JEREMIAH 48:14 - Hakcipta - Biatah Bidayuh

¹⁴ “Daya Moab, mani angān nang adŭp ngan pimagan, bara soldadu adi ko dog suba darŭm perang?

JEREMIAH 48:14 ပူးပေါင်းရင်းမြစ်များ

MAZMUR 11:1

Aku sabah di TUHAN yŭn pinyigrindung. Munki masam budo-i kuu nang di aku, “Mikabur mun manuk di ka darŭd,

MAZMUR 33:16

Raja dŭh manang sabab kuasa bara soldadu-i; soldadu dŭh manang sabab pinyibake-i.

EKLISIASTIS 9:11

Agi dinge adi aku rada: daya adi tukang bikaduh dŭh re ari manang, ka daya adi pagan dŭh re ari manang darŭm biperang. Daya adi bijak dŭh re ari dapŭd pinguman, daya adi pitar dŭh re ari dapŭd kaya, ka daya adi pandai dŭh re ari dapŭd paad pangkat. Nasip arap jadi di barang naan daya.

ISAIAH 10:13

Darŭm gambung-i raja-empaya Assyria nang, “Aku mbŭh ndai sopŭrŭg-i sadi adŭp ku. Aku bake, bijak ka pandai. Aku taran baat tana rais bangsa bangsa ka sirapas pinyirikŭn-rata ngara. Mun dari sapi aku bidigang di daya adi rŭŭ diginŭ.

ISAIAH 10:16

TUHAN Bisa-pŭrŭg re pait andam ngga ngukum ngara adi man bisoh madin. Darŭm pŭrŭng ngara re agi apui adi adu adu badang.

ISAIAH 16:6

Daya Judah nang, “Kieh mbŭh dingah munki masam sambuh-i daya Moab. Kieh puan ngara minyu gambung ka miruap, pak pinganang ngara inŭh au-tarun.”

JEREMIAH 49:16

Atin sambuh ngan mbŭh nipu angān. Mating daya taru di angān sak adi nang ngan. Angān rŭŭ di jenjang adi pibatuh, bigatung di tibung darŭd; pak sunggu angān rŭŭ di tarun yŭn adi bigatung mun beuh, TUHAN babŭ gŭh re taban angān ka sagān. TUHAN mbŭh minyu.”

JEREMIAH 8:8

Birani angān nang adŭp ngan bijak ka puan ukum-adat Ku? Tingga, ukum ukum-adat mbŭh dog ngubah gurū gurū adat adi dŭh tŭnggŭn.

JEREMIAH 9:23

TUHAN nang, “Daya adi bijak dŭh patut mingangŭn pasar pinyibijak ngara, simŭnŭ gŭh daya adi bake pasar pinyibake ngara, simŭnŭ gŭh daya adi kaya pasar pinyikaya ngara.

EZEKIEL 30:6

TUHAN nang, “So Migdol di parad utara ndŭg Aswan di parad siratan, sopŭrŭg pingibān Egypt re dog siŭ darŭm perang. Tibaran bara soldadu Egypt adi sambuh anŭ re dog pirabur. Aku, adi TUHAN Raja, mbŭh minyu.

ZEPHANIAH 2:10

Simŭnŭ inŭh daya Moab ngga daya Ammon re dog ukum amai uap-sambuh ngara ka amai ngara ngamun daya TUHAN Bisa-pŭrŭg.