JEREMIAH 48:26 - Hakcipta - Biatah Bidayuh

²⁶ TUHAN nang, “Bada Moab mabuk, sabab-i mbŭh rawan Aku. Moab re bigurai di uta adŭp-i, ka daya re tawŭh.

JEREMIAH 48:26 ပူးပေါင်းရင်းမြစ်များ

JOB 15:25

Simŭnŭ inŭh nasip ngara adi rawan Tapa ka natang Ayŭh adi Bisa-pŭrŭg.

JOB 9:4

Tapa inŭh raru bijak ka bikuasa; mating daya tungang rawan Ayŭh.

MAZMUR 2:4

So takta-I di shorga TUHAN tawŭh ka nyirimbe pusar ngara adi dŭh biguna.

MAZMUR 59:8

Pak Kaam tawŭh ngara, TUHAN; ka pimangŭh daya adi dŭh puan Kaam.

MAZMUR 60:3

Kaam mbŭh bada daya Mai sangsara; kieh tibabeu panu keya ka daya mabuk.

MAZMUR 75:8

TUHAN digŭng saker di tangan-I brisi ngga wain baji-i adi bisā. Ayŭh ren-i, ka sopŭrŭg daya ginaka nok-i; ngara nok-i ndŭg abo.

PINYIRUAH 5:2

“Asi TUHAN anŭ?” raja siken. “Re ngga mani aku tunda pinganang-I ka bada daya Israel bu ruah so ti? Aku dŭh puan TUHAN anŭ; ka aku dŭh re bada daya Israel ruah so rais ati.”

PINYIRUAH 9:17

Pak kuu gibabŭ gŭh dŭh tigŭgŭs ka dŭh raan piruah daya Ku.

ISAIAH 10:15

Pak TUHAN nang, “Bisa kah kapak nang adŭp-i bās dŭ so daya adi pakai-i? Agi kah grigaji biguna dŭ so daya adi pakai-i ngga gŭrot kayuh? Pukong dŭh pakat daya; daya pakat pukong.”

ISAIAH 19:14

TUHAN mbŭh bada ngara nggen pinyitayan adi bada daya riruk. Sabab anŭ meh, Egypt ndai barang masam kayuh adi sarah ka tibabeu di kraja-i keya ka daya mabuk tibabeu tirusap di uta adŭp-i.

ISAIAH 28:8

Mija ngara puno ngga uta, ka mating tapo adi bisig.

ISAIAH 29:9

Jadi budo adŭ nŭh! Jadi karak adŭ nŭh! Jadi mabuk adŭ nŭh pak dŭh sabab wain! Tibabeu adŭ nŭh pak dŭh sabab arak!

ISAIAH 51:17

Jerusalem, makat! Kies adŭp mu ka makat! Kuu mbŭh nok saker ukum adi TUHAN darŭm baji-I mbŭh nggen di kuu bada nok; kuu nok-i, ka-i bada kuu tibabeu.

ISAIAH 63:6

Darŭm baji Ku Aku bidigang di tunduh sopŭrŭg bangsa ka bada ngara asur. Aku basen deya ngara di tana.”

JEREMIAH 48:39

Moab mbŭh asur! Sien! Moab mbŭh dog pimangŭh. Moab mbŭh rubuh, ka sopŭrŭg bangsa adi maning-i tawŭh ayŭh. Aku, adi TUHAN, mbŭh minyu.”

JEREMIAH 48:42

Moab re dog pirabur ka re dŭh tia jadi ndi bangsa, sabab-i nyambuh adŭp-i rawan Aku.

JEREMIAH 50:29

“Kidaan di bara soldadu adi tukang nimbak reja-panah bada nyerang Babylon. Tijuan barang naan daya adi pandai pakai bawŭh ngga reja-panah. Nyikapung kupo anŭ ka dŭhnyah bada tadŭ daya ruah. Maras di tunduh-i sopŭrŭg kayuh adi muko-i ndai, ka ndai di tunduh-i nimun-i mbŭh ndai di tunduh daya bŭkŭn, sabab-i mbŭh ndai simŭnŭ ngga atin gambung rawan Aku, adi Kudus yŭn Israel.

JEREMIAH 51:39

Ngara pirusong? Aku re sidia gawai yŭn ngara ka bada ngara mabuk ka pawŭn. Ngara re bŭŭs ka re ruro dŭh makat.

JEREMIAH 51:57

Aku re bada bara pimritah-i mabuk — ngara adi bijak, ngara adi pinguru, ka bara soldadu-i. Ngara re bŭŭs ka re ruro dŭh makat. Aku, adi TUHAN, mbŭh minyu, Aku ati TUHAN Bisa-pŭrŭg.

JEREMIAH 51:7

Babylonia inŭh keya ka saker mas di tangan Ku, bada ndi ong ong nok. Bangsa bangsa nok wain-i ndŭg ka ngara mbŭh jadi gira.

PUĀS 1:21

“Dingah sidaing ku; mating daya nyaduh aku. Pinganyu ku gaŭn amai Kaam bada pinyirusag nyatŭk aku. Taban andu anŭ adi Kaam mbŭh janji; bada pinganyu ku sangsara mun aku.

PUĀS 3:15

Sangsara bās inŭh adi-I nggen di aku ndu pinguman ka nok.

PUĀS 4:21

Tawŭh meh, daya Edom ngga daya Uz; bada adŭp ngan gaŭn darŭm angān babŭ dapŭd. Pinyirusag re mandŭg gŭh nyatŭk angān; angān gŭh re sitabet ka tibabeu amai mabuk.

DANIEL 11:36

“Raja Syria re ndai nanyam suka asŭng-i. Ayŭh re mingangŭn adŭp-i bās dŭ so tadŭ tadŭ tapa, bigatung dŭ so Tapa adi Siabo Bigatung. Ayŭh re tungang ndai simŭnŭ ndŭg ka andu adi ngga Tapa ngukum ayŭh. Tapa re ndai nimun adi mbŭh-I ngatur.

DANIEL 5:23

Kaam mbŭh rawan TUHAN adi pinguasa di rangit. Kaam mbŭh pakai saker ngga makuk adi dog taban so Ramin TUHAN. Kaam, bara pingibās mai, bara sawŭn ami, ka bara dayung nyikŭn mai nok wain so dieh ka muji tapa adi dog ndai so mas, so pirak, so timaga, so basi, so kayuh, ka so batuh — bara tapa adi dŭh kiris tarun, dŭh dingah kayuh, dŭh puan ani ani. Pak kaam dŭh stabi di Tapa adi bada kaam udip bait kabŭs ka adi nguasa sopŭrŭg kayuh adi kaam ndai.

DANIEL 8:10

Ayŭh mbŭh jadi makin sukup bake ngga nyerang bara tibaran soldadu shorga, adi adŭp dudu bitang, ka-i taran kudu kudu bitang anŭ ka tana ka bidigang dieh.

NAHUM 3:11

Nineveh, kuu gŭh re mabuk. Kuu gŭh re suba pirupas adŭp mu so pinganyu mu.

HABAKKUK 2:16

Madin adŭp ngan re dog pimangŭh ka dŭh dog stabi. Adŭp ngan re nok ka tibabeu. TUHAN re bada angān nok so saker ukum, ka udip stabi ngan re marui jadi mangŭh.

2 THESSALONICA 2:4

Ayŭh re rawan sopŭrŭg anŭ adi daya kadŭn tapa. Ayŭh re bada adŭp-i bikuasa dŭ so sopŭrŭg anŭ adi manusia nyambah. Rabis so anŭ, Ayŭh re mŭrŭt ka guru darŭm Ramin Tapa, ka kadŭn adŭp-i Tapa.

PINANDŬNG 16:19

Kupo bās mbŭh tipire nyitaruh, ka kupo kupo di barang rais mbŭh rubuh. Tapa ingat Babylon adi bās ka mbŭh bada-i nok wain so makuk-I, wain baji-I.