JEREMIAH 5:24 - Hakcipta - Biatah Bidayuh

²⁴ Angān bŭn bipikir re an stabi di Aku, sunggu Aku adi nggen ujen di tipuh jaya ngga ujen di tipuh bunga, ka nggen di angān tipuh ngatŭm barang sawa.

JEREMIAH 5:24 ပူးပေါင်းရင်းမြစ်များ

TIBIRIK 8:22

Sitŭkŭd ong agi, taŭn re agi tipuh nyipurun ngga tipuh ngatŭm. Ka re ari agi tipuh madud ngga tipuh paras, tipuh raga ngga tipuh birujen, sandu ngga singarŭm.”

1 RAJA 17:1

Ndi naan nabi dŭn Elijah, so Tishbe di Gilead, nang di Raja Ahab, “Ngga adŭn TUHAN, Tapa Israel adi udip, adi aku yŭn bituan, aku kidaan di kuu re mating sipot-abun bait ujen sitŭkŭd duwŭh puan kah taruh sawa ndŭg ka andu adi ngga aku kidaan-i re agi.”

JOB 29:23

barang naan trima pinganang ku anŭ mun tukang teya trima ujen di tipuh bunga.

JOB 38:37

Asi adi sukup bijak an mirang abun ka bada-i miringe ren ujen,

JOB 5:10

Ayŭh nggen ujen di tana ka Ayŭh misa ŭmŭh.

MAZMUR 147:8

Ayŭh mamad abun di rangit; Ayŭh nggen ujen di ong ka bada kupai timbu di sandah.

MAZMUR 65:9

Kaam nggen ujen ngga sita tana; Kaam bada-i kana ka damŭn. Kaam ngisi sungi ngga piin; Kaam bada tana piruah buwa pimuruh. Simuti inŭh Kaam ndai-i:

ISAIAH 64:7

Mating daya bidua ka Kaam; mating daya tudu Kaam mite turung. Kaam mbŭh sukan adŭp Mai so kieh ka mbŭh tagan kieh sabab dosa ami.

JEREMIAH 10:13

So pesan-I piin di sambu rangit magā; Ayŭh taban abun so bŭngŭn ong. Ayŭh bada kijat mikirab di ujen ka pait sabak so birit pinyirikŭn-I.

JEREMIAH 14:22

Tibudo bangsa bangsa dŭh dapŭd bada andu ujen; rangit sadi adŭp-i dŭh dapŭd bada andu ujen. Kieh na pingarap ami darŭm tangan Mai, O TUHAN adi Tapa ami, sabab Kaam inŭh adi ndai sopŭrŭg kayuh anŭ.

JEREMIAH 2:19

Arap adŭp mu re ngukum kuu, ka urah mu adi tagan Aku re nunggu kuu. Kuu re puan munki masam sipŭ buang arap-i kuu tagan Aku, adi TUHAN Tapa mu, buang kuu mbŭh dŭh tia tŭtŭd di Aku. Aku, adi TUHAN Raja adi Bisa-pŭrŭg, mbŭh minyu.”

JEREMIAH 3:3

Anŭ meh sabab andu dŭh ujen, ka ujen di tipuh bunga dŭh mandŭg. Kuu tanŭ ka mbŭh mun dayung sundar; dŭh biyŭn mangŭh.

JEREMIAH 5:22

Aku ati TUHAN; mani angān dŭh taru Aku? Mani angān dŭh kimŭtŭr di sirung jawin Ku? Aku na sumat ndu baat rawŭt, baat adi tatap adi dŭh rawŭt dapŭd mutas. Rawŭt bisa magā ka ndai girumbang, pak dŭh dapŭd mutas-i.

JEREMIAH 50:5

Ngara re siken aran di ka Zion ka komŭnŭ di ka pinijū anŭ. Ngara re ndai simanya adi tan adu adu ngga Aku ka re dŭh miranggar-i.

HOSEA 3:5

Pak tipuh re mandŭg kan daya Israel re pari ka TUHAN adi Tapa ngara, ka sesang David adi raja ngara. Ka ngara re taru di TUHAN ka re kambat pinganggen pinganggen-I adi kana.

HOSEA 6:1

Daya Israel nang, “Ja pari ka TUHAN! Ayŭh kinaman ata, pak Ayŭh tatu re pibua ata; Ayŭh bada ata tawan, pak Ayŭh tatu re marut tawan ta.

JOEL 2:23

“Gaŭn angān, daya Zion, gaŭn meh angān amai kayuh adi TUHAN adi Tapa ngan mbŭh ndai yŭn ngan. Ayŭh mbŭh nggen di angān sukup ujen di tipuh jaya; Ayŭh mbŭh ren ujen tipuh madud ka ujen tipuh bunga mun dawŭ-i yŭn ngan.

AMOS 4:7

Aku bitan ujen kan pimuruh ngan raru biguna di piin. Aku nggen ujen di ndi kupo, pak dŭh di kupo adi bŭkŭn. Ujen rabu di ndi ŭmŭh, pak ŭmŭh adi bŭkŭn badŭh.

ZECHARIAH 10:1

Mite TUHAN nggen ujen di tipuh bunga. TUHAN inŭh adi bada kruman mandŭg taban ujen ndŭg ka tana jadi barŭm yŭn barang naan daya.

MATTHEW 5:45

isa angān bisa jadi bara anak Sama ngan adi di shorga. Amai Ayŭh adi bada batŭh andu nyekar di daya adi arap ngga daya adi kana, ka adi nggen ujen di ngara adi ndai kana ka di ngara adi ndai arap.

PINGANDAI 14:17

Pak Ayŭh mbŭh siraru kiren adŭp-I sawŭ agi so ka kraja kana adi-I ndai: mun nggen ujen so rangit ka buwa buwa di tika jajak di angān; Ayŭh nggen di angān pinguman ka bada atin ngan gaŭn.”

DITRONOMI 28:12

Ayŭh re pait ujen di tipuh-i so yŭn pinyirikŭn-I di rangit ka nyiberkat sopŭrŭg kraja pingandai ngan, isa angān dapŭd nginjam ka bagŭ bangsa, pak angān dŭhsah nginjam so tadŭ tadŭ ngara.

JAMES 5:7

Sabar meh angān adi bara dingan ku, ndŭg ka Tuhan mandŭg. Tingga munki masam sabar-i bara tukang-teya darŭm ngara kajŭn tana piruah buwa adi brega. Ngga atin sabar ngara kajŭn ujen di tipuh jaya ngga di tipuh bunga.

PINANDŬNG 11:6

Ngara biyŭn kuasa ngga tŭŭp rangit isa di tika ngara piagah agah so Tapa andu dŭh ujen. Ngara biyŭn gŭh kuasa di tunduh atak atak piin, da-i marui jadi deya. Ngara biyŭn gŭh kuasa ngga ari taban nanyam pinyiraan adŭp ngara barang masam susah-bās ka ong.