JEREMIAH 49:3 - Hakcipta - Biatah Bidayuh

³ Daya Heshbon, sien meh! Ai mbŭh dog pirabur! Bara dayung Rabbah, panu di sua ngurid! Nēn piraka banang guni ka ngurid. Bikaduh kandang-kandŭ meh. Tapa ngan Molech re dog taran ka rais tami, samah ngga bara imam-i ka bara pinguasa-i.

JEREMIAH 49:3 ပူးပေါင်းရင်းမြစ်များ

2 SAMUEL 11:1

Di tipuh bunga, tipuh adi ngga raja raja matak biperang, David pait Joab ngga bara pingubak soldadu-i ngga bara tibaran soldadu daya Israel; ngara ngarah bara daya Ammon ka nyikapung kupo Rabbah. Adŭp David rŭŭ di Jerusalem.

1 RAJA 11:33

Aku re ndai simŭnŭ sabab Solomon mbŭh tirawan Aku ka mbŭh nyambah tapa tapa saruh: Astart, tapa daya Sidon; Chemosh, tapa daya Moab; ka Molech, adi tapa daya Ammon. Solomon mbŭh nyibireu Aku; ayŭh mbŭh sarah, ka dŭh sita ukum ukum-adat Ku ngga pesan Ku, dŭh mun sama-i David.

1 RAJA 11:5

Ayŭh nyambah Astart, tapa daya Sidon, ka Molech adi tapa daya Ammon, tapa adi sipŭ anŭ.

2 RAJA 23:13

Josiah nyembar mija-sambah adi Raja Solomon pijog di timor Jerusalem, tura ka siratan Sandah Kanā, adi ngga nyambah tibudo tibudo adi sipŭ anŭ — Astart adi tapa tapa Sidon, Chemosh adi tapa Moab, ka Molech adi tapa Ammon.

ISAIAH 13:6

Nyikaong meh, amai andu TUHAN mbŭh sindŭk, tika TUHAN adi Bisa-pŭrŭg taban pinyirusag.

ISAIAH 14:31

Nyikaong meh, mite turung, sopŭrŭg ngan kupo kupo daya Philistine! Taru meh, sopŭrŭg ngan! Abun dabu mbŭh mandŭg so utara; anŭ inŭh bara tibaran soldadu, ka ndi naan mating adi pinakut di ruang-i.

ISAIAH 15:2

Daya Dibon maad sandah re muās di bari-sambah. Daya Moab nangŭng sien darŭm susah muās kupo Nebo ngga Medeba; ngara gumbak ubok ngga gagap ngara darŭm susah.

ISAIAH 16:7

Daya Moab re sien sabab pinyusah ngara. Sopŭrŭg ngara re muās kan ngara ingat pinguman adi kana adi ngara ko man di kupo Kir Heres. Pingarap ngara re miyap.

ISAIAH 23:1

Ati inŭh agah pasar Tyre. Nyikaong ngga susah, angān bara adi pimanu kapar adi di rawŭt! Kupo ngan di Tyre mbŭh dog pirabur; Ramin ngga pinyigŭn ngan mbŭh rusak. Darŭm angān pari so Cyprus, angān dingah agah-i.

ISAIAH 23:6

Nyikaong ngga susah, angān daya Phoenicia! Suba angān bu ka Spain!

JEREMIAH 4:8

Ngapŭi kasŭk piraka banang guni, ka muās ka sien sabab bisā baji TUHAN bayuh tingge Judah.

JEREMIAH 46:25

TUHAN Bisa-pŭrŭg, adi Tapa Israel, nang, “Aku re ngukum Amon, adi tapa daya Thebes, simŭnŭ gŭh Egypt ngga tapa tapa-i ka raja raja-i. Aku re tambit raja Egypt samŭn sopŭrŭg daya adi bisangan di ayŭh,

JEREMIAH 48:2

Sangŭn Moab mbŭh mating tia. Pinganyu mbŭh sirabut Heshbon ka mbŭh bipekat an pirabur bangsa Moab. Kupo Madmen re pajam; tibaran tibaran bara soldadu re baris di nyerang-i.

JEREMIAH 48:20

‘Moab mbŭh rabu,’ ngara re nam, ‘muās-i; Moab mbŭh dog pimangŭh. Piagah di barang naan daya di Yang Arnon nang Moab mbŭh dog pirabur!’

JEREMIAH 48:37

Sopŭrŭg ngara mbŭh nundo ubak ngara ka gumbak gagap. Sopŭrŭg ngara mbŭh nidi tangan ngara, ka barang naan mbŭh nēn piraka banang guni.

JEREMIAH 48:7

“Moab, kuu sabah di pinyibake ngga pinyikaya adŭp mu, pak madin kuu re dog ngarah gŭh; tapa mu Chemosh re dog taran ka rais tami, samŭn bara pinguasa-i ngga bara imam-i.

JEREMIAH 49:1

Ati inŭh kayuh adi TUHAN nang pasar Ammon: “Diki bara dari Israel? Mating kah daya re ngibān rais-i? Mani ngara bada daya adi nyambah Molech tambit tarun tana tibaran-asar Gad ka rŭŭ dieh?

JEREMIAH 51:8

Babylonia mbŭh nyirŭgŭh rabu ka mbŭh rabur! Ngurid-i! Tambit uri yŭn tawan-i, kadŭ-i dapŭd bua.

JEREMIAH 6:26

TUHAN nang di daya-I, “Kasŭk banang guni ka gurai adŭp ngan di apŭk. Bandar bandar muās mun angān muās anak tambŭ dari ngan, sabab sianŭ adi mandŭg di pirabur angān re gŭgŭh nyerang.

AMOS 1:15

Raja ngga bara pinurung pritah-i re dog nakap ka jadi daya adi dog taran ka rais tami.”

ZEPHANIAH 1:5

Aku re pirabur tadŭ tadŭ daya adi maad ka tibung ramin ka nyambah batŭh andu, buran, ka bitang bitang. Aku gŭh re pirabur daya adi nyambah Aku ka bipayu an tŭtŭd di Aku, pak komŭnŭ bipayu ngga dŭn tapa Molech.

JAMES 5:1

Dingah pinganang ku, angān adi kaya! Muās ka sien meh angān yŭn pinyusah anŭ adi re nyatŭk angān!

JOSHUA 7:2

Joshua pait kada daya so Jericho di ka Ai, kupo tura ka timor Bethel, sindŭk Bethaven, bada pirasa tarun tana anŭ. Muko ndai simŭnŭ,

JOSHUA 8:1

TUHAN nang di Joshua, “Taban sopŭrŭg soldadu ka di ka kupo Ai. Dŭhnyah taru bait jimŭ. Aku re nggen di angān pimanang, ngarah raja di Ai; bara daya-i, kupo-i, ngga tana-i re jadi tung jangān.

JOSHUA 8:28

Jadi Joshua sigot kupo Ai ka tandah-i jadi tibawang ndŭg andu ati.