JEREMIAH 48:38 - Hakcipta - Biatah Bidayuh

³⁸ Di tibung sopŭrŭg ramin di Moab ka di sopŭrŭg pakan taŭn mbŭh yŭn daya ngurid adŭ, sabab Aku mbŭh pirandŭk Moab mun tipayan adi dŭh daya raan.

JEREMIAH 48:38 ပူးပေါင်းရင်းမြစ်များ

MAZMUR 2:9

Kuu re pirandŭk ngara pakai sikud basi; kuu re pirandŭk ngara bada asur keya ka priok tana.’ ”

ISAIAH 15:3

Daya di aran nēn banang guni; di pakan kupo ka di tibung ramin daya muās ka sien.

ISAIAH 22:1

Ati inŭh agah pasar Rubān Pinandŭng. Ani mbŭh jadi? Mani sopŭrŭg daya darŭm kupo bigawai di tibung ramin?

ISAIAH 30:14

Angān re papar mun priok tana, randŭk ndŭg ka mating adi sadang mati-i ngga tambit bam apui, puan kah ngga nyauk piin so darŭm tipayan.”

JEREMIAH 19:10

Komŭnŭ TUHAN bada aku mape tipayan anŭ di sirung jawin ngara adi agi sua ngga aku

JEREMIAH 19:11

ka bada aku kidaan di ngara nang TUHAN Bisa-pŭrŭg mbŭh nang, “Aku re pirandŭk bara daya ati ngga kupo ati, ka-i re jadi mun pape tipayan anŭ ka dŭh dapŭd dog ndai bada pari kana. Daya re kubur dingan ngara adi kabŭs di Topheth ani, sabab mating tarun bŭkŭn re yŭn kubur ngara.

JEREMIAH 22:28

Aku nang, “Agi kah Raja Jehoiachin jadi keya ka tipayan adi pape adi dog taran ka mating daya raan-i? Anŭ kah sabab ayŭh ngga bara anak-i dog taran ka rais tami, rais adi dŭh ngara puan?”

JEREMIAH 25:34

Sien angān, bara pinguru, angān bara pingingat daya Ku, sien bana! Ngurid ka gurai marik adŭp ngan di tana. Tika re mandŭg adi ngga ngan dog siŭ, ka angān re dog natad mun dari biri.

HOSEA 8:8

Israel mbŭh jadi keya ka bangsa bŭkŭn ka mbŭh dŭh biguna mun priok adi pape.

MATTHEW 10:27

Kayuh adi Aku kidaan di angān darŭm karŭm angān dŭh siŭn dŭh an pari nyabŭt-i darŭm jawa sandu, ka kayuh adi angān dingah darŭm bisukan angān dŭh siŭn dŭh an piranggah-i so tibung ramin.