JEREMIAH 49:11 - Hakcipta - Biatah Bidayuh

¹¹ Tingge anak tumang ngan ngga Aku, ka Aku re kingat ngara. Bara dayung uban ngan dapŭd bisangan di Aku.

JEREMIAH 49:11 ပူးပေါင်းရင်းမြစ်များ

MAZMUR 68:5

Tapa, adi rŭŭ di Ramin kudus-I, kingat anak tumang ka grindung dayung uban.

JAMES 1:27

Adat adi Tapa Sama nyirundeng bisig buang sawŭ batur inŭh simuti: kingat jaga ngara adi tumang ka dayung uban di pinyusah ngara, ka jaga adŭp ngan so dog kinais ong ati.

HOSEA 14:3

Assyria dŭh dapŭd nyiramat kieh, ka kuda perang dŭh dapŭd grindung kieh. Kieh dŭh re tia nang di tibudo ami nang ngara inŭh Tapa ami. O TUHAN, Kaam masi di daya adi dŭh biyŭn daya adi bisa-i sabah.”

1 TIMOTHY 5:5

Dayung uban adi mbŭh rŭŭ sadi, dŭh biyŭn daya adi tukang jaga ayŭh, mbŭh na pingarap-i di Tapa buang adu adu simayang mite turung so Ayŭh sandu singarŭm.

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

JONAH 4:11

Rabis meh dinge, Aku patut masi di Nineveh, kupo bās anŭ. Kupo anŭ biyŭn rabis so 120,000 naan anak-sŭ adi dŭh biyŭn sarah, ka simŭnŭ gŭh dāng dāng!”

MAZMUR 146:9

Ayŭh grindung daya saruh adi udip di tarun tana ta; Ayŭh turung dayung uban ngga anak tumang, pak pirabur daya adi ginaka.

MAZMUR 82:3

Ngibān hak daya adi sirata ngga anak tumang; tŭnggŭn di pingatur ngan yŭn daya adi rumuh ngga adi dŭh biyŭn kuasa.

DITRONOMI 10:18

Ayŭh raan natu bara anak tumang ngga bara dayung uban dog nimbang ngga nakit; Ayŭh rindu bara daya pinami adi rŭŭ bigaur ngga bangsa ta, ka nggen di ngara pinguman ngga pimakai.

ZECHARIAH 7:10

Dŭhnyah kinanyuh dayung uban, anak tumang, daya tami adi rŭŭ di ruang ngan, bait tadŭ tadŭ daya adi udip susah. Ka dŭhnyah bipusar an kandam dingan ngan.’