JEREMIAH 5:21 - Hakcipta - Biatah Bidayuh

²¹ Dingah, angān daya adi budo buang bawa, adi biyŭn batŭh pak dŭh kiris, adi biyŭn kajit pak dŭh dingah.

JEREMIAH 5:21 ပူးပေါင်းရင်းမြစ်များ

MAZMUR 94:8

Daya ku, simuki angān mbŭh raru budo? Sinde angān re birajar?

PITAS 17:16

Daya adi budo saat duit adŭ ngga biranja sikura-i, sabab ayŭh dŭh pitar.

ISAIAH 27:11

Daan daan tŭngŭn kayuh mbŭh rayu ka pata, ka bara dayung sun-i ndu uwang. Sabab daya dŭh mirati ani ani, Tapa adi Pinapa ngara dŭh re masi bait apun ngara.

ISAIAH 43:8

Tapa ngan, “Bagan daya Ku ka yŭn bisara. Ngara biyŭn batŭh, pak ngara karak; ngara biyŭn kajit, pak ngara bangam!

ISAIAH 44:18

Daya adi mun anŭ mbŭh raru budo re puan kayuh adi ndai-i. Ngara mŭdŭm ka tŭŭp pikir-i di kayuh adi sawŭ.

JEREMIAH 10:8

Sopŭrŭg ngara budo ka bawa. Ani bisa ngara birajar so tibudo apŭg kayuh?

JEREMIAH 4:22

TUHAN nang, “Daya Ku inŭh budo; ngara dŭh puan Aku. Ngara mbŭh keya ka bara anak-sŭ adi budo; ngara dŭh biyŭn atin mirati. Ngara sukup pandai ndai kayuh adi arap, pak dŭh pandai ndai kayuh adi kana.”

JEREMIAH 5:20

TUHAN nang, “Kidaan di sesang Jacob, kidaan di daya Judah:

JEREMIAH 5:4

Komŭnŭ aku pikir, “Ngara ati daya adi budo bawa. Ngara budo darŭm urah ngara; ngara dŭh puan ani anŭ adi Tapa ngara raan, kayuh adi TUHAN raan ngara ndai.

JEREMIAH 6:10

Aku nam, “Asi re an dingah aku kambŭi aku minyu ka bakan ngara? Ngara baking ka abah dingah pinganang Mai; ngara tawŭh kayuh adi Kaam bada aku nang.

JEREMIAH 7:13

Angān mbŭh ndai sopŭrŭg dosa anŭ, ka sunggu Aku pari pari minyu ngga angān, angān abah dingah. Angān abah nam kan Aku bagan angān.

JEREMIAH 8:7

Manuk bangau sirabi ka puan jam adi ngga-i pari; manuk tikukur, manuk tipiris ka manuk kuaring puan tipuh adi ngga-i bipindah ka tarun bŭkŭn. Pak, daya Ku, dŭh kah angān puan ukum-adat adi ngga Aku mritah angān.

EZEKIEL 12:2

“Manusia,” Ayŭh nang, “kuu udip di ruang daya adi an birawan. Ngara biyŭn batŭh, pak ngara dŭh kiris tarun; ngara biyŭn kajit, pak ngara dŭh dingah ani ani, sabab ngara daya adi suka birawan.

HOSEA 7:11

Israel mbŭh keya ka manuk asang adi budo. Sibungas-i daya Israel mite turung so Egypt, ka komŭnŭ so Assyria!

ZECHARIAH 7:11

“Pak daya Ku tangek ka abah dingah pinganang. Ngara mapot kajit isa ngara dŭh dingah

MARK 4:12

isa, ‘Ngara bisa tingga ka tingga, pak dŭh kiris; ngara bisa dingah ka dingah, pak dŭh mirati. Amai kambŭi dŭh, ngara an pari ka Tapa, ka Tapa apun ngara.’ ”

MARK 8:18

Angān biyŭn batŭh, mani dŭh kiris? Angān biyŭn kajit, mani dŭh dingah? Dŭh kah angān ingat

JOHN 12:40

“Tapa mbŭh kinarŭm batŭh ngara, ka mbŭh bada atŭk ngara madŭd; isa batŭh ngara dŭh kiris, ka atŭk ngara dŭh mirati, ka ngara dŭh tudu Aku, mite Aku pibua ngara, Tuhan nang”

PINGANDAI 28:26

Amai Ayŭh nang, ‘Panu di kidaan di bangsa ati: Angān re dingah ka dingah, pak dŭh mirati; Angān re tingga ka tingga, pak dŭh kiris,

ROME 1:20

So sibungas Tapa napa ong, kayuh anŭ adi dŭh tungang dog kiris pasar Ayŭh, anŭ inŭh kuasa-I adi tan adu adu ngga tibiat adŭp-I adi Tapa, mbŭh granan tatŭng; sopŭrŭg-i mbŭh tungang dog kiris darŭm kayuh kayuh adi Tapa mbŭh napa. Jadi daya manŭn dŭh biyŭn aran re nang adŭp-i dŭh puan.

ROME 11:8

Sak adi nang Surat-kudus, “Tapa mbŭh bada pikir ngga atin ngara padŭd; ndŭg andu ati ngara dŭh kiris bait dingah.”

DITRONOMI 29:3

Angān mbŭh kiris sesak-andam, pingandai nginga ngga pingandai-bās adi TUHAN mbŭh ndai.

DITRONOMI 29:4

Pak ndŭg ka andu ati Ayŭh dŭh bada angān mirati kayuh adi angān muko kinyam.

DITRONOMI 32:6

Simŭnŭ kah angān patut ngga TUHAN, angān adi budo, adi dŭh biyŭn pikir? Ayŭh anŭ Sama ngan, Pinapa ngan, Ayŭh ndai angān jadi ndi bangsa.