JEREMIAH 42:10 - Hakcipta - Biatah Bidayuh

¹⁰ ‘Kambŭi angān raan adu adu rŭŭ di tarun tana ati, Aku an pijog angān ka dŭh nyirubuh angān; Aku re purun angān ka dŭh dimbut angān. Pinyirusag adi Aku mbŭh bada nyatŭk angān mbŭh bada Aku susah.

JEREMIAH 42:10 ပူးပေါင်းရင်းမြစ်များ

2 SAMUEL 24:16

Kan malaikat TUHAN mbŭh ngaŭn re pirabur Jerusalem, TUHAN nukar pikir-I pasar ngukum daya ka nang di malaikat anŭ adi tukang siŭ ngara, “Sadang! Mbŭh ayŭh!” Nganŭ malaikat mbŭh di tarun yŭn ngiik adi dog dapu Araunah, adi daya Jebus.

MAZMUR 102:16

Kan TUHAN pari pijog Zion, Ayŭh re pinandŭng bās-I.

MAZMUR 106:45

Yŭn kana ngara Ayŭh ingat simanya-I, ka sabab pinyirindu bās-I Ayŭh masi di ngara.

MAZMUR 37:3

Sabah di TUHAN ka ndai pingandai kana; rŭŭ di tarun tana ati ka angān re siramat.

MAZMUR 69:35

Ayŭh re nyiramat Jerusalem ka pari pijog kupo kupo Judah. Bara daya-I re rŭŭ diginŭ ka dapu tana anŭ;

PINYIRUAH 32:14

Jadi TUHAN ngubah pikir-I ka dŭh taban pinyirusag anŭ ka daya-I, pinyirusag adi ko-I nang.

JEREMIAH 24:6

Aku re jaga ngara ka taban ngara ngga pari ka tarun tana ati. Aku re pijog ngara ka dŭh nyirubuh ngara; Aku re purun ngara ka dŭh re dimbut ngara.

JEREMIAH 26:19

Raja Hezekiah ngga bara daya Judah dŭh siŭ Micah. Hezekiah tanŭ ka stabi di TUHAN ka suba mite masi so Ayŭh. Ka TUHAN nukar pikir-I pasar pinyirusag adi Ayŭh nang adŭp-I an bada nyatŭk ngara. Ka madin ata gŭh mbŭh sindŭk re an bada pinyirusag bās nyatŭk adŭp ta.”

JEREMIAH 27:11

Pak kambŭi tadŭ tadŭ bangsa nundok di raja Babylonia ka bituan di ayŭh, Aku re bada-i babŭ di tarun tana adŭp-i, biteya ka rŭŭ diginŭ. Aku, adi TUHAN, mbŭh minyu.”

JEREMIAH 31:28

Ka nimun Aku sidia an dimbut, an pitumbang, an taran, an pirabur, an kadi ngara, simŭnŭ gŭh Aku an purun ngara ka pijog ngara.

JEREMIAH 33:7

Aku re bada Judah ngga Israel mujur, ka Aku re pari pijog ngara bada mun adi dawŭ-i.

JEREMIAH 43:4

Jadi mating meh daya bait Johanan bait tadŭ so bara pingubak soldadu tunda pesan TUHAN, anŭ inŭh babŭ rŭŭ di tarun tana Judah.

EZEKIEL 36:36

Komŭnŭ bangsa bangsa adi sindŭk adi babŭ udip re puan nang Aku, adi TUHAN, pari pijog kupo kupo adi mbŭh rubuh ka pari kudip kayuh di tana matung. Aku, adi TUHAN, mbŭh bijanji nang Aku re ndai simŭnŭ — ka Aku sawŭ re ndai-i.”

HOSEA 11:8

“Simuki Aku re tandah kuu, Israel? Simuki Aku re tagan kuu? Bisa kah Aku pirabur kuu mun Admah, puan kah ndai di tunduh mu mun Zeboiim? Atin Ku dŭh re bada Aku ndai simŭnŭ! Pinyirindu Ku di kuu inŭh raru bās.

JOEL 2:13

Bada atin ngan anŭ adi keya ka asur kiren susah ngan; nyiratak piraka ngan dŭh-i sadang.” Pari ka TUHAN adi Tapa ngan. Ayŭh inŭh mandis ka raru masi; Ayŭh tŭtŭd ka ingat janji-I; Ayŭh ari sidia an apun ka dŭh-I an ngukum.

AMOS 7:3

TUHAN nukar pikir-I ka nang, “Kayuh adi kuu kiris dŭh-i re jadi.”

AMOS 7:6

TUHAN nukar pikir-I dinge ka nang, “Kayuh anŭ dŭh gŭh re jadi.”

JONAH 3:10

Tapa kiris ani adi ndai ngara; Ayŭh kiris ngara mbŭh pasan urah ginaka ngara. Jadi Ayŭh nukar pikir-I ka dŭh ngukum ngara nimun adi ko-I nang.

JONAH 3:4

Jonah piguru panu di kupo anŭ, ka ripas panu ndi andu, ayŭh kidaan, “Dŭm pat puru andu Nineveh re dog pirabur!”

JONAH 4:2

Ayŭh bidua, “TUHAN, dŭh kah aku agi nang sibayuh aku matak tingge ramin arŭn ku, nang ati inŭh kayuh adi re Mai ndai? Anŭ inŭh sabab aku rikas di ka Spain! Aku puan Kaam inŭh Tapa adi rindu ka adi masi, ari sabar, ari mandis, ka ari sidia an nukar pikir ka dŭh jadi ngukum.

PINGANDAI 15:16

‘Ripas anŭ Aku re pari, Tuhan nang, ka pari pijog ramin David. Adi rubuh Aku re pari ndai da kana ka bada-i tagap dinge.

DITRONOMI 32:36

TUHAN re nyiramat daya-I kan Ayŭh kiris pinyibake ngara mbŭh mating; Ayŭh re biyŭn masi di ngara adi bituan di Ayŭh, kan Ayŭh kiris ngara mbŭh raru dŭh bigaya.

AKIM 2:18

Kan TUHAN nggen di Israel pinguru, TUHAN turung pinguru anŭ, ka nyiramat daya Israel so pinganyu ngara sitŭkŭd pinguru anŭ gibabŭ udip. TUHAN masi di ngara amai sidaing ngara sitagar sangsara ngga jera-birasa.