JEREMIAH 4:22 - Hakcipta - Biatah Bidayuh

²² TUHAN nang, “Daya Ku inŭh budo; ngara dŭh puan Aku. Ngara mbŭh keya ka bara anak-sŭ adi budo; ngara dŭh biyŭn atin mirati. Ngara sukup pandai ndai kayuh adi arap, pak dŭh pandai ndai kayuh adi kana.”

JEREMIAH 4:22 ပူးပေါင်းရင်းမြစ်များ

TIBIRIK 39:16

Ayŭh nyikŭn jipo-ambu Joseph ndŭg ka tuan Joseph mbŭh mari.

2 SAMUEL 13:3

Pak ayŭh biyŭn ndi naan jerā dŭn Jonadab, adi pitar darŭm atin arap-i, anak Shammah jurud David.

MAZMUR 36:3

Piminyu ngara inŭh arap ka puno ngga kadong; ngara dŭh tia ndai pingandai bijak ngga pingandai kana.

MAZMUR 36:4

Ngara bisatur kayuh adi arap di tika ngara guring di ambok; mating pingandai ngara kana, ka ngara bŭn taran tadŭ kayuh adi arap.

MAZMUR 53:4

“Dŭh kah ngara puan?” Tapa siken. “Ngara adi arap ati dŭh puan kah? Ngara mirupak daya Ku ngga kudip adŭp-i, ka ngara bŭn bidua ka Aku.”

MAZMUR 82:5

“Munki masam bawa-i angān! Raru budo! Angān mbŭh sukup arap, ka pinyitŭnggŭn mbŭh miyap so ong.

PITAS 28:5

Daya arap dŭh puan pinyitŭnggŭn, pak ngara adi nyambah TUHAN inŭh adi batur mirati pinyitŭnggŭn.

ISAIAH 1:3

Sapi puan asi dapu ngara, ka kaldi puan diki tuan ngara paan ngara, pak daya Ku Israel dŭh puan. Ngara manŭn dŭh mirati!”

ISAIAH 27:11

Daan daan tŭngŭn kayuh mbŭh rayu ka pata, ka bara dayung sun-i ndu uwang. Sabab daya dŭh mirati ani ani, Tapa adi Pinapa ngara dŭh re masi bait apun ngara.

JEREMIAH 10:8

Sopŭrŭg ngara budo ka bawa. Ani bisa ngara birajar so tibudo apŭg kayuh?

JEREMIAH 13:23

Dapŭd kah daya singŭt nukar kala kurit-i, bait busing tarun kadi biritik-i? Kambŭi dapŭd, kuu adi ari ndai arap dapŭd gŭh birajar ndai kayuh adi batur.

JEREMIAH 2:8

Bara imam mating siken, ‘Diki TUHAN?’ Bara imam Ku dŭh puan Aku. Bara pimritah birawan matah Aku; bara nabi minyu ngga dŭn Baal ka nyambah tibudo adi dŭh biguna.

JEREMIAH 4:21

Ndŭg sinde aku dŭh siŭn dŭh kiris bisaad ati ka dingah jawŭn trompet?

JEREMIAH 5:21

Dingah, angān daya adi budo buang bawa, adi biyŭn batŭh pak dŭh kiris, adi biyŭn kajit pak dŭh dingah.

JEREMIAH 5:4

Komŭnŭ aku pikir, “Ngara ati daya adi budo bawa. Ngara budo darŭm urah ngara; ngara dŭh puan ani anŭ adi Tapa ngara raan, kayuh adi TUHAN raan ngara ndai.

JEREMIAH 9:2

Kasi ka aku biyŭn tarun yŭn rŭŭ di tarun tana-pajam di yŭn aku bisa pijo adŭp ku so daya ku. Sopŭrŭg ngara dŭh tŭtŭd, tibaran daya adi ginaka.

JEREMIAH 9:3

Ngara ari sidia an kadong; di ndi tarun tana rais, anŭ adi sawŭ dŭh bikuasa, pak atin bidikok mbŭh mritah. TUHAN nang, “Daya Ku dŭh ko ko ndai arap, ka dŭh ngaku Aku Tapa ngara.”

JEREMIAH 9:5

Sopŭrŭg ngara nipu dingan-i, ka mating adi nang kayuh adi sawŭ; ngara mbŭh pikanyet jura ngara minyu kadong ka dŭh re ko bidosa. Ngara dŭh ko ko ganas, ka dŭh ko ko ndai pingandai tipu. TUHAN nang daya-I mbŭh tirawan adŭp-I.

EZEKIEL 16:30

Ati inŭh kayuh adi TUHAN Raja nang: “Sopŭrŭg pingandai mu anŭ mun pingandai dayung sundar adi dŭh puan adŭp-i mangŭh.

HOSEA 4:1

TUHAN nyarah daya adi rŭŭ di tarun tana ati. Dingah Israel, kayuh adi-I nang, “Mating pinyitŭtŭd bait kah pinyirindu di tarun tana ati, ka daya dŭh ngaku Aku ati Tapa.

HOSEA 4:6

Daya Ku re rabur amai ngara dŭh ngaku Aku. Angān bara imam abah ngaku Aku ka mbŭh tirawan ajar Ku, ngapŭi Aku tirawan angān ka re dŭh ngaku bara anak ngan keya bara imam Ku.

HOSEA 5:4

Pingandai arap ngara mbŭh matŭn ngara pari ka Tapa ngara. Ngara mbŭh dŭh tungang ko nyambah tibudo, ka ngara dŭh ngaku TUHAN.

AMOS 3:10

TUHAN nang, “Ngara anŭ ngisi ramin bās-i ngga kayuh kayuh adi tambit-i pakai aran adi sarah ka ganas. Ngara taŭn dŭh adŭ puan munki re bada adŭp-i jujur.

MICAH 2:1

Munki masam sipŭ-i re yŭn ngara adi singadu dŭh bŭŭs amai bisatur an ndai kayuh arap! Kan-i mbŭh isan isan, ka kambŭi agi pluang, ngara ndai kayuh arap anŭ adi ngara mbŭh bisatur an ndai.

MICAH 7:3

Sopŭrŭg ngara sukup pandai ndai arap. Bara pinurung pritah ngga akim akim mite suap. Daya adi bās kidaan kayuh adi-i raan, ngapŭi meh ngara taŭn bipekat ndai kayuh.

LUKE 16:8

“Sitagar anŭ, tuan anŭ muji pingingat adi dŭh jujur anŭ amai ayŭh birakar di pingandai-i; sabab daya ong ati agi rabis birakar darŭm-i digŭng kraja pingandai-i so daya adi udip darŭm jawa.”

JOHN 16:3

Daya re ndai simŭnŭ di angān sabab ngara dŭh puan Sama bait Anak.

ROME 1:22

Ngara nang adŭp-i bijak, pak ngara budo;

ROME 1:28

Sabab ngara abah ngaku Tapa, Tapa mbŭh tandah ngara ka darŭm pikir adi arap, isa ngara ndai kayuh adi ngara dŭh patut ndai.

ROME 16:19

Sopŭrŭg daya mbŭh dingah pasar angān adi mbŭh tŭtŭd di Agah Kana anŭ, ka sabab anŭ aku mbŭh sanang asŭng di angān. Aku raan angān bijak jeja ka kayuh adi kana, pak bawa jeja ka kayuh adi arap.

ROME 3:11

mating daya adi sawŭ bijak puan kah adi nyambah Tapa.

1 CORINTH 14:20

Dŭhnyah bipikir mun anak daya, bara dingan ku. Angān patut keya ka anak-anya jeja ka kayuh adi arap, pak jadi daya tuuh darŭm pikir ngan.

DITRONOMI 32:28

“Israel inŭh bangsa adi dŭh biyŭn atin; ngara manŭn dŭh biyŭn pinyibijak.

DITRONOMI 32:6

Simŭnŭ kah angān patut ngga TUHAN, angān adi budo, adi dŭh biyŭn pikir? Ayŭh anŭ Sama ngan, Pinapa ngan, Ayŭh ndai angān jadi ndi bangsa.