JEREMIAH 42:18 - Hakcipta - Biatah Bidayuh

¹⁸ “TUHAN, adi Tapa Israel, nang, ‘Nimun baji bangok Ku mbŭh nyatŭk daya Jerusalem, simŭnŭ inŭh bangok Ku re nyatŭk angān kambŭi angān di ka Egypt. Angān re tikŭnŭd daya kiris; daya re ngamun angān ka pakai dŭn ngan ndu pangu. Angān re dŭh tia kiris tarun yŭn ati dinge.’ ”

JEREMIAH 42:18 ပူးပေါင်းရင်းမြစ်များ

2 KRONIKEL 34:25

Ngara mbŭh tirawan Aku ka mbŭh jugan sadis ka tapa tapa bŭkŭn, ka mbŭh kinuas Aku ngga sopŭrŭg pingandai ngara. Jerusalem mbŭh kinuas Aku ka baji Ku dŭh re pura.

ISAIAH 30:3

Pak raja anŭ dŭh sukup bikuasa re turung ngara, ka pinŭbŭn pinyigrindung anŭ inŭh pinyirusag.

ISAIAH 65:15

Daya Ku adi Aku mbŭh mien re pakai dŭn ngan ndu pangu. Aku, adi TUHAN Raja, re siŭ angān. Pak Aku re nggen dŭn adi bauh di ngara adi nundok di Aku.

JEREMIAH 18:16

Ngara mbŭh bada tarun tana ati jadi kayuh adi pitaru, jadi kayuh adi dog ngamun adu adu. Sopŭrŭg adi murah re gŭgŭh bada kayuh adi ngara kiris; ngara re kuting ubak ngara amai inga inga.

JEREMIAH 22:27

Kuu re raru jabŭng raan tingga rais ati dinge, pak kuu re dŭh pari.”

JEREMIAH 23:40

Aku re pimangŭh ngara ka ngamun ngara ndŭg situi tui, ka nasip adi mun anŭ re dŭh dog kambŭt.”

JEREMIAH 24:9

Aku re bada pinyirusag nyatŭk ngara ndŭg ka sopŭrŭg bangsa di ong taru. Daya re nyirimbe ngara, ka bitapat pasar ngara, ka ngamun ngara, ka pakai dŭn ngara ndu pangu di barang yŭn Aku bada ngara papar sasah.

JEREMIAH 25:9

‘Aku re bagan sopŭrŭg daya di utara samŭn urun Ku, Raja Nebuchadnezzar so Babylonia. Aku re bada ngara rawan Judah ngga sopŭrŭg adi rŭŭ dieh samŭn bangsa bangsa adi rŭŭ maning-i. Aku re pirabur bangsa ati samŭn ngara adi maning-i ka tandah-i adu adu jadi tibawang. Anŭ re kayuh adi sipŭ ka adi gŭgŭh daya kiris. Aku, adi TUHAN, mbŭh minyu.

JEREMIAH 26:6

Kambŭi angān babŭ abah dingah pinganang, Aku re ndai di Ramin Ku ati kayuh adi Aku mbŭh ndai di Shiloh, ka sopŭrŭg bangsa di ong re pakai dŭn kupo ati ndu pangu.”

JEREMIAH 29:18

Aku re tadak ngara ngga perang, udip sikirau, ka andam, ka sopŭrŭg bangsa di ong re taru kan ngara kiris pimudip ngara. Di barang yŭn Aku bada ngara papar sasah, daya re gŭgŭh ka taru kiris kayuh adi jadi di ngara. Daya re napat ngara ka pakai dŭn ngara ndu pangu.

JEREMIAH 29:22

Kan daya adi dog taban ngga bu jadi daya-takap so Jerusalem di ka Babylonia raan mangu daya, ngara re nang, ‘Isa-i TUHAN ndai di kuu mun Zedekiah ngga Ahab, adi raja Babylonia badang udip udip ngara!’

JEREMIAH 33:5

Kada daya re rawan daya Babylonia, adi re ngisi ramin ramin ngga tadang tadang daya adi Aku re siŭ amai baji ngga bangok Ku. Aku re bu so kupo ati sabab kayuh kayuh arap adi daya-i mbŭh ndai.

JEREMIAH 44:12

Ka bara daya Judah adi babŭ di Judah ka adi mbŭh bigŭtŭ an di ka rŭŭ di Egypt, Aku re manŭn re pirabur ngara. Sopŭrŭg ngara, adi bās ngga adi sŭ, re kabŭs di Egypt, darŭm perang bait sabab sikirau. Ngara re jadi kayuh adi tikŭnŭd daya kiris; daya re ngamun ngara ka pakai dŭn ngara ndu pangu.

JEREMIAH 44:22

Ndŭg andu ati tarun tana ngan nyibawang ka mating daya rŭŭ dieh. Tarun tana ngan anŭ mbŭh jadi kayuh adi tikŭnŭd daya kiris, ka daya pakai dŭn-i ndu pangu sabab TUHAN mbŭh dŭh tia tan kiris kraja pingandai arap ngan ngga udip ginaka ngan.

JEREMIAH 44:6

Jadi baji bangok Ku nyatŭk kupo kupo di Judah ka di aran aran di Jerusalem, ka Aku sigot sopŭrŭg-i. Sopŭrŭg anŭ mbŭh jadi tugung rakang tibawang adi tikŭnŭd daya kiris, ndŭg andu ati.

JEREMIAH 44:8

Mani angān bada Aku baji ngga pingandai ngan adi nyambah tibudo ka nyadis ka tapa bŭkŭn digiti di Egypt, tarun yŭn ngan rŭŭ madin? Angān ndai simŭnŭ ngga pirabur adŭp ngan kah, isa barang bangsa di ong ngamun angān ka pakai dŭn ngan ndu pangu?

JEREMIAH 6:11

Baji Mai di ngara bijagu gŭh darŭm aku, TUHAN, ka aku dŭh tungang nyijŭn-i tia.” Komŭnŭ TUHAN nang di aku, “Ren baji Ku di tunduh bara anak-sŭ di aran raya ka di tunduh anak anak-anya. Banŭh banŭh ngga sawŭn sawŭn ngara re dog taban ngga bu, ndŭg ka adi minyamba re dŭh gŭh dog kidŭm.

JEREMIAH 7:20

Ngapŭi Aku, adi TUHAN Raja, re bada bisā baji Ku nyatŭk Ramin TUHAN ati. Aku re bada-i nyatŭk manusia ngga dāng dāng, samŭn tŭngŭn tŭngŭn kayuh ngga pimuruh. Baji Ku re mun apui adi dŭh daya tungang mura.

PUĀS 2:4

Ayŭh nŭtŭn reja panah-I ka ata mun pinganyu; Ayŭh siŭ sopŭrŭg daya adi ata angan ka adi ata ngangŭn. Digiti di Jerusalem ata kinyam apui baji-I.

PUĀS 2:6

Ayŭh bada randŭk Ramin-I adi yŭn ata nyambah Ayŭh; Ayŭh mbŭh pirŭŭ sopŭrŭg gawai ngga andu Sabbath. Raja ngga imam imam mbŭh samah kinyam bisā baji-I.

PUĀS 4:11

TUHAN mbŭh raru baji; Ayŭh sigot kupo Zion ndŭg ka rŭpŭg.

EZEKIEL 20:34

Aku re kiren di angān kuasa ngga baji Ku kan Aku nguruk angān ka taban angān pari so sopŭrŭg rais di yŭn ngan mbŭh papar sasah.

EZEKIEL 22:22

Ngara re dog piriris di Jerusalem mun pirak dog piriris di buwang apui, ka ngara meh re puan nang adŭp ngara mbŭh kinyam sarang baji TUHAN.”

DANIEL 9:11

Sopŭrŭg daya Israel miranggar ukum ukum-adat Mai ka abah dingah kayuh adi Kaam nang. Kieh bidosa rawan Kaam, ka Kaam meh mbŭh kudog kieh ngga pangu adi dog nuris darŭm Ukum-adat Moses, adi urun Mai.

DANIEL 9:27

Pimritah anŭ re biyŭn pekat-janji adi takung ngga bara daya sitŭkŭd ju sawa, ka kan sitangah tipuh anŭ mbŭh ripuan, ayŭh re pirŭŭ sadis ngga pinganggen. Pinyembar adi Raru Sipŭ re dog na di yŭn adi siabo bigatung di Ramin TUHAN ka re babŭ diginŭ ndŭg ka sianŭ adi na-i diginŭ mbŭh dapŭd pimungan adi Tapa mbŭh sidia yŭn-i.”

HOSEA 7:16

Ngara ngandŭ nyipunok Aku an tunda tapa adi dŭh bikuasa. Ngara dŭh bisa dog sabah mun bawŭh panah adi bidikok. Sabab bara pinguru ngara minyu sambuh, ngara re kabŭs dog siŭ, ka daya Egypt re tawŭh ngara.”

NAHUM 1:6

Kan Ayŭh baji, asi tan? Asi dapŭd rupas so bisā baji-I? Ayŭh piruah baji-I keya ka apui adi bijagu; batuh ruruh kan situra ngga Ayŭh.

ZECHARIAH 8:13

Daya Judah ngga daya Israel! Dawŭ-i daya tami mangu dingan-i sakati, ‘Isa-i pinyirusag anŭ adi nyatŭk Judah ngga Israel nyatŭk angān!’ Pak Aku re nyiramat angān, ka komŭnŭ bara daya tami anŭ re nang di dingan-i, ‘Isa-i angān kambat berkat anŭ adi mandŭg ka Judah ngga Israel!’ Ngapŭi pagan meh ka dŭhnyah taru.”

PINYIKIANG 5:27

Kambŭi ayŭh agi tanggah, piin anŭ re bada ayŭh sangsara; tain-i re bakak ka buat-i re kŭrŭng. Dŭn-i re madam di dupan bara daya adŭp-i.

PINANDŬNG 14:10

re nok wain Tapa, wain baji-I, adi-I ko bandar ren darŭm makuk baji-I! Sopŭrŭg adi bada Ayŭh baji re dog pijera darŭm apui ngga mirirang di sirung jawin malaikat kudus ngga Anak Biri.