JEREMIAH 48:11 - Hakcipta - Biatah Bidayuh

¹¹ TUHAN nang, “Tian-ti Moab ari udip pagŭng ka bŭn dog taran ka rais tami. Moab mbŭh keya ka wain adi dog tandah tui ka dŭh dog ren so tipayan ndi ka tipayan andi. Sap-i babŭ kana, ka babŭ buuh sidi.

JEREMIAH 48:11 ပူးပေါင်းရင်းမြစ်များ

MAZMUR 123:4

Kieh mbŭh tui dog tawŭh daya kaya ka dog ngamun bara adi sambuh adi kinanyuh kieh.

MAZMUR 55:19

Tapa, adi mbŭh mritah so ndun jah, re dingah aku ka ngarah ngara; amai ngara abah birubah, ka ngara dŭh taru Ayŭh.

PITAS 1:32

Daya adi gibayuh sukup puan ka mirati kayuh, kabŭs sabab ngara tirawan pinyibijak. Daya budo dog siŭ adŭp urah ngara adi dŭh raan mbit bat di kayuh.

ISAIAH 16:6

Daya Judah nang, “Kieh mbŭh dingah munki masam sambuh-i daya Moab. Kieh puan ngara minyu gambung ka miruap, pak pinganang ngara inŭh au-tarun.”

ISAIAH 24:3

Ong re riyŭk ka rusag; TUHAN mbŭh minyu ka-i re sawŭ jadi.

ISAIAH 25:6

Digiti di Sandah Zion TUHAN Bisa-pŭrŭg re sidia gawai yŭn sopŭrŭg bangsa di ong; gawai man pinguman adi grua ka nok wain adi siabo kana.

JEREMIAH 22:21

TUHAN minyu ngga angān di tipuh angān mujur ka kaya, pak angān abah dingah. Simŭnŭ inŭh angān sitŭkŭd udip ngan; angān abah nundok di TUHAN.

JEREMIAH 48:12

“Jadi madin, tika-i mbŭh mandŭg adi ngga Aku re pait daya bada ren Moab keya ka wain. Ngara re kangan tipayan wain ngara ka mape-i bada randŭk.

JEREMIAH 48:29

Moab inŭh raru sambuh! Aku agi dingah munki masam sambuh, gambung, miruap inŭh daya-i, ka nyibaga adŭp ngara.

JEREMIAH 51:34

Raja Babylonia ko natad Jerusalem ka man-i. Ayŭh kangan kupo mun kangan tipayan; mun raja dāng ayŭh tŭrŭn-i. Ayŭh tambit kayuh adi-I raan ka taran adi bŭkŭn.

NAHUM 2:10

Nineveh dog pirabur, dog pirinda, ka dog tandah! Amai taru, pinyipagan daya miyap; karŭb kimŭtŭr, mating meh tia pinyibake; sopŭrŭg raŭn daya marui pusat.

NAHUM 2:2

(TUHAN re pari bragah Israel, bada mun adi dawŭ-i sibayuh pinganyu pirinda-i.)

ZEPHANIAH 1:12

“Di tika anŭ Aku re tambit prita ka nyiru Jerusalem. Aku re ngukum daya adi mbŭh puas ka adi dŭh gapang, adi nang dupan adŭp ngara, ‘TUHAN dŭh re ndai ani ani, simuti bait simŭnŭ.’

ZECHARIAH 1:15

ka Aku raru baji di bangsa bangsa adi kinyam sanang buang bamai. Amai darŭm Aku nyijŭn baji Ku di daya Ku, bangsa bangsa anŭ bada daya Ku rabis sangsara.