JEREMIAH 49:18 - Hakcipta - Biatah Bidayuh

¹⁸ Kayuh adi re jadi di Edom inŭh samah ngga anŭ adi mbŭh jadi di Sodom ngga Gomorrah, kan-i ngga kupo kupo adi maning-i dog pirabur. Mating daya re rŭŭ dieh tia. Aku, adi TUHAN, mbŭh minyu.

JEREMIAH 49:18 ပူးပေါင်းရင်းမြစ်များ

MAZMUR 11:6

Ayŭh buan bam apui ka apui mirirang di tunduh daya adi ginaka; Ayŭh ngukum ngara ngga sabak paras.

ISAIAH 34:10

Sandu ngga singarŭm tar anŭ re sau, ka asuh re bijambung so dieh ndŭg situi tui. Tarun tana re dog tagan ndŭg ka matung so turap ndi ndŭg turap andi, ka mating daya re panu mutas-i tia.

JEREMIAH 23:14

Pak Aku mbŭh kiris bara nabi di Jerusalem ndai anŭ adi rabis arap: ngara tanggah ka kadong daya; ngara turung daya ndai sarah, ndŭg ka mating daya an ko ndai kayuh arap. Di Aku, sopŭrŭg ngara inŭh arap mun daya Sodom ngga Gomorrah.

JEREMIAH 49:33

Hazar re adu adu jadi tarun tana-pajam, tarun adi kaŭs-i yŭn kasong tarun bisukan. Mating daya re rŭŭ diginŭ tia. Aku, adi TUHAN, mbŭh minyu.”

JEREMIAH 50:40

Kayuh adi re jadi di Babylon inŭh mun kayuh adi mbŭh jadi di Sodom ngga Gomorrah, kan Aku pirabur-i samŭn kupo kupo adi maning anŭ. Mating daya re rŭŭ diginŭ tia. Aku, adi TUHAN, mbŭh minyu.

AMOS 4:11

“Aku pirabur kada so angān mun Aku pirabur Sodom ngga Gomorrah. Angān adi dŭh kabŭs mbŭh keya ka rangas adi sau pak dŭh rŭpŭg da apui. Babŭ gŭh angān dŭh pari ka Aku,” nang TUHAN.

ZEPHANIAH 2:9

Ngga adŭn Ku TUHAN adi udip, adi Tapa Israel, Aku bipayu Moab ngga Ammon re dog pirabur mun Sodom ngga Gomorrah. Rais rais anŭ re jadi tarun yŭn prigi garo ka adu adu jadi tibawang, adi mbŭh birasu ngga uduh. Bara daya Ku adi babŭ udip re pirinda ngara ka sirapas tana ngara.”

ROME 9:29

Nimun adi Isaiah ko nang dawŭ-i, “Kambŭi Tuhan adi Bisa-pŭrŭg dŭh nggen di ata bara sesang, ata mbŭh keya ka Sodom ngga Gomorrah.”

DITRONOMI 29:22

“Di bara turap adi re, sesang sesang ngan ngga bara pinami adi mandŭg so tarun tana adi jo re kiris pinyirusag ngga sangsara adi TUHAN mbŭh taban ka tarun tana ngan.

DITRONOMI 29:23

Tana ŭmŭh ngan re matung, dog nutu mirirang ka garo; mating kayuh bisa dog purun, ndŭg ka uduh abah gŭh timbu dieh. Tarun tana ngan re keya ka kupo Sodom, kupo Gomorrah, kupo Admah ngga kupo Zeboiim, adi TUHAN ko pirabur kan-I mbŭh raru baji.

2 PETER 2:6

Tapa mbŭh nunggu kupo Sodom ngga kupo Gomorrah, pirabur-i ngga apui, ka bada-i jadi suto kayuh adi re jadi di sinadan daya adi dŭh stabi di Tapa.

JUDE 1:7

Ingat ngan Sodom ngga Gomorrah, ka kupo kupo adi maning-i; pingandai daya-i brimun ngga pingandai bara malaikat anŭ, adi mbŭh sungak darŭm pingandai kais. Ngara mbŭh kinyam ukum darŭm apui neraka, adi jadi pinyibakan yŭn sopŭrŭg daya.