JEREMIAH 42:6 - Hakcipta - Biatah Bidayuh

⁶ Bidua ka TUHAN yŭn ami. Ka pinyinam-I, bait-i adi pimunos asŭng puan kah adi dŭh pimunos asŭng, kieh re nundok di Ayŭh. Sopŭrŭg kayuh re kana yŭn ami kambŭi kieh dingah pinganang-I.”

JEREMIAH 42:6 ပူးပေါင်းရင်းမြစ်များ

MAZMUR 128:2

Pingandai ngan re taban utung ka angān; angān re sanang ka mujur.

MAZMUR 78:36

Pak pinganang ngara, sopŭrŭg-i pinganang kadong; mating adŭ kayuh adi nang ngara sawŭ.

PINYIRUAH 24:7

Komŭnŭ ayŭh tambit surat simanya, di yŭn sopŭrŭg pesan TUHAN mbŭh dog nuris, ka basa-i ngga sirŭŭn bana di bara daya. Ka bara daya nang, “Kieh an tunda pinganang TUHAN ka ndai sopŭrŭg kayuh adi Ayŭh mbŭh pesan.”

ISAIAH 3:10

Daya tŭnggŭn re sanang ka siramat. Ngara re dapŭd pimunos adŭp ngara ngga kayuh adi ngara dapŭd so turang udas adŭp ngara.

JEREMIAH 22:15

Bisa kah anŭ bada kuu jadi raja adi rabis kana kambŭi kuu pijog ramin ngga kayuh sedar, grua so tung daya bŭkŭn? Sama mu udip sanang. Ayŭh ari kana ngga daya ka bŭn marad ngga asi asi, ka ayŭh mujur darŭm sopŭrŭg pingandai-i.

JEREMIAH 43:4

Jadi mating meh daya bait Johanan bait tadŭ so bara pingubak soldadu tunda pesan TUHAN, anŭ inŭh babŭ rŭŭ di tarun tana Judah.

JEREMIAH 7:23

Pak Aku agi pesan ngara bada nundok di Aku, isa Aku jadi Tapa ngara ka ngara jadi daya Ku. Ka Aku bada ngara udip nanyam ka pesan Ku di ngara, isa ngara udip sanang.

ROME 7:13

Pak agi kah sirati-i kayuh adi kana mbŭh bada aku kabŭs? Dŭh! Dosa inŭh adi bada aku kabŭs; pakai kayuh adi kana, dosa taban pinyikabŭs ka aku, siŭn ani sibandar dosa bisa dog pinandŭng. Jadi meh, ngga Pinyipesan anŭ dosa dog kiren munki masam sipŭ-i.

ROME 7:7

Bisa kah ata nang garang, Ukum-adat kayuh adi bidosa? Manŭn dŭh! Pak Ukum-adat inŭh adi bada aku puan ani dosa. Kambŭi Ukum-adat mating nang, “Dŭhnyah ripong di kayuh adi daya dapu,” aku taŭn dŭh re puan pinyiripong adi mun anŭ.

ROME 8:7

Jadi daya jadi pinganyu Tapa kan ngara dog nguasa tibiat manusia; amai ngara dŭh sita ukum-adat Tapa, buang sibandar-i ngara dŭh tungang sita-i.

DITRONOMI 5:27

Di pari, Moses, ka nyiringa sopŭrŭg kayuh adi TUHAN adi Tapa ta nang. Muko anŭ, pari ka kidaan di kieh kayuh adi nang-I di kuu. Kieh an dingah ka tunda-i.’

DITRONOMI 5:29

Kasi kah kambŭi ngara ari mun anŭ! Kasi kah kambŭi ngara ari stabi di Aku ka tunda sopŭrŭg pesan Ku, isa ngara ngga bara sesang ngara adu adu sanang.

DITRONOMI 5:33

Tunda sopŭrŭg-i, isa angān sanang ka isa angān tui udip di tarun tana adi angān re ngisi.

JOSHUA 24:24

Ka bara daya nang di Joshua, “Kieh re bituan di TUHAN adi Tapa ami. Kieh re tunda pinyipesan-I.”