JEREMIAH 5:7 - Hakcipta - Biatah Bidayuh

⁷ TUHAN siken “Re ngga mani Aku apun dosa daya Ku? Ngara tagan Aku ka mbŭh nyambah tapa tapa bŭkŭn adi dŭh sawŭ. Aku paan daya Ku ndŭg ka ngara bisoh, pak ngara tanggah ka saat jam ngga dayung sundar.

JEREMIAH 5:7 ပူးပေါင်းရင်းမြစ်များ

2 KRONIKEL 13:9

Angān pibu imam imam TUHAN, adi sesang Aaron, ka angān pibu bara daya Levi. Ngga gati ngara angān tijuan imam imam pakai gaya bangsa bŭkŭn. Asi asi adi mandŭg taban dari sapi puan kah ju pŭrŭng biri dapŭd dog pibŭrŭt ngan jadi imam yŭn kayuh adi dŭh Tapa.

JOB 31:12

Anŭ re keya ka apui bisā neraka, man sopŭrŭg kayuh adi aku dapu.

MAZMUR 50:18

Kan angān kiris pinaku, angān bijerā ngga ngara; angān bigaur ngga bara pinanggah.

JEREMIAH 12:16

Kambŭi ngga siabo atin, ngara raan trima adat daya Ku ka bipayu nang, ‘Siragi TUHAN udip’ — nimun ngara ko dawŭ-i ngajar daya Ku bipayu ngga dŭn Baal — ngara gŭh re jadi ndi so bara daya Ku ka re mujur udip.

JEREMIAH 13:27

Ayŭh mbŭh kiris kuu ndai kayuh adi-I tiru. Ayŭh mbŭh kiris kuu tadak tapa tapa adat karŭm di sandah ka di ŭmŭh, mun ndi naan daya ripong di sawŭn rasū-i bait mun dari kuda adi mingaras tadak dayung kuda. Daya di Jerusalem, mŭmbŭh inŭh angān! Sinde meh angān re jadi bisig?

JEREMIAH 16:11

Kidaan di ngara nang TUHAN mbŭh nang, ‘Tayung-babuk ngan bu so Aku ka nyambah ka bituan di tapa tapa bŭkŭn. Ngara tagan Aku ka abah tunda ajar Ku.

JEREMIAH 16:20

Dapŭd kah daya ndai tapa adŭp-i? Manŭn dŭh! Anŭ adi ngara ndai manŭn dŭh tapa adi sawŭ.”

JEREMIAH 2:11

Bŭn bangsa bŭkŭn nyambi tapa-i, sunggu tapa ngara dŭh sawŭ. Pak daya Ku mbŭh nyambi Aku, Tapa adi ko nggen stabi di ngara, ngga tapa adi dŭh dapŭd ndai ani ani yŭn ngara.

JEREMIAH 2:31

Daya Israel, dingah kayuh adi Aku nang. Mbŭh kah Aku mun tarun tana-pajam di kuu, mun tarun tana adi karŭm buang rapā yŭn masam masam pinyusah? Mani, meh, kuu nang adŭp mu raan ndai kayuh nanyam raan asŭng adŭp mu, ka dŭh re pari ka Aku?

JEREMIAH 23:10

Tarun tana rais mbŭh puno bada daya adi dŭh tŭtŭd di TUHAN; ngara udip ginaka ka pakai kuasa ngara ngga aran adi sarah. Sabab pangu TUHAN tana ngurid ka tarun tana kupai badŭh.

JEREMIAH 3:19

TUHAN nang, “Israel, Aku raan trima kuu jadi anak Ku ka nggen di kuu tana adi pimunos asŭng, tana adi siabo ramus di ndi ong ong. Aku raan kuu bagan Aku Sama, ka dŭhnyah tia nyipunok Aku.

JEREMIAH 3:8

Judah gŭh kiris Aku taran Israel ka pibu ayŭh sabab ayŭh mbŭh tagan Aku ka mbŭh jadi dayung sundar. Pak Judah, jurud Israel adi dŭh tŭtŭd, dŭh taru. Ayŭh gŭh jadi dayung sundar

JEREMIAH 7:9

Angān naku, siŭ daya, tanggah, nggen taksi kadong, jugan sadis ka Baal, ka nyambah tapa tapa adi angān bŭn puan.

JEREMIAH 9:1

Kasi ka ubak ku keya ka prigi adi puno ngga piin, ka batŭh ku keya ka sumbur adi mirasit piin-i, isa aku bisa sien sandu ngga singarŭm yŭn daya ku adi mbŭh dog siŭ.

JEREMIAH 9:2

Kasi ka aku biyŭn tarun yŭn rŭŭ di tarun tana-pajam di yŭn aku bisa pijo adŭp ku so daya ku. Sopŭrŭg ngara dŭh tŭtŭd, tibaran daya adi ginaka.

PUĀS 3:42

“Kieh mbŭh bidosa ka birawan, ka Kaam, O TUHAN, mbŭh apun kieh.

EZEKIEL 22:11

Agi adi tanggah, agi adi nyibudo iban dayung ngara bait sude dayung tiri ngara.

HOSEA 11:8

“Simuki Aku re tandah kuu, Israel? Simuki Aku re tagan kuu? Bisa kah Aku pirabur kuu mun Admah, puan kah ndai di tunduh mu mun Zeboiim? Atin Ku dŭh re bada Aku ndai simŭnŭ! Pinyirindu Ku di kuu inŭh raru bās.

HOSEA 13:6

Pak kan angān mŭrŭt tarun tana adi kana, angān bisoh, angān jadi sambuh ka kambŭt Aku.

HOSEA 4:2

Ngara ndai janji ka miranggar-i; ngara kadong, siŭ daya, naku, ka bikandak. Sarah adi barang ka mun-i bitambah, ka birijut adŭ daya dog siŭ.

HOSEA 7:4

Sopŭrŭg ngara anŭ ruai arap ka dŭh tŭtŭd. Atin tiru ngara mbŭh keya ka bireh bam apui darŭm oven-tana, adi dog tandah tukang ruti ndŭg ka tibaduk mbŭh kambang ka masak.

LEVITICUS 20:10

Kambŭi daya tanggah ngga sawŭn dingan-i adi daya Israel, so-duwŭh dari ngga dayung anŭ siŭn dog ukum kabŭs.

AMOS 8:14

Ngara adi bipayu pakai tibudo Samaria, buang nang, ‘Ngga dŭn tapa Dan,’ puan kah, ‘Ngga dŭn tapa Beersheba’, re rabu ka dŭh tia makat.”

ZEPHANIAH 1:5

Aku re pirabur tadŭ tadŭ daya adi maad ka tibung ramin ka nyambah batŭh andu, buran, ka bitang bitang. Aku gŭh re pirabur daya adi nyambah Aku ka bipayu an tŭtŭd di Aku, pak komŭnŭ bipayu ngga dŭn tapa Molech.

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

1 CORINTH 6:9

Angān tatu puan nang daya adi ginaka dŭh re kinyam Pinyipritah Tapa. Dŭhnyah nyibudo adŭp ngan; daya adi dŭh tatu pimudip-i, puan kah adi nyambah tibudo, puan kah adi tanggah, puan kah adi ndai pingandai kais dupan adŭp-i adi samah dari,

1 CORINTH 8:4

Jadi pasar man pinguman adi ko dog jugan ka tibudo: ata puan nang tibudo taŭn-i gambar yŭn kayuh adi dŭh sawŭ agi; ata puan Tapa agi ndi adŭ.

GALATIA 4:8

Dawŭ-i angān dŭh puan Tapa, ka mbŭh urun kuasa kuasa adi angān pikir tapa.

DITRONOMI 32:15

“Daya TUHAN jadi kaya, pak raru an birawan; ngara gamu ka badŭg ngga pinguman. ngara tagan Tapa adi Pinapa ngara, ka tirawan pinyikudip ngara adi bikuasa.

DITRONOMI 32:21

Amai sabab tibudo ngara, ngara mbŭh bada Aku baji, Aku sina sabab tibudo adi ngara kadŭn tapa, tapa tapa adi dŭh sawŭ tapa. Jadi Aku re pakai bangsa adi dŭh sawŭ bangsa ngga bada ngara baji; Aku re bada ngara sina di bangsa adi budo.

HEBREW 13:4

Sopŭrŭg daya an stabi di banan sawan, ka banŭh bait sawŭn dŭh siŭn dŭh an tŭtŭd ngga dingan-i. Tapa re ngukum daya adi udip darŭm sarah ka daya adi tanggah.

JAMES 4:4

Angān daya adi dŭh tŭtŭd di Tapa! Dŭh kah angān puan nang bidingan ngga ong sirati-i jadi pinganyu Tapa? Kambŭi angān raan bidingan ngga ong, angān mbŭh bada adŭp ngan jadi pinganyu Tapa.

JOSHUA 23:7

ka angān manyah bigaur ngga ngara adi gibabŭ agi dŭm di ruang ngan, puan kah nyabŭt dŭn tapa tapa ngara, puan kah pakai dŭn tapa ngara ngga bipayu, puan kah nyambah tapa ngara, puan kah mutu ubak ka tapa ngara.