JEREMIAH 4:8 - Hakcipta - Biatah Bidayuh

⁸ Ngapŭi kasŭk piraka banang guni, ka muās ka sien sabab bisā baji TUHAN bayuh tingge Judah.

JEREMIAH 4:8 ပူးပေါင်းရင်းမြစ်များ

MAZMUR 78:49

Ayŭh bada ngara raru susah Ayŭh raru baji ka magā, adi mandŭg nimun malaikat pinyikabŭs.

ISAIAH 10:4

Angān re dog siŭ darŭm perang, puan kah dog batak jadi daya-takap. Pak sunggu mŭnŭ, baji TUHAN dŭh re ko; Ayŭh babŭ pakat tangan-I re ngukum.

ISAIAH 13:6

Nyikaong meh, amai andu TUHAN mbŭh sindŭk, tika TUHAN adi Bisa-pŭrŭg taban pinyirusag.

ISAIAH 22:12

Di tika anŭ TUHAN Raja Bisa-pŭrŭg bagan angān bada sien ka muās, bada angān nundo ubak ngan ka nēn banang guni.

ISAIAH 32:11

Angān mbŭh udip sanang, mating kayuh adi yŭn ngan gapang; pak madin, kimŭtŭr meh ngga taru! Pirukos piraka ngan ka mŭŭng banang guni di kupong ngan.

ISAIAH 5:25

TUHAN baji di daya-I ka mbŭh pakat tangan-I re ngukum ngara. Darŭd re bigugoh, ka tadang ngara adi kabŭs re dog tingge di aran raya mun sapok. Pak sunggu mŭnŭ, baji TUHAN dŭh re ko, ka re babŭ pakat tangan-I re ngukum daya-I.

ISAIAH 9:12

Syria di parad tura ka timor ngga Philistia di parad tura ka barat mbŭh kanga baba ngara an man Israel. Pak sunggu mŭnŭ, baji TUHAN dŭh re ko; Ayŭh babŭ pakat tangan-I re ngukum.

ISAIAH 9:17

Ngapŭi TUHAN dŭh re bada tadŭ tadŭ so daya adi mara rupas, ka Ayŭh dŭh re masi di tadŭ tadŭ dayung uban ngga anak tumang, sabab sopŭrŭg daya inŭh daya adi dŭh stabi di Tapa buang ginaka, ka barang masam kayuh adi ngara nang inŭh arap. Pak sunggu mŭnŭ, baji TUHAN dŭh re ko, ka babŭ pakat tangan-I re ngukum.

ISAIAH 9:21

Daya Manasseh ngga daya Ephraim nyerang adŭp dupan adŭp-i, ka samah nyerang Judah. Pak sunggu mŭnŭ, baji TUHAN dŭh re ko; Ayŭh babŭ pakat tangan-I re ngukum.

JEREMIAH 25:34

Sien angān, bara pinguru, angān bara pingingat daya Ku, sien bana! Ngurid ka gurai marik adŭp ngan di tana. Tika re mandŭg adi ngga ngan dog siŭ, ka angān re dog natad mun dari biri.

JEREMIAH 48:20

‘Moab mbŭh rabu,’ ngara re nam, ‘muās-i; Moab mbŭh dog pimangŭh. Piagah di barang naan daya di Yang Arnon nang Moab mbŭh dog pirabur!’

JEREMIAH 6:26

TUHAN nang di daya-I, “Kasŭk banang guni ka gurai adŭp ngan di apŭk. Bandar bandar muās mun angān muās anak tambŭ dari ngan, sabab sianŭ adi mandŭg di pirabur angān re gŭgŭh nyerang.

PUĀS 1:12

“Tingga aku!” ayŭh nyirais nang di barang naan adi murah. “Gi-mating daya kinyam sangsara mun jaku, Sangsara adi TUHAN mbŭh bada nyatŭk aku darŭm-I baji.

EZEKIEL 21:12

Nyikaong meh darŭm susah, manusia; pedang anŭ inŭh ngga rawan daya Ku ka ngga rawan bara pinguru Israel. Ngara re dog siŭ samŭn sopŭrŭg daya Ku adi bŭkŭn. Nupap sudo mu darŭm susah!

EZEKIEL 30:2

“Manusia,” Ayŭh nang, “minyu-binabi ka piagah kayuh adi Aku, TUHAN Raja, nang. Kuu an nyirais nang pinganang ati: Andu TUHAN mbŭh sindŭk!

JOEL 1:13

Nēn banang guni ka muās, angān bara imam adi nyiraja di mija-sambah! Di mŭrŭt Ramin TUHAN ka muās ndi ngarŭm ngarŭm! Mating gandom puan kah wain re ngan jugan ka Tapa ngan.

AMOS 8:10

Aku re bada andu gawai ngan jadi andu nyikubur ka bada ragu pawŭn ngan jadi ragu puās. Aku re bada angān gumbak ubok ngan ka nēn banang guni, ka angān re mun pimas ngurid anak tambŭ-i. Andu anŭ re pa'it ndŭg pinŭbŭn-i.

MICAH 1:16

Daya Judah, kapŭg ubok ngan ngga ngurid anak anak ngan adi angān raru rindu. Nundo ubak ngan bada mun ubak manuk onta, sabab anak anak ngan re dog taran ka rais tami.

PINYIKIANG 25:4

ka nang di Moses, “Tambit sopŭrŭg pinguru Israel ka siŭ ngara darŭm jawa sandu, ka komŭnŭ Aku re dŭh tia baji di bara daya.”