JEREMIAH 48:44 - Hakcipta - Biatah Bidayuh

⁴⁴ Asi asi adi suba an pirupas adŭp-i so pinyitaru anŭ re rabu ka darŭm rubang, ka asi asi adi jakŭh an ruah so rubang anŭ re dog jarat, sabab TUHAN mbŭh miratak tika adi ngga Moab dog pirabur.

JEREMIAH 48:44 ပူးပေါင်းရင်းမြစ်များ

1 RAJA 19:17

Tadŭ tadŭ daya adi bu taru adŭp-i dog siŭ Hazael re dog siŭ Jehu, ka tadŭ tadŭ daya adi bu taru adŭp-i dog siŭ Jehu re dog siŭ Elisha.

1 RAJA 20:30

Adi dŭm babak bu di ka kupo Aphek, di yŭn sindung kupo tumbang nyatŭk ngara. Benhadad gŭh bu di ka kupo anŭ ka bisukan darŭm birit tura ka punok ndi ramin.

ISAIAH 10:3

Ani re angān ndai kan Tapa ngukum angān? Ani re angān ndai kan Ayŭh taban pinyirusag so rais adi jo? Kamaki angān mite turung? Diki angān sukan pinyikaya ngan?

ISAIAH 24:17

Dingah aku, sopŭrŭg daya! Pinyitaru, rubang, ka jarat mbŭh kajŭn angān.

ISAIAH 24:18

Daya adi suba an bu mangān pinyitaru re rabu darŭm rubang, ka daya adi bu mangān rubang re dog jarat. Ujen bangat re rabu so rangit ka pimŭnŭs ong re bigugoh.

JEREMIAH 10:15

Tibudo tibudo anŭ dŭh biguna ka patut dog ngamun; sopŭrŭg-i re dog pirabur kan TUHAN mandŭg di pitumbang-i.

JEREMIAH 11:23

Aku mbŭh miratak tika adi ngga Aku pait pinyirusag bada nyatŭk daya Anathoth, ka kan tika anŭ mbŭh mandŭg, mating so ngara re dŭm.”

JEREMIAH 16:16

TUHAN nang, “Aku bagan bada mandŭg bagŭ pinakap iken bada nakap bara daya ati. Komŭnŭ Aku re bagan bada mandŭg bara pingasū bada ngasū ngara di barang darŭd ngga sandah ka darŭm tāng di darŭd batuh.

JEREMIAH 23:12

Aran adi ngara kadŭg re jarŭh ka karŭm; Aku re bada ngara sikak sikakong ka rabu. Aku re taban pinyirusag bada nyatŭk ngara; tika ukum ngara mbŭh sindŭk. Aku, adi TUHAN, mbŭh minyu.

JEREMIAH 46:21

Ndŭg ka bara soldadu-i adi dog bayar dŭh dapŭd ndai ani ani mun anak sapi. Ngara dŭh re tan biperang; sopŭrŭg ngara re bigiring ka bikaduh bu. Andu ukum ngara mbŭh mandŭg, andu adi ngga ngara dog pirabur.

JEREMIAH 49:8

Daya Dedan, bikaduh bu! Bisukan! Aku re pirabur bara sesang Esau, sabab tika-i mbŭh mandŭg adi ngga Ku ngukum ngara.

JEREMIAH 50:24

Babylonia, kuu rawan Aku, ka kuu mbŭh dŭh rada adŭp mu mŭrŭt ka darŭm jarat adi Aku mbŭh tŭŭn ngga nakap kuu.

JEREMIAH 50:27

Siŭ sopŭrŭg soldadu ngara! Simŭnŭ inŭh nasip ngara, amai tika ngara dog ukum mbŭh mandŭg!”

JEREMIAH 51:18

Ngara au-tarun ka patut dog ngamun; ngara re dog pirabur kan TUHAN mandŭg di nggen ukum.

JEREMIAH 8:12

Daya Ku, mangŭh kah angān ripas angān ndai kayuh adi sipŭ anŭ? Dŭh, angān manŭn dŭh mangŭh; raŭn ngan dŭh gŭh pandai marui bireh! Ngapŭi angān re rabu mun ngara adi bŭkŭn mbŭh rabu; kan Aku ngukum angān, anŭ re pimungan ngan. Aku, adi TUHAN, mbŭh minyu.

PUĀS 3:47

Kieh mbŭh dog nyatŭk pinyirusag ka asur; kieh udip rapā yŭn kayuh adi bisā ngga kayuh adi dog taru.

HOSEA 9:7

Tika ngga ngukum mbŭh mandŭg, tika adi ngga daya trima baras yŭn kayuh adi mbŭh ngara ndai. Kan-i mbŭh jadi simŭnŭ, daya Israel re puan! “Nabi ati,” angān nang, “inŭh budo. Daya ati adi dog pait Tapa inŭh gira.” Angān ruai tiru di aku sabab dosa ngan mbŭh raru bagŭ.

AMOS 5:19

Anŭ re keya ka daya bikaduh mangān singah pak bidapŭd ngga buāng! Puan kah keya ka daya mari ka ramin-i ka na tangan-i di sindung — pak dog nyingŭt jippŭh!

MICAH 7:4

Ngara adi siabo kana ngga adi siabo tŭnggŭn babŭ gŭh dŭh biguna mun uduh. Andu mbŭh mandŭg adi ngga Tapa re ngukum daya, sak adi muko-I bakan so baba bara nabi-I adi keya ka tukang nyibatŭh. Ngara madin mbŭh kandang-kandŭ riruk.