JEREMIAH 43:12 - Hakcipta - Biatah Bidayuh

¹² Aku re badang bari bari-sambah tapa daya Egypt, ka raja Babylonia re badang tapa tapa ngara bait taban-i ngga bu. Nimun pingingat-biri pibisig piraka so gutis, simŭnŭ gŭh raja Babylonia re pibisig tarun tana Egypt ka bu ngga pimanang.

JEREMIAH 43:12 ပူးပေါင်းရင်းမြစ်များ

2 SAMUEL 5:21

Kan bara daya Philistine mbŭh bu, ngara tingge tibudo tibudo ngara, ka David ngga bara daya-i taban-i ngga bu.

ESTHER 6:9

Komŭnŭ bada ndi naan pingibās mai adi siabo bās pangkat-i kasŭk piraka anŭ di daya anŭ ka nguru ayŭh, guru di tunduh kuda, panu so pakan kupo. Bada pingibās anŭ piranggah buang ngara panu: ‘Tingga munki raja ngupah daya adi-i raan stabi dieh!’ ”

JOB 40:10

Kambŭi dapŭd, mijog garang ka mingangŭn; kibarui adŭp mu ngga kuasa ka bragah.

MAZMUR 104:2

Kaam marut adŭp Mai ngga jawa. Kaam mamad rangit keya ka sakŭb bari

MAZMUR 132:16

Aku re nyiberkat bara imam-i darŭm sopŭrŭg pingandai ngara, ka daya-i re biragu ka nyirais amai gaŭn.

MAZMUR 132:18

Aku re bada pinganyu-i mangŭh, pak pinyipritah-i re mujur ka kambang.”

PINYIRUAH 12:12

“Ngarŭm anŭ Aku re panu kudak Egypt, siŭ barang anak pinuai dari daya Egypt samŭn anak bungas dari dāng ngara, ka ngukum sopŭrŭg tapa Egypt. Aku ati TUHAN.

ISAIAH 19:1

Ati inŭh agah pasar Egypt. TUHAN mandŭg ka Egypt, guru di tunduh abun adi raju nyisayar taban ayŭh. Tibudo tibudo Egypt kimŭtŭr di sirung jawin-I, ka pinyipagan daya Egypt miyap.

ISAIAH 21:9

Gŭgŭh ngara mandŭg! Daya nunggang kuda, mandŭg duwŭh duwŭh naan. Daya adi tukang jaga anŭ rasu piagah, “Babylon mbŭh rubuh! Sopŭrŭg tibudo adi ngara nyambah mbŭh randŭk di tana.”

ISAIAH 46:1

“Ati inŭh pimungan tapa tapa Babylon! Bel ngga Nebo ko dawŭ-i dog nyambah, pak madin dog na di tunduh kaldi, jadi pinyirabis adi bat yŭn dāng adi mbŭh kawŭk.

ISAIAH 46:2

Tibudo dŭh dapŭd nyiramat adŭp-i; dog sirapas ka dog taban ngga bu. Simŭnŭ inŭh pimungan tapa tapa Babylon!

ISAIAH 49:18

Tingga bait tauh mu kayuh adi mbŭh jadi! Daya mu piguru tikuruk; ngara mbŭh aŭn mari! Siragi Aku ati Tapa adi udip, kuu re sanang asŭng di daya mu, nimun pingaten dayung sanang di batuh batuh brega-i.

ISAIAH 52:1

Jerusalem, pari bake ka bās dinge! Kupo adi kudus, kibarui adŭp mu ngga piraka mu adi sangŭn! Daya tami adi ko pirusag kupo kudus mu re dŭh tia mŭrŭt kuu dinge.

ISAIAH 59:17

Ayŭh re pakai pinyitŭnggŭn ndu jipo basi ka kuasa nyiramat ndu tupi basi. Ayŭh re kibarui adŭp-I ngga pinyiraan an bada kayuh batur, ka ngukum ka ngatur diki adi sarah.

ISAIAH 61:10

Jerusalem gaŭn sabab kayuh adi TUHAN mbŭh ndai. ayŭh mbŭh keya ka pingaten dayung adi muko bisasat yŭn re sawan. Tapa mbŭh kibarui ayŭh ngga pinyiramat ka pimanang.

ISAIAH 61:5

Daya Ku, daya tami re bituan di angān. Ngara re kingat dāng kudip ngan ka nyiraja di tana ngga teya anggor ngan.

JEREMIAH 10:11

(Kuu dŭh siŭn dŭh kidaan di ngara nang tapa tapa adi dŭh napa ong ngga rangit re dog pirabur. Ngara re miyap so ong.)

JEREMIAH 10:15

Tibudo tibudo anŭ dŭh biguna ka patut dog ngamun; sopŭrŭg-i re dog pirabur kan TUHAN mandŭg di pitumbang-i.

JEREMIAH 25:19

Ati inŭh susud dŭn ngara adi bŭkŭn adi patut nok so saker anŭ: raja Egypt, bara pinurung-i ngga bara pinguru-i; sopŭrŭg daya Egypt ngga sopŭrŭg daya tami adi rŭŭ di Egypt; sopŭrŭg raja di tarun tana Uz; sopŭrŭg raja Philistine di kupo Ashkelon, kupo Gaza, kupo Ekron, ka bara daya adi babŭ udip di Ashdod; sopŭrŭg daya Edom, daya Moab, ngga daya Ammon; sopŭrŭg raja di Tyre ngga di Sidon; sopŭrŭg raja di purau purau Mediterranean; kupo Dedan, kupo Tema, ngga kupo Buz; sopŭrŭg daya adi bada ubok ngara purok; sopŭrŭg raja di Arabia; sopŭrŭg raja tibaran tibaran-asar di tarun tana-pajam; sopŭrŭg di Zimri, di Elam, ka di Media; sopŭrŭg raja di utara, adi jo ngga adi sindŭk, ndi ngga ndi ngara. Barang bangsa di tunduh tana ong patut nok so saker anŭ. Sikasŭn-i adŭp raja Babylonia re nok so dieh.

JEREMIAH 43:13

Ayŭh re pirabur batuh batuh pinatŭng pirapu' di Heliopolis di Egypt ka re badang bari bari-sambah tapa daya Egypt.”

JEREMIAH 46:25

TUHAN Bisa-pŭrŭg, adi Tapa Israel, nang, “Aku re ngukum Amon, adi tapa daya Thebes, simŭnŭ gŭh Egypt ngga tapa tapa-i ka raja raja-i. Aku re tambit raja Egypt samŭn sopŭrŭg daya adi bisangan di ayŭh,

JEREMIAH 48:7

“Moab, kuu sabah di pinyibake ngga pinyikaya adŭp mu, pak madin kuu re dog ngarah gŭh; tapa mu Chemosh re dog taran ka rais tami, samŭn bara pinguasa-i ngga bara imam-i.

JEREMIAH 49:27

Aku re badang sindung Damascus ka re sigot bada rŭpŭg istana istana Raja Benhadad. Aku, adi TUHAN Bisa-pŭrŭg, mbŭh minyu.”

JEREMIAH 50:2

“Kidaan agah anŭ di bangsa bangsa! Piagah-i! Nggen tandā ka pigarau agah anŭ! Dŭhnyah sukan-i! Babylon mbŭh rabu! Tapa-i Marduk mbŭh asur! Tibudo tibudo Babylon mbŭh dog pimangŭh, Gayŭn gayŭn-i adi sipŭ anŭ mbŭh dog pirandŭk!

JEREMIAH 51:44

Aku re ngukum Bel, adi tapa Babylonia, ka bada ayŭh nggen pari kayuh adi-i ko naku. Bangsa bangsa re dŭh tia nyambah ayŭh. “Sindung Babylon mbŭh rubuh.

EZEKIEL 29:11

Mating manusia bait dāng re panu mutas tarun anŭ. Sitŭkŭd pat puru sawa mating kayuh re udip diginŭ.

EZEKIEL 29:19

Sabab anŭ meh, ati inŭh kayuh adi Aku, TUHAN Raja, nang: Aku nggen tarun tana Egypt di Raja Nebuchadnezzar. Ayŭh re mirupak ka pirinda rais anŭ ka taban ngga bu sopŭrŭg buat-rata Egypt ngga bayar gaji tibaran bara soldadu-i.

EZEKIEL 30:13

TUHAN Raja nang, “Aku re pirabur tibudo tibudo ngga tapa tapa kadong di Memphis. Re mating daya mritah Egypt, ka Aku re pitaru sopŭrŭg daya diginŭ.

DANIEL 11:8

Ayŭh re taban pari ka Egypt dudu patong tapa tapa ngara ngga kayuh kayuh adi dog ndai so mas ngga pirak adi dog nitah ka tapa tapa ngara. Ripas kudu kudu sawa udip darŭm damai

ZEPHANIAH 2:11

TUHAN re pitaru ngara. Ayŭh re pirandŭk tapa tapa di ong, ka komŭnŭ barang naan daya re nyambah Ayŭh, masin masin di rais adŭp-i.

ROME 13:12

Ngarŭm mbŭh re ripuan, andu mbŭh re nusak. Ja meh ata taran pingandai karŭm, ka sidia yŭn pimudip darŭm jawa.

EPHESUS 4:24

ka adŭp ngan dŭh siŭn dŭh an kasŭk pimudip adi bauh, adi dog napa nunda ka gayŭn Tapa ka nandŭng adŭp-i darŭm pimudip adi sawŭ, anŭ inŭh adi tŭnggŭn buang kudus.

EPHESUS 6:11

Kasŭk sopŭrŭg pimakai-basi adi Tapa mbŭh nggen di angān, isa angān tungang tak adŭp ngan so akar Siarap.

COLOSSAE 3:12

Angān mbŭh bara daya adi Tapa dapu; Ayŭh rindu angān ka mbŭh mien angān da jadi daya adi-I dapu. Jadi meh angān dŭh siŭn dŭh kasŭk di adŭp ngan atin masi, atin mandis, atin tŭkŭn, atin duduh, ka atin sabar.

COLOSSAE 3:14

Ka di sopŭrŭg pingandai kana anŭ angān an nambah pinyirindu, adi ngabŭt sopŭrŭg kayuh da birasŭk jadi ndi.