JEREMIAH 4:7 - Hakcipta - Biatah Bidayuh

⁷ Keya ka singah ruah so tarun yŭn-i bisukan, pinyirabur bangsa mbŭh matak. Ayŭh mandŭg di pirabur Judah. Kupo kupo Judah re rubuh, ka mating daya re rŭŭ dieh.

JEREMIAH 4:7 ပူးပေါင်းရင်းမြစ်များ

2 RAJA 24:1

Sitadŭn Jehoiakim jadi raja, Raja Nebuchadnezzar so Babylonia nyerang Judah, ka sitŭkŭd taruh sawa Jehoiakim dog takan nundok di pinyipritah-i. Komŭnŭ ayŭh rawan Nebuchadnezzar.

2 RAJA 25:1

Zedekiah rawan Raja Nebuchadnezzar so Babylonia, jadi Nebuchadnezzar mandŭg ngga sopŭrŭg bara soldadu-i ka nyerang Jerusalem di andu adi simŭng darŭm buran simŭng di sawa adi prii darŭm pinyipritah Zedekiah. Ngara bibari di sapa kupo, pijog sindung sindung ngga nyikapung-i,

ISAIAH 1:7

Rais ngan mbŭh dog pirusak, ka kupo kupo ngan mbŭh dog sigot ndŭg ka rŭpŭg. Di sirung jawin ngan, daya tami sirapas tana ngan ka pirusak ani ani adi agi dieh.

ISAIAH 5:9

Aku mbŭh dingah TUHAN adi Bisa-pŭrŭg nang, “Sopŭrŭg ramin ati adi bayah ka ramus re rubuh.

ISAIAH 6:11

Aku siken, “Ndŭg sinde kayuh ati re mun ati, TUHAN?” Ayŭh nam, “Ndŭg ka kupo kupo mbŭh rubuh ka mating ani ani dieh, ndŭg ka ramin ramin mbŭh mating daya rŭŭ dieh, ndŭg ka tarun tana anŭ mbŭh jadi tarun adi pajam.

JEREMIAH 2:15

Ngara ngŭr ayŭh keya ka singah; ngara mbŭh bada tarun tana-i jadi tarun tana-pajam, ka kupo kupo-i jadi tibawang, ka bŭn dog tudu.

JEREMIAH 22:6

“Di aku, istana raja di Judah inŭh ramus mun tarun tana Gilead ngga Darŭd Darŭd Lebanon; pak Aku re bada-i jadi tarun tana matung di yŭn daya mating rŭŭ dieh.

JEREMIAH 22:7

Aku pait daya bada pirabur-i. Ngara re taban kapak ka nyirubuh uros uros sedar-i anŭ adi ramus ka taran-i ka darŭm apui.

JEREMIAH 25:38

TUHAN mbŭh tagan daya-I mun singah tagan rubang-i. Pinyisipŭ perang ngga baji TUHAN mbŭh bada rais ati marui jadi tarun tana-pajam.

JEREMIAH 25:9

‘Aku re bagan sopŭrŭg daya di utara samŭn urun Ku, Raja Nebuchadnezzar so Babylonia. Aku re bada ngara rawan Judah ngga sopŭrŭg adi rŭŭ dieh samŭn bangsa bangsa adi rŭŭ maning-i. Aku re pirabur bangsa ati samŭn ngara adi maning-i ka tandah-i adu adu jadi tibawang. Anŭ re kayuh adi sipŭ ka adi gŭgŭh daya kiris. Aku, adi TUHAN, mbŭh minyu.

JEREMIAH 26:9

Mani kuu nang ngga adŭn TUHAN nang Ramin TUHAN ati re jadi mun Shiloh ka kupo ati re dog pirabur ka mating daya re rŭŭ dieh?” Komŭnŭ daya bagŭ tikuruk maning aku.

JEREMIAH 27:8

“Pak kambŭi tadŭ tadŭ bangsa bait pritah abah nundok di pimritah-i, Aku re ngukum bangsa anŭ ngga perang, ngga udip sikirau, ka ngga andam, ka ko anŭ Aku tandah Nebuchadnezzar batur batur pirabur-i.

JEREMIAH 33:10

TUHAN nang, “Daya nang tarun yŭn ati mun tarun tana-pajam, adi mating daya bait dāng rŭŭ dieh. Ka pinganang ngara sawŭ; kupo kupo Judah ngga aran aran di Jerusalem mbŭh mating daya dieh; mating daya bait dāng rŭŭ dieh. Pak di tarun tarun yŭn anŭ angān re dingah dinge

JEREMIAH 34:22

Aku re pesan, ka ngara re pari ka kupo ati. Ngara re nyerang-i, sirabut-i, ka badang-i. Aku re bada kupo kupo Judah mun tarun tana-pajam di yŭn daya mating rŭŭ dieh. Aku, adi TUHAN, mbŭh minyu.”

JEREMIAH 4:29

Dingah jawŭn bara pinunggang kuda ka bara adi tukang nimbak reja-panah sopŭrŭg daya re bikaduh bu. Agi adi bu ka tuān, adi bŭkŭn re jakŭh dudu batuh. Barang kupo re dog tingge, ka mating daya re tia rŭŭ dieh.

JEREMIAH 44:2

TUHAN Bisa-pŭrŭg, adi Tapa Israel, nang, “Adŭp ngan mbŭh kiris pinyirusag adi Aku mbŭh bada nyatŭk Jerusalem ngga sopŭrŭg kupo adi bŭkŭn di Judah. Ndŭg madin, sopŭrŭg-i babŭ nyibawang, ka mating daya rŭŭ dieh

JEREMIAH 46:18

Aku, adi TUHAN Bisa-pŭrŭg, inŭh raja. Aku Tapa adi udip. Nimun Darŭd Tabor bigatung so darŭd darŭd adi bŭkŭn ka Darŭd Carmel bigatung so jawin rawŭt, simŭnŭ gŭh pinyibake sianŭ adi nyerang kuu.

JEREMIAH 49:19

Mun singah ruah so darŭm tarun adi tabar di arong Yang Jordan di ka tarun tana kupai, Aku re bada daya Edom nyirŭgŭh babak bu so rais ngara. Komŭnŭ daya adi Aku mien re mritah bangsa anŭ. Asi dapŭd dog danding ngga Aku? Asi birani natang Aku? Pimritah aki ndi adi dapŭd nyakar Aku?

JEREMIAH 5:6

Anŭ inŭh sabab ngara re dog siŭ singah so tuān; kasong tarun so tarun tana-pajam re nyirigat nyiratak ngara, ka busing tarun adi mangah re panu mŭrŭt kupo kupo ngara. Kambŭi ngara anŭ ruah, ngara re dog nyirigat sabab dosa ngara raru bagŭ ka pari pari ngara tagan Tapa.

JEREMIAH 50:17

TUHAN nang, “Daya Israel mbŭh keya ka biri, adi dog tadak singah ka mbŭh basak basik. Sibungas-i, ngara dog nyerang raja-empaya Assyria, ka komŭnŭ Raja Nebuchadnezzar so Babylonia mapa turang ngara.

JEREMIAH 50:44

“Mun singah ruah so tuān adi tabar di arong Yang Jordan di ka tarun tana kupai, Aku, adi TUHAN, re mandŭg ka bada daya Babylonia nyirŭgŭh bikaduh bu so kupo ngara. Komŭnŭ pinguru adi Aku mien re mritah bangsa anŭ. Asi dapŭd dog danding ngga Aku? Asi dapŭd natang Aku? Pimritah adi munki dapŭd nyakar Aku?

JEREMIAH 8:16

Pinganyu ta mbŭh agi darŭm kupo Dan; ata dingah jawŭn so udung kuda ngara. Ndi tarun tana bigagar kan kuda ngara jawŭn. Pinganyu ta mbŭh mandŭg di pirusak tarun tana ta samŭn sopŭrŭg kayuh darŭm-i, kupo ta ka sopŭrŭg daya adi darŭm-i.”

JEREMIAH 9:11

TUHAN nang, “Aku re bada Jerusalem jadi tugung rakang tibawang, tarun yŭn kasong tarun rŭŭ; kupo kupo Judah re jadi tarun tana-pajam, tarun adi dŭh daya yŭn rŭŭ.”

EZEKIEL 12:20

Kupo kupo adi madin puno ngga bara daya re dog pirabur, ka rais anŭ re jadi tarun tana-pajam. Komŭnŭ ngara re puan nang Aku ati TUHAN.”

EZEKIEL 21:31

Angān re kinyam baji Ku kan Aku piruah-i di angān mun apui adi bijireb. Ka Aku re nggen angān di daya adi gaok, daya adi sukup pandai pirabur.

EZEKIEL 32:2

“Manusia,” Ayŭh nang, “nggen pinyibakan adi riang di raja Egypt. Nggen di ayŭh pinganang ati so Aku: kuu bada adŭp mu mun singah di dupan bangsa bangsa, pak kuu rabis dŭ keya ka buai prikarub di sungi. Kuu kinaruh piin ngga kaja mu ka kinais sungi sungi.

DANIEL 5:19

Ayŭh raru bās ndŭg ka daya so barang bangsa, kaum, ka piminyu taru di ayŭh ndŭg ka kimŭtŭr. Kambŭi ayŭh raan siŭ daya, ayŭh sawŭ siŭ; kambŭi ayŭh raan tandah daya udip, ayŭh sawŭ tandah. Ayŭh paad pangkat daya ngga bisor pangkat daya nanyam pinyiraan adŭp-i.

DANIEL 7:4

Adi diŭ mun singah, pak biyŭn urad mun beuh. Darŭm aku tingga, urad urad-i rudos so pŭrŭng-i. Dāng anŭ dog pakat ka dog bada mijog tŭnggŭn. Ka komŭnŭ pikir-kira manusia dog nggen di dāng anŭ.

LEVITICUS 26:31

Aku re nyirubuh kupo kupo ngan, ka pirabur tarun yŭn angān bisambah, ka dŭh re kambat sadis sadis ngan.

LEVITICUS 26:33

Aku re taban perang ka angān ka bada angān papar sasah ka tarun tarun tana rais daya tami. Tarun tana ngan re dog tagan ka kupo kupo ngan re asur.