsa bangsa! Piagah-i! Nggen tandā ka pigarau agah anŭ! Dŭhnyah sukan-i! Babylon mbŭh rabu! Tapa-i Marduk mbŭh asur! Tibudo tibudo Babylon mbŭh dog pimangŭh, Gayŭn gayŭn-i adi sipŭ anŭ mbŭh dog pirandŭk!

JEREMIAH 50:2 ပူးပေါင်းရင်းမြစ်များ

MAZMUR 64:9

Sopŭrŭg ngara re taru; ngara re pikir kayuh adi Tapa mbŭh ndai ka kidaan pingandai-I.

MAZMUR 96:3

Piagah bragah-I di barang bangsa, pingandai bās-I di sopŭrŭg daya.

MAZMUR 97:7

Barang naan adi nyambah tibudo dog pimangŭh; sopŭrŭg tapa mutu ubak ngara di sirung jawin TUHAN.

ISAIAH 12:4

Andu-i re mandŭg kan daya re nyanyi nang, “Nggen trima kaseh di TUHAN! Bagan ka mite turung so Ayŭh! Kidaan di sopŭrŭg bangsa kayuh adi Ayŭh mbŭh ndai! Kidaan di ngara Ayŭh raru bās!

ISAIAH 13:2

Di tibung sandah adi badu pijog binira perang! Nyirais nang di bara soldadu ka pakat tangan mu ndu tandā bada ngara nyerang tiban-bās kupo adi gambung anŭ.

ISAIAH 21:9

Gŭgŭh ngara mandŭg! Daya nunggang kuda, mandŭg duwŭh duwŭh naan. Daya adi tukang jaga anŭ rasu piagah, “Babylon mbŭh rubuh! Sopŭrŭg tibudo adi ngara nyambah mbŭh randŭk di tana.”

ISAIAH 37:19

ka badang tapa tapa ngara — adi tapa au-tarun, adi kaŭs-i gayŭn dog ndai ngga tangan manusia so kayuh ngga batuh.

ISAIAH 39:1

Kira ka di tika anŭ, Merodach Baladan anak Baladan, adi raja Babylonia, dingah Raja Hezekiah mbŭh mandam, jadi ayŭh pait surat ka ayŭh samŭn pinganggen.

ISAIAH 46:1

“Ati inŭh pimungan tapa tapa Babylon! Bel ngga Nebo ko dawŭ-i dog nyambah, pak madin dog na di tunduh kaldi, jadi pinyirabis adi bat yŭn dāng adi mbŭh kawŭk.

ISAIAH 48:20

Ruah so Babylon, pirupas adŭp ngan! Piagah agah anŭ ngga sirais gaŭn; bada-i dog dingah di barang yŭn: “TUHAN mbŭh nyiramat urun-I Israel!”

ISAIAH 48:6

“Sopŭrŭg kayuh adi Aku muko diŭ kidaan mbŭh jadi madin; angān an ngaku nang pininjau Ku batur. Madin Aku re kidaan di angān kayuh kayuh adi bauh, rusia rusia adi Aku dŭh pinandŭng dawŭ-i.

JEREMIAH 10:11

(Kuu dŭh siŭn dŭh kidaan di ngara nang tapa tapa adi dŭh napa ong ngga rangit re dog pirabur. Ngara re miyap so ong.)

JEREMIAH 10:15

Tibudo tibudo anŭ dŭh biguna ka patut dog ngamun; sopŭrŭg-i re dog pirabur kan TUHAN mandŭg di pitumbang-i.

JEREMIAH 31:10

TUHAN nang, “Bangsa bangsa, dingah Aku, ka mutas rawŭt di piagah pinganang Ku. Aku bada daya Ku papar sasah, pak Aku re nguruk ngara ka kingat ngara mun pingingat-biri kingat kaban biri-i.

JEREMIAH 4:16

Ngara mbŭh mandŭg an bakan bangsa bangsa ka kidaan di Jerusalem nang pinganyu mbŭh aŭn mandŭg so rais adi jo. Bara pinganyu anŭ re nyirais natang kupo kupo Judah

JEREMIAH 4:6

Tiju aran di ka Zion! Rikas di nyiramat adŭp ngan! Dŭhnyah nyikite! TUHAN inŭh taban pinyirusag ngga pinyirabur so utara.

JEREMIAH 46:14

Piagah ati di kupo kupo Egypt, anŭ inŭh Migdol, Memphis, and Tahpanhes: ‘Sidia yŭn ngibān adŭp ngan; sopŭrŭg adi angān biyŭn re dog pirusak darŭm perang!

JEREMIAH 50:46

Kan Babylon rabu, re agi jawŭn adi raru bana ndŭg ka ndi ong ong re bigugoh bada-i, ka sirais bara daya adi rŭŭ diginŭ re dapŭd dog dingah bangsa bangsa bŭkŭn.”

JEREMIAH 51:12

Nggen tandā ngga nyerang sindung Babylon. Nyibake bara adi jaga! Tijuan soldadu soldadu bada masin masin tambit yŭn bijaga! Tijuan kudu kudu naan bada tukang tuman pinganyu!” TUHAN mbŭh ndai kayuh adi-I nang adŭp-I re ndai di daya Babylonia.

JEREMIAH 51:27

“Nggen tandā ngga nyerang! Mambak trompet isa bangsa bangsa dapŭd dingah! Sidia bangsa bangsa yŭn perang rawan Babylonia! Bada pritah Ararat, pritah Minni, ka pritah Ashkenaz nyerang. Tijuan ndi naan pingubak bada nguru serang. Taban kuda kuda bada mun dudu kadis.

JEREMIAH 51:31

Bara pinyisung bigati gati kidaan di raja Babylonia nang kupo-i mbŭh dog mŭrŭt pinganyu so barang parad.

JEREMIAH 51:44

Aku re ngukum Bel, adi tapa Babylonia, ka bada ayŭh nggen pari kayuh adi-i ko naku. Bangsa bangsa re dŭh tia nyambah ayŭh. “Sindung Babylon mbŭh rubuh.

JEREMIAH 51:47

Tika adi ngga Aku ngukum tibudo Babylonia mbŭh re mandŭg. Ndi tarun tarun tana rais anŭ re dog pimangŭh, ka sopŭrŭg daya-i re dog siŭ.

JEREMIAH 51:52

Ngapŭi meh, Aku nang tika-i re mandŭg adi ngga Aku ngukum tibudo tibudo Babylon, ka ngara adi biragan re nyidaing di ndi rais rais.

JEREMIAH 51:8

Babylonia mbŭh nyirŭgŭh rabu ka mbŭh rabur! Ngurid-i! Tambit uri yŭn tawan-i, kadŭ-i dapŭd bua.

JEREMIAH 52:31

Di sawa adi ngga Evilmerodach jadi raja Babylonia, ayŭh kana ngga Raja Jehoiachin so Judah ka pirupas ayŭh so ramin jer. Anŭ inŭh andu adi 25 darŭm buran simŭng duwŭh darŭm sawa adi 37 ripas Jehoiachin dog taban ngga bu jadi daya-takap.

JEREMIAH 6:18

Jadi TUHAN nang, “Dingah, angān bangsa bangsa, ka birajar kayuh adi re jadi di daya Ku.

DANIEL 1:2

TUHAN tandah ayŭh nakap Raja Jehoiakim ka sirapas kada rata Ramin TUHAN. Ayŭh taban kada daya-takap pari ngga adŭp-i ka bari-sambah tapa adŭp-i di Babylon, ka na rata adi ko dog sirapas di birit pinyirikŭn bari-sambah.

DANIEL 3:14

Ayŭh nang di ngara, “Shadrach, Meshach, ka Abednego, sawŭ kah angān abah nyambah tapa ku bait mutu ubak ngan ka patong adi aku mbŭh pijog?

ZEPHANIAH 2:11

TUHAN re pitaru ngara. Ayŭh re pirandŭk tapa tapa di ong, ka komŭnŭ barang naan daya re nyambah Ayŭh, masin masin di rais adŭp-i.

PINANDŬNG 18:2

Ayŭh nyirais nang ngga sirŭŭn bana: “Ayŭh mbŭh rabu! Babylon adi bās mbŭh rabu! Ayŭh madin mbŭh jadi yŭn pinyirŭŭ umot ngga roh kais. Barang masam manuk adi kais ngga adi tiru daya dieh rŭŭ darŭm ayŭh.