JEREMIAH 5:17 - Hakcipta - Biatah Bidayuh

¹⁷ Ngara re kubo buwa pimuruh ngga pinguman ngan; ngara re siŭ anak anak dari ngga anak anak dayung ngan. Ngara re siŭ biri biri ngga sapi sapi ngan ka pirusak tŭngŭn anggor ngga tŭngŭn ara ngan. Kupo kupo adi bikuta adi yŭn ngan rŭŭ re dog pirabur tibaran bara soldadu ngara.

JEREMIAH 5:17 ပူးပေါင်းရင်းမြစ်များ

ISAIAH 62:8

TUHAN mbŭh ndai ndi janji buang bipayu, ka ngga kuasa-I Ayŭh re pijadi-i: “Gandom ngan re dŭh tia pinguman yŭn pinganyu ngan, ka daya tami re dŭh tia nok wain ngan.

ISAIAH 62:9

Pak angān adi purun ka ngatŭm gandom re man ruti ka muji TUHAN. Angān adi sita ka ndu buwa anggor re nok wain di awah Ramin Ku.”

JEREMIAH 1:15

sabab Aku bagan sopŭrŭg bangsa di utara bada mandŭg. Raja raja ngara re pijog takta takta ngara di tiban-bās Jerusalem ka maning sindung-i, ka maning kupo kupo Judah adi bŭkŭn.

JEREMIAH 4:26

Tana damŭn mbŭh jadi tarun tana-pajam; kupo kupo-i mbŭh rubuh sabab bisā baji TUHAN.

JEREMIAH 4:7

Keya ka singah ruah so tarun yŭn-i bisukan, pinyirabur bangsa mbŭh matak. Ayŭh mandŭg di pirabur Judah. Kupo kupo Judah re rubuh, ka mating daya re rŭŭ dieh.

JEREMIAH 5:18

TUHAN Raja nang, “Pak di tipuh anŭ gŭh Aku dŭh re batur batur pirabur daya Ku.

JEREMIAH 50:17

TUHAN nang, “Daya Israel mbŭh keya ka biri, adi dog tadak singah ka mbŭh basak basik. Sibungas-i, ngara dog nyerang raja-empaya Assyria, ka komŭnŭ Raja Nebuchadnezzar so Babylonia mapa turang ngara.

JEREMIAH 50:7

Ngara dog nyerang tadŭ tadŭ daya adi kiris ngara. Pinganyu ngara nang, ‘Ngara bidosa rawan TUHAN, ngapŭi kayuh adi ata ndai inŭh dŭh sarah. Tayung-babuk ngara sabah di TUHAN, ka adŭp ngara patut bijijŭ tŭtŭd di Ayŭh.’

JEREMIAH 8:13

“Aku raan nguruk daya Ku, mun tukang teya nguruk buwa pingatŭm; pak ngara keya ka tŭngŭn anggor adi mating buwa-i, keya ka tŭngŭn ara adi mating buwa-i; ndŭg ka dawŭn dawŭn-i gŭh mbŭh rayu. Anŭ meh sabab Aku mbŭh bada daya sapa tambit tarun tana anŭ.”

JEREMIAH 8:16

Pinganyu ta mbŭh agi darŭm kupo Dan; ata dingah jawŭn so udung kuda ngara. Ndi tarun tana bigagar kan kuda ngara jawŭn. Pinganyu ta mbŭh mandŭg di pirusak tarun tana ta samŭn sopŭrŭg kayuh darŭm-i, kupo ta ka sopŭrŭg daya adi darŭm-i.”

PUĀS 2:12

Sibŭrŭk ngga badŭh asŭng, ngara sien nyigura sindŭ-i; ngara rabu di aran mun adi biragan, ka kabŭs di kŭkŭn sindŭ-i.

PUĀS 2:2

TUHAN pirabur sopŭrŭg kupo di Judah ngga dŭh kira masi. Ayŭh nyirubuh kuta kuta adi ngibān rais. Ayŭh pimangŭh pritah ngga bara pinguasa-i.

EZEKIEL 36:4

Jadi dingah madin kayuh adi Aku, TUHAN Raja, nang di angān darŭd ngga sandah, di angān anak sungi ngga dau, di angān tarun adi mbŭh jadi tibawang, ka di angān kupo adi dog tagan ka adi dog pirinda ka dog ngamun bangsa bangsa adi sindŭk.

HOSEA 2:12

Aku re pirusak tŭngŭn tŭngŭn anggor ngga tŭngŭn tŭngŭn ara-i, adi-i nang dog nggen bara ambai-i ngga bayar ayŭh. Aku re marik teya anggor ngga risŭn ara-i bada jadi tarun tana-pajam; ka dāng dāng tarun re pirusak-i.

HOSEA 8:14

“Daya Israel mbŭh pijog istana, pak ngara mbŭh kambŭt Pinapa ngara. Daya Judah mbŭh pijog kupo kupo adi bikuta. Pak Aku re pait apui ngga sigot istana ka kupo kupo ngara.”

JOEL 2:3

Mun apui ngara man anak anak kayuh-udip. Di jawin ngara tarun tana agi keya ka Teya Eden, pak di punok ngara mbŭh keya ka tana-matung. Mating kayuh dŭm bada ngara.

LEVITICUS 26:16

Aku re ngukum angān. Aku re taban pinyirusag ka angān, mun andam andam adi dŭh tikuri ka sungoh adi bisa bada angān karak ka adi re kirŭpŭt pimudip ngan. Angān re nyipurun, pak-i dŭh re jadi guna di angān, amai pinganyu ngan re ngarah angān ka re man kayuh adi angān purun.

ZEPHANIAH 3:6

TUHAN nang, “Aku mbŭh kinanyap bagŭ bangsa; Aku mbŭh pirabur kupo kupo ngara ka bada sindung ngga tawā-i rubuh. Kupo kupo mbŭh dog tagan; aran aran mbŭh mating daya dieh; mating daya rŭŭ diginŭ tia.

MALACHI 1:4

Kambŭi sesang sesang Esau, adi bara daya Edom, nang, “Kupo kupo ami mbŭh dog pirabur, pak kieh re pari pijog-i,” ka TUHAN re nam, “Tandah ngara pari pijog-i, ka Aku re pirabur-i dinge. Daya re kadŭn-i ‘Rais adi pirumot’ ka ‘Bangsa adi yŭn TUHAN adu adu baji.’ ”

DITRONOMI 28:33

Bangsa tami re tambit sopŭrŭg buwa pimuruh ngan adi angān ko bandar bandar nyiraja sita-i, ka adŭp ngan dŭh trima ani ani adŭ-i dog kinanyuh ka dog pijera.