16 Bara adi tukang nimbak reja-panah ngara inŭh soldadu adi bake adi dŭh biyŭn masi.
Kayuh adi nang bara pinganyu ku dŭh dapŭd dog sabah; adŭ ngara raan pirabur. Pinganang ngara nganju ka duduh pak puno ngga pinŭtŭn arap.
Ngga bawŭh ka reja-panah ngara siŭ daya adi mara. Ngara dŭh masi di anak-pira bait anak-sŭ.
Reja-panah ngara reja, ka bawŭh ngara sidia re nimbak. Tinjug kuda ngara riang mun batuh rŭrŭp, ka kaja krita kuda ngara bipusing mun sabak biriyung.
TUHAN nang, “Daya re mandŭg so ndi rais di utara; bangsa adi bikuasa adi jo mbŭh sidia yŭn biperang.
Ngara mbŭh tambit bawŭh ngara ngga pedang ngara; ngara inŭh daya adi gaok buang dŭh biyŭn masi. Dudu ngara sak jawŭn girumbang di rawŭt, darŭm ngara nunggang kuda. Ngara mbŭh sidia yŭn bisaad rawan Jerusalem.”
Ayŭh nimbak reja panah-I bada mŭrŭt pŭrŭng ku.
Pinganang ngara mbŭh keya ka puno ngga rubang pinyikabŭs; ngara mbŭh raru pandai kadong, Bang piminyu ngara mbŭh keya ka rasun jippŭh ruah so baba ngara;